لو مش صيدلى؟؟؟؟

بصوا ياجماعه أهم حاجه فى الانسان اللى متقدم ده دينه دا أول حاجه أبصلها لانه لو بيخاف ربنا أكيد هيتقى الله فيكى
وهيبقى جاد فى انه يبنى بيت ويكون أسره فى الله (أنا عن نفسى يارب يكون مهره لى حفظه للقران الكريم كله ان شاء الله)بعد كده بقى أبص للحاجات التانيه جامعى أيوه جامعى و ناجح فى مجاله و عنده امكانيات انه يفتح بيت وأهله ياجماعه ناس كويسين وطيبين دى برده مهمه لان فيه ساعات أهالى بتخرب على أولادها (أنا شفت حالات من دى كتير)...هو طبعا كل الأباء و الأمهات يتمنوا ان عريس بنتهم يبقى دكتور لأ وخاصة لو هى كمان دكتوره
بس نرجع ونقول ياجماعه كل شىء قسمه و نصيب........وساعة نصيبك ربنا بيسهلهاوبتلاقى نفسك موافقه والموضوع ماشىومتنسيش تعملى استخاره

والله كلامكوا جميل بس انا مالقيتش ولا واحدة دلوقتى رافضة من الاساس ان هيا تشوفة ودة شيىء حلو طبعا
انا اصلا مش عارفة انا ممكن اتصرف ازاى وقت الجد
بس السؤال اللى ممكن ييجى فى دماغ البنت مثلا ممكن تقول يعنى هو مفيش دكتور ولا صيدلى كويس ومحترم وعندة دين واخلاق وطموح؟؟؟وممكن تقول يعنى هو يا اما دكتور وحش يا اما غير دكتور ومتكامل
بس السؤال دة جة فى بالى؟؟؟؟؟؟لو حد عندة رد يرد عليا.....
كمان ملقيتش ولا واحد من الدكاترة الشباب يقوللنا لو اختة هى اللى فى الموقف دة هينصحها ازاