عرض للطباعة
من وانا فى ابتدائى وانا كان حلمى ادخل صيدلة مع انى مكنتش اعرف يعنى ايه صيدلةوحمدت ربنا ان مجموعى ف الثانوية العامة كان اقل من طب المنصورة بدرجه ونص لان لو كانت طب جاتلى كنت اتغصبت على دخولهاومهما عملت فيا صيدلة بحبها ولو الزمن رجع بيا وقالولى تدخلى ايه هختار صيدلة
أنا بقى قبل ما أدخل الكلية وأنا بأعشق صيدلة
بأعشق المبنى وبأحس بهيبة وأنا داخلة
الكلية
بأحس إني داخلة مكان عظيم
والحمد لله في الثانوية العامة كنت من الناس الفاشلة اللي جايبة فوق 99%
ههههههههههههههههههه
والحمد لله دخلت صيدلة بكامل إرادتي
الحمد لله
بس حبي لصيدلة مش هقول أقل حاليا
بس بصراحة كنت متخيلة إنها أحسن من كده
أنا بقالي 3 سنين فيها ومش حاسة خالص خالص إني هأبقى مشروع صيدلانية
بس بيقولوا في تالتة هنتغير
وأنا منتظرة تالتة تيجي
يااااااااااااااااااااارب تيجي
قولي آآآآآمين
بس لسه برده بأحبك يا صيدلة :hi:
بعد نتيجة 3ث ماما خبطتها عربية وهى بتعدى الشارع بس الحمد لله جت سليمة يعنى كل المشكلة كانت فى رجلها و عملت عملية فى رجلها و ركبت مسامير و شرايح و للأسف بدل ما أتفسح فى الأجازة و أفرح للأسف قعدت 3 شهور الأجازة فى غم و حزن و ده طبعا قضاء الله و قدره و الحمد لله على كل شئ
حمدا لله على سلامة مامتك يا فراشة:fop (29):
وبالنسبة لكلية الصيدلة فكان حلمي انى ادخلها من زمان حتى من قبل ما ادخل الثانوية العامة:fop (28):
اقتباس:
المشاركة الأصلية كتبت بواسطة chocolata
ده برده كان من احلامي غير صيدلة
بس للأسف مفيش كلية طب نفسي لوحدها كده
لأني مش بأحب كلية طب خالص
بس بأموت في حاجة إسمها طب نفسي
أحب دايما الناس تفضفض ليا
وأنا أقدم لهم نصيحة
صحيح مسئولية كبيرة
وربنا يعين كل اللي فيها
انا طول تالته ثانوى كان نفسى ادخل طب بيطرى
وكل اصحابى واهلى كانوا بيتريقوا عليا
والمشكله انى بخاف من حيوانات كتير
وطبعا لما جبت مجموع صيدله
لم يكن هناك خيار اخر
لكن انا حبيت الكليه جدا
وحاسه انى مكنتش هبقى
مبسوطه كده فى بيطرى
الحمد لله
انا كان نفسي ادخل ألسن !
كنت ومازلت باحب الالمانى جدا
لدرجة ان المدرس كتب لى مرة ganz einfach kannst du Doctorarbeit machen
(بسهولة ممكن تاخدى الدكتوراة)
كننت باجيب كتب من المكتبة ومن المدرسين
حتى فى تالتة ثانوى كنت احيانا باسأل المدرس فى حاجات او اديله كشكول يصححه
كنت باتخيل نفسي وانا الاولى على الدفعة واتعين معيده فى الكليه
بس بعد تالته تبددت احلامى
98.5
طبعا سفرى بره المنصورة مرفوض
بابا قعد يقول لى لو فتحوا السن فى المنصورة هادخلك
والصراحة لو كانوا وافقوا كنت انا رفضت:fopl00l:
صعب انى اقنع نفسي بسفر وسكن وانا الحمد لله مجموعى يدخلنى طب هنا
صيدلة بأه كانت اخر حاجة ممكن اتخيل نفسي فيها
اختى خريجة صيدلة ومع انها كانت بتحبها جدا جدا
كنت انا باكرهها
افتكر كانت على طول بتتاخر
كانت ترسم مركبات على الحيطة بالطباشير
او تكتب اسماء ادوية او اسماء لاتينى
مذاكرتها كلها كيمياء وانا كنت باكره الكيمياء
وكل ما احد يحاول يقنعنى بيها ارفض تماما
فى البيت كانوا سايبينى على راحتى
طب صيدلة اسنان
المهم تتفوقى في الى تختاريه
طبعا كتبت طب اول رغبة واقنعت اصحابي بيها
رحت الكليه ودفعت المصاريف وحضرت محاضرة مصطلحات طبيه وكنت هاحجز العظم!
