عبارة عن التهــاب في الأنسجـــة الضامـــــة "connective tissue" للجسم، تظهر أعراض الحمى الروماتزمية بعد حوالي ثلاثة أسابيع من الإصابة بنوع معين مـــن "البكتريـــا" يسمـــى "ستربتوكوكس" مجموعـــة "Streptococcus Group A" تصيب الحلق واللوزتين.
يحتوى القلب على العديد من الأنسجة الضامة التي يصيبها المرض نتيجة للتشابه الشديدبينها وبين تركيب "البكتريا"، وخاصة الصمامات
وتنتج الالتهابات فيالصمامات عندما يُكوّن جسم الإنسان أجساما مضادة لمحاربة "البكتريا"، فهوبالتالي يقوم بمحاربة الأنسجة الضامة، ومنها صمامات القلب.
وده هو روماتيزم القلب الذى يوصف لمريضها حقن البنسلين طويل المفعول وليس روماتيزم المفاصل
ومش اى واحد يبقى عنده روماتيزم ف القلب
لما تجيلى هقولك اعمل تحليل
Anti Streptolysin O Titre
انتى ستريبتوليسن اوو تتر
ليه يعنى اشمعنى التحليل ده
اما حد بيصاب بـ بكتيريا الاستربتوكوكس بيبتدى يكون اجسام مضاده واحد مـ الاجسام دى اسمه ASO ومن خلاله بنقدر نحدد هل ده روماتيزم فـ القلب ولا لا
وهو ده الجسم المضاد اللى بيسبب ارتفاع درجه حراره المريض عند الاصابه بهذه الحمى
وامته بقى تعرف ان كان عندى روماتيزم ولا لا
لما تكون نتيجه التحليل اكبر من 500
لان انا وانت لو حللنا هنلاقى عندنا 400 حتى ولا اقل
وفـ الحاله دى ميتشخصش روماتيزم فـ القلب
وهو النسبه دى متعملوش روماتيزم ف المفاصل
لا متعملوش
ولا خشونه
ولا خشونه دى موال تانى
ركز معايا دى حاجه ودى حاجه
وهيه الخشونه دى تفرق ايه عن الروماتيزم؟
اما الخشونه دى نقص فـ السائل اللى موجود بين المفاصل وتأكل الغضاريف
وهوه اول ما يجرالى كده يعنى احلل وهلاقى النسبه دى وانت تعرف ان عندى روماتيزم
انت اصلا ممكن متاخدش بالك غير بعد يجى عشر ايام
اه اومال
عقبال اما تكون شربت فيهم ينسون وحاجات دافيه اومال
وبعدين اما تفكر تروح الصيدليه والصيدلى يديك حبوب استحلاب
برادورال ولا لارى برو ولا ترادوكان ولا تانتم ولا لونا حتى
وبعدين تروحله بعدها بكام يوم يديلك حقنه مضاد حيوى
فلوموكس ولا سفترياكسون ولا اوفراماكس اى حاجه منهم واحد جرام
ويقولك ابقى اعمل كمادات وخد دش ساقع
وفـ الاخر تفكر تجيلى عشان تكشف
هتكون النسبه وصلت بعد اسبوع وشويه 10 ايام كده ولا 14 يوم
اقولك على حاجه كمان
انت عارف ان الروماتيزم ده ممكن يظهر من سن 5 سنين لغايه 25 سنه وساعات لـ 40 سنه كمان
وده اعرفه ازاى مـ البدايه
انت هتلاقى الزور سخن
اللوزتين يعنى او الحلق
اه هما دول
ومفاصلك بتوجعك فـ رجلك مثلا ايدك اى مفاصل بقى
وملكش نفس تاكل وبطنك بتوجعك
وكمان ممكن نزيف من انفه
من ايه
من مناخيرك يا سيدى
وابقى خد بالك لو الموضوع ده بيتكرر معاك كل صيف مثلا ولا شتا ولا اى فصل من فصول السنه او بشكل منتظم طول السنه
وكمان دى مرض وراثى
وانا اعمل ايه عشان احمى نفسى
متعملش حاجه اسكت واسمعنى
متهملش ف علاج التهابات اللوزتين والحلق بتوعك
ولو انا مأخدتش بالى وزاد الالتهاب اخد ايه ؟
يا اما هديك كورس مضاد حيوى لعلاج البكتيريا
اوجمنتين كيورام افالوكس هاى بيوتك
مع مسكنات ودهان موضعى
وممكن تستمر عليهم لو عندك حساسيه من طويل المفعول
