الصراحة من اكتر شىء محبط لطلاب الصيدلة
الفيزياء والحيوان فعلا
زى مايكون مصرين على احباط الناس وهيا داخله
عرض للطباعة
الصراحة من اكتر شىء محبط لطلاب الصيدلة
الفيزياء والحيوان فعلا
زى مايكون مصرين على احباط الناس وهيا داخله
اقتباس:
المشاركة الأصلية كتبت بواسطة نورهان 2009
Be Optimistic-----
فى حاجة اسمها Basic sciences ..
لازم كل واحد يدرسها ..
بطريقة أبسط .. هل ينفع كنا ناخد مثلاً تفاضل و تكامل .. من غير ما ناخد رياضيات الجمع و الطرح ؟
هل ينفع تاخد فيزيا من غير ما تدرس رياضيات ؟؟؟
هل ينفع تاخد كيميا طبية من غير ما تدرس تحليلية و عضوية ؟؟
و الأمثلة كتير ....... :)
خلوكوا متفائلين ..
الناس آخدة من الثانوية على نظام المعلومة " فى المذكرة و بس " ..
و عاوز تنجح " حل امتحانات كتير " ..
المعلومة فى صيدلة مش فى الكلية و بس ..
المعلومة فى صيدلة فى كتاب .. فى سى دى ..
فى نشرة دوا .. فى روشتة دكتور وقف عليا حاجة فيها و سألت فيها ..
مش عيب لما أقول للمريض مش عارف ..
مش عيب لما أفتح نشرة الدوا قدام المريض و أتأكد ..
الأصل فى الصيدلة هو الفهم .. لكن الناس حولتها بالتدريج للحفظ المطلق ..
المفروض إنك واحد فاهم .. و لو وقف عليك معلومة عندك مرجع ..
مش عيب لما يجيلى مريض ياخد دوا مضاد حيوى .. OTC .. و أقوله طب خلينا نتأكد .. خصوصاً لو كان المضاد الحيوى لطفل .. لأن دى حاجات بتتحسب بالوزن ..
بالعكس ..
يا جماعة الصيدلة مش فرد عضلات و فهلوة ..
الصيدلى ليه مدة صلاحية .. زيه زى الأدوية اللى بيشتغل فيها ..
الصيدلى بينتهى عمره الافتراضى ... و يتحول من صيدلى إلى " بياع " .. و " فهلوى " .. إذا توقف عن القراءة لمدة سنتين ..
يا ريت كلنا نعى الموضوع ده .. :)
اقتباس:
المشاركة الأصلية كتبت بواسطة DR.OMDA
دكتورنا ..
لما تطلع تانية و رابعة إن شاء الله .. هتعرف إن الحيوان كان ليه لازمة ..
هتعرف إن مينفعش تدرس ميكروبيولوجى من غير ما تدرس حيوان ..
و مينفعش تدرس Public Health من غير ما تكون دارس ميكروبيولوجى ..
يا جماعة الحاجات دى محطوطة بميزان ..
مش مجرد حشو ..
الذنب اللى بنرتكبه و الخطأ اللى بنقع فيه هو إننا بنعتبر المواد دى مش بتاعتنا .. لمجرد إن دكاترة من كلية تانية بتدرسهالنا ..
و بالتالى مبتتذاكرش .. و بتتركن .. و الآخر نقول صعبة .. و محبطة ..
و ده مينفعش .. :hi:
معاك يادكتور فى كل كلامك
بس لازم برضه نعترف
ان فى قصور من المواد اللى بتدرس
فيه مادة كاملة مش موجودة فى كليتنا
!!!!
=
نصف الصيدلة
حضرتك أكيد عندك الcomperhensive Pharmacy Review
شوف الكتاب مقسوم لقسمين
قسم كامل اسمه Pharmacy Practice
مجلد أكثر من 500 صفحة !!!
الطالب هناك بيدرب فى الصيدلية اثناء الدراسة !!
من خلال صيدلية موجودة فى الكلية
تحت إشراف صيادلة بيدرسولهم
أكيد الطالب هيطلع صيدلى ممتاز
لكن هنا لازم أعانى عشان أصل
حتى لمساعد صيدلى هناك
العلوم الأساسية مش
بالطريقة العجيبة اللى كانت بتدرس لنا
عامة احنا فى يدنا نغير كثير
وهمتك معانا يادكتور
اعتقد ان حضرتك
ممكن يكون لك دور كبير
فى أى فكرة تتنفذ
فياريت تفضل متابع معانا
اقتباس:
المشاركة الأصلية كتبت بواسطة عبدالله عبدالرحمن
المنظومة كلها كده يا دكتور ..
يعنى هل طلبة إبتدائى بيدرسلهم الإسعافات الأولية ؟
أو إزاى يتصرف فى المواقف الصعبة ؟ إزاى يذاكر ؟ إزاى يتعامل مع المجتمع ؟
فى الخارج .. حتى لو المنهج مش اتدرس فى المدرسة .. بيبقى فى معسكرات صيفية ..
و لكل الطلبة ..
و الهدف منها بيكون واضح و صريح .. و هو الـ practicality و الـ social life ..
لكن فى مصر ..
بص للمنظومة كلها من فوق .. هتلاقى إن اللى وضع المناهج ..
بيتفنن إزاى يخليك متفكرش .. إزاى يعزلك عن العالم .. إزاى يخلى كل همك تذاكر " عشان الامتحان عشان تنجح " ..
دون أدنى تفكير هتعمل إيه بعد ما تتخرج ..
لأنك لو فكرت .. هتعرف إن هم بالتدريج .. خلوا الشهادات فى مصر زى ما بيقولوا .. إنى لا أكدب و لا لكنى أتجمل ..
بمعنى إن طالب الجامعة بالفعل .. بيتخرج جااااهل .. إلا من رحم ربى ..
أنا معاكوا إن شاء الله ..
بس قبل ما نغير أو نقول عاوزين ..
لازم نعرف هدفنا إيه ..
هدفك إيه ؟
عاوز تعمل مشروع إصلاح تعليمى .. كويس جداً .. و ممتاز ..
إيه هى المحاور اللى هتتكلم عليها ..
مين هيعد الدراسة .. كل حاجة لازم تكون مدروسة و محطوطلها خطة ..
هتقدم ملف و تقول إحنا عاوزين .. هيتحط فى الدرج ..
لكن لما تحط خطة .. و تحدد و تقول المزايا و العيوب .. و إيه وجه الاستفادة من التغيير ..
مش عاوز نتكلم و نرد على بعض ..
هنقعد كتيـــــــــــر أوى عقبال ما نعرف حل لمشكلة واحدة ..
عاوزين نشتغل صح ..
اعمل قايمة بأسامى المشاركين ..
إبعت دعوات على الرسايل الخاصة ..
واحد بس يجمع المشكلات و يطرح المواضيع ..
الموضوع أو المشكلة الواحدة يتحطلها جدول زمنى للبحث و الخروج بتوصيات .. عشان متبقاش سلطة :fopl00l:
هتشتغل صح من الأول .. هتخرج إن شاء الله بنتايج صح ..
و يا ريت يكون حد موجود يعمل Summary لكل مشكلة .. و التوصيات اللى خرجنا بيها .. و اتضافت فى الملف بتاريخ كام .. فى نهاية كل موضوع ..
كده يبقى ممتاز جداً ..
و فكر ف مين اللى هيقدم البحث ده .. و هيقدمه لمين .. و فين .. و مين الجهات المعنية ..
بالإضافة للجهات اللى تقدر تساعدنا .. حكومية أو غير حكومية ..
كدهه يبقى بنعمل شغل صح .. و شغالين فى System صح .. و إن شاء الله نطلع بنتايج صح ..
تحياتى ،، :fop (18):
اقتباس:
المشاركة الأصلية كتبت بواسطة ..::ciZar_Resala::..
كلامك مظبوط يادكتور
ومتخافش
كل الحاجات دى معموله وجاهزة
تلاميذك يادكتور:)
الخطة والأهداف دى أول حاجة عملتها
ولولا الوضع الصعب اللى بتمر به الكلية دلوقتى
كنت قدمتها فى الفترة اللى فاتت
لكن فى ضغوط حاليا كثير
على العميدة والموضوع
محتاج دماغ رايقة عشان نناقشه صح
وعامة انتخابات الأتحاد قربت
وأعتقد ان الأتحاد لو اتبنى الموضوع بجدية
هيبقى فى تحركات أسرع
وبالنسبة للفترة الزمنية للنقاش
احنا اتفقنا ان كلل ساحة أو مشكلة
تقعد أسبوع وبعدها ينزل الكلام المكتوب فى
هيئة نقاط
:fop (29):
دي الخلاصة، وللأسف نجحوا في كده جدااقتباس:
بص للمنظومة كلها من فوق .. هتلاقى إن اللى وضع المناهج ..
بيتفنن إزاى يخليك متفكرش .. إزاى يعزلك عن العالم .. إزاى يخلى كل همك تذاكر " عشان الامتحان عشان تنجح " ..
تمام، وانا مع اننا ناخد وقتنا أوي علشان نوصل للنتايج في الآخر، التخطيط عموما مش سهل وبيحتاج مجهود وتعلّماقتباس:
لكن فى ضغوط حاليا كثير
على العميدة والموضوع
محتاج دماغ رايقة عشان نناقشه صح
وعندي اقتراح يا د/عبد الله، لو حضرتك ممكن تقسم أدوار معينة علينا وخصوصا ان شوية وهنلاقي العملي بدأ وكله انشغل، فمن دلوقتي لو كل حد من الخريجين أخد دور معين هنسهل على حضرتك كتير
كل الكلام اللى اتقال ده هو اللى كلنا تقريبا كنا عاوزين نقوله وكنا حاسيين واحنا بندرب فى الصيدلية ولا كأننا طلبة فى كلية صيدلة واننا ناقصناكتير قوى عشان نقدر نبقى صيادلة صح ياريت فعلا نقدر نعمل حاجة نرفع بيها مستوانا ونبقى واثقين وقادرين نخدم الناس صح مش مجرد بس اننا نصرف لهم الروشتة
انا شايفه انه مش صحيح زى بعض الدكاترة ما بتقول ان سبب تراجع المهنة هو الطلبة بالعكس فى طلبة كتير نفسها تبقى كويسة بس طريقة تدريس المواد وافتقارها للتطبيق العملى احد اسباب عدم اتقانهااقتباس:
لكن هنا لازم أعانى عشان أصل
حتى لمساعد صيدلى هناك
العلوم الأساسية مش
بالطريقة العجيبة اللى كانت بتدرس لنا
كلنا مستعدين نشارك حتى اللى لسه بيدرسوا لو ممكن يساعدوا باقتباس:
عندي اقتراح يا د/عبد الله، لو حضرتك ممكن تقسم أدوار معينة علينا وخصوصا ان شوية وهنلاقي العملي بدأ وكله انشغل، فمن دلوقتي لو كل حد من الخريجين أخد دور معين هنسهل على حضرتك كتير
اى عمل
ما شاء الله، كويس جدا جدااقتباس:
كلنا مستعدين نشارك حتى اللى لسه بيدرسوا لو ممكن يساعدوا ب
اى عمل
أهم حاجة نجدد نيتنا كل شوية يا دكاترة علشان نؤجر بإذن الله
شئ جميل وكلام كويس بس اهم حاجه انه يدخل حيز التطبيق بسرعه اعتبارا من السنه دي هيبقى في 5 دفعات لقدام هتدرس بنفس النظام نفسي بجد الوضع يتصلح بسرعه ويطلع من كليتنا خريج راضي اولا عن نفسه وعن مستواه ومؤهل لدخول ميدان العمل داخل وخارج مصر بالصوره اللي تليق بينا وبكليتنا وبمصريتنا اولا واخيرا
السلام عليكم
أكيد أنا مش عندى كلااام أكتر من اللى حضراتكم وضحتوه أنا قرأت كل الموضوع والمشاركات وفعلا أنا عانيت جدا فى الكليه من أسلوب المناهج العقيم وخصوصا فى اعدادى صيدله كانت صدمه كبيره وكنت بقول مش هنجح أصلا وأحتمال أحول كمان أى كليه برغم انى دخلت صيدله عن اقتناع بس الحمد لله انى عديت ونجحت فى اعدادى وبتقدير جايز لو كان حصل غير كده كنت فعلا اتعقدت من صيدله مش هطول فى الكلام دا لانى عارفه ان كلنا مرينا بنفس التجربه
المهم التنفيذ وأخذ الموضوع فى الاعتبار من قبل أساتذتنا فى الكليه لانهم عندهم القدره على تصعيد الموضوع للجهات الاكبر وبالتالى نظام التعليم فى كل كليات الصيدله يتطور ونرتقى بمهنه الصيدله والصيدلى المصرى لان الموضوع دا مش بيعانى منه طلبه صيدله المنصوره فقط ولكن كل دارسى الصيدله فى مختلف جامعات مصر عموما اتمنى فعلا زمايلنا اللى لسه فى الكليه يستفيدوا أكتر مننا ويغيروا ويكون حظهم أفضل وأنا على أتم أستعداد للمشاركه بأى شئ باذن الله وياريت موضوع التعليم المستمر دا يتنفذ بس أهم حاجه يتنفذ صح ويكون فى أهداف ونقاط واضحه عشان المشروع ينحج