بس بعد نتيجة النتسيق بفترة بدأ التفكير فى البيت واللى حواليا قعدوا يقنعونى
وان مش كل المواد كيميا وكيميا الكليه غير ثانوى تماما
صليت استخارة كتيييييييير
وقبل الدراسة بيومين جات لنا صاحبة اختى
كنت لسه باصلى استخارة قبل ما افتح الباب
سالتها وقعدت تقنعنى
قلت مش باحب الكلية دى
ردت على (وعسى ان تكرهوا شيئا وهو خير لكم)
يوم السبت رحت حضرت مع صيدلة وبعد اسبوع حولت
عندى كارنيهين فى نفس السنة طب وصيدلة
دلوقت كل ما افتكر احمد ربنا انى مادخلتش طب
والكيميا اللى كنت باكرهها فى ثانوى تقديري فيها غالبا امتياز!
سبحان الله .. الاستخارة لا تأتى الا بخير
كليه صيدله عمرها ما كانت حلمى
فى ابتدائى كنت عايزه اكون مهندسه
بعدين اتغير على طب او طب اسنان فى تانوى و صيدله عمرها ما خطرت لى على بال ولا فاكرت فيها و جبت مجموع عالى فى تالته يدخلنى اى كليه انا عايزها و الحمد لله بس المشكله ماحدش عندى وافق على طب خالص و كله مرجح صيدله و طبعا كنت فى مكتب التنسيق بالدموع مش عايزه اكتبها اول راغبه و كان الى كان و اتكتبت و دخلتها و التوزيع الجغرافى ده كمان جه كملها و بقيت انا فى المنصوره و اخواتى كلهم فى القاهرة و التحويل ما يجليش و انا فى اعدادى غير قبل امتحاناتى بكام اسبوع و لو رحت هناك هشيل مواد و ممكن اعيد السنه و و فى المنصوره اعدادى و اقاهره ما فيش فيها فماينفعش احول فى اولى بس و بقيت فيها و انتهى الموضوع
بس الى اكتشفته انى طب فعلا دراسته طويله اوى و محتاج جهد و ممكن تكون صيدله احسن فى الدراسه و اسهل انك ممكن تلم المنهج و تخش الى امتحان تحط المعلومات و بعد كده تنساها ولا كانك درست حاجه و ده حال معظم الطلابه
انا من وانا صغيرة كان نفسى اكون جراحة اوادخل فى حاجة اسمها الطب الشرعى بس دا كان حلم ومحطتش فى دماغى انى ممكن احققه لانى عمرى مبصيت لنفسى على انى البت الشاطرة اللى يجى منها ده مش تقليل منى لنفسى اوحتى تواضع بس كنت دايما بحس ان ربنا معايا وبيقدرلى اللى هو كويس ليا مزعلتش خالص انى دخلت صيدلة ولانها كانت امل ماما دا كان مفرحنى اكتر بصرف النظر عن اللى بشوفه هناك وان الكلية مطلعتش زى ما كنت متخيلاها بس قرى وقدركم ان احنا فيها وربنا يعنا كلنا فيها و الحمدلله
الصراحة يعنى كان نفسى ادخل علاج طبيعى :smo .....مش عارفة بحب الكلية دى اوى لية ..بحسها لذيذة جدا ودى كانت حلمى بجد لانى متوقعتش انى هادخل صيدلة خالص بالرغم من مجموعى الكبير ف الثانوية العامة بس الحمد لله ماما وبابا اقنعونى بصيدلة جدا جدا وفعلا كانت مفاجاه بالنسبة لى جميلة جدا انى هادخل صيدلة واحقق ليهم املهم فيا ......وحسيت فعلا ان ربنا اكرمنى وادانى على اد ما تعبت .......بس بجد والله كليتنا جميلة جدا والدراسة فيعا ممتعة جدا :fop (18): بغض النظر عن ان امتحاناتها صعبة سنة كدة مش كتير يعنى :fopl00l: ...... الحمد لله على كل شىء:)
اقتباس:
المشاركة الأصلية كتبت بواسطة LOVELY BIRD
انا زيك تمام:fop (18)::fop (18)::fop (18):