عرض للطباعة
الواحد ما بقااش عارف يثق في كلام مين ولا مين ..؟!!!
اذا كانت الاخبار لسه واصلاني من زمايلنا في سنه رابعه .. ان الدكتور حسن الكاشف ( برده ) بيقول ان الدراسه هاتتأجل للسنه الجايه .. والموضوع ده اتلغى السنادي خلاص ...
وناس كتييير سحبوا فلوسهم .. وماعدتش في الدفعه الا 35 طالب بس !!!
الله اعلم هما بيخبوا علينا .. ولا مش عايزين يصدموونا .. ولا هما لسه مستنيين فعلا .. !
ههمم .. ربنا يستر ..
مع احترامي لكلام زميلك يا د/Fatooma بس أقدر أقولك أن النظام هيتم تفعيله يوم الثلاثاء باذن الله بنزول الجداول بدون مقاطعة ( الكلام ده مش كلامي ده كلام الأستاذ الدكتور وكيل الكلية حسن الكاشف والدكتورة ماجدة النهاردة ).يا جماعة الي عاوز يكتب خبر ياريت يكون سمعه بنفسه من أحد المسؤولين عن النظام ويتأكد بدل المرة ألف عشان الكلام الي بشوفه مكتوب هنا من بعض الأعضاء بيربك ناس كتير . وشكرا.
يعنى نجى بكرة ولا لأ
والله أنا مسألتش . مقدرش أفيدك في الموضوع ده . أنا ممكن أتكلم عن نفسي وقولك اني مش رايح بكرة .
انت متاكد اصل انا كنت ناوى اشترى كتب واحضر السكاشن اصلهم يوم السبت هيعيدوا عملى الكيمياء
لحد ما نشوف نهاية الموضوع ده ايه؟
السلام عليكم ورحمة الله وبركاته,
يا جماعة ماحدش ينزل بكره الجامعة,
تحياتى;
للأسف يا دكتور .. الكلام ده موثوق منه جداً .. والدليل على كده اني روحت بنفسي انهارده الكليه .. علشان اقابل الدكتور حسن الكاشف .. واستفسر منه على الاقل .. عن سبب اللي حصل ..!؟
السكيرتير مارضاش يدخلنا اصلا .. لما عرف اننا كلينيكال .. وقاللي انه الدكتور ماعندوش رد للاستفسارات دي .. ولو عايزه تسألي حد .. روحي للدكتوره ماجده .. !!!
موضوع التاجيل ده فعلا كان هايحصل .. زي ماوصلنا بالضبط .. بس سيادة العميد كان على اتصال دائم مع الوزاره.. وكان بيحاول يعرف سبب الرفض او ( سبب تاجيل الموافقه ) .. هو والدكتوره ماجده .. -اللي بالمناسبه هيه اللي قابلتنا النهارده- .. وقالتلنا انه العميد مسافر القاهره في اجتماع مع لجنة القطاع انهارده .. علشان يجيب الموافقه ... وان شاء الله الرد هايكون خلال الاسبوع الجاي .. اذا ماكانش يوم الاتنين .. يبقى التلات .. ان شاء الله ..
احنا من ضمن 5 جامعات متقدمه بنفس الطلب والنظام .. واتقبلوا .. ماعدا احنا !!!!
والسبب ؟!! الله اعلم ..
الجامعات دي بدأوا دراسه .. ومن قبل ما ياخدوا الموافقه .. ماعدا احنا .. اتصلوا بينا وقالولنا ماتبدؤوش الا لما تجيلكم الموافقه .!!!!!
يا جماعة على فكره الكلام ده دايركت من الدكتوره ماجده .. واللي عايز يتأكد .. ممكن يروح للدكتوره ماجده شخصيا ويسألها ..هيه طمنتنا فعلا .. وبترحب بينا كلنا .. وبتقووول انها ان شاء الله اول ماتيجي الموافقه ونحدد ميعاد البدء .. هههه .. هاتعمللنا حففله .. :)
وطببببببعا دا واااجب عليييييينا ..
اما بالنسبه ..للارتباك يا دكتور .. فكلنا مرتبكين .. وزي مابيقولوا .. كلنا في مركب واحده ..
ربنا يعيين الجمييع .. ويوفقنا للي فيه الخير لينا كلنا ..
شكرا على الأخبار المطمئنة يا د/Fatooma ونتمنى تكوني أول من يزفلنا خبر الموافقة ان شاء الله . والله ولي التوفيق . :)
ترقبوا الجدول يوم الثلاثاء القادم باذن الله
الكلية عملتلنا موقع ادخلوا عليه شوفوه كده
http://www.mans.edu.eg/facphar/arabi...harm/index.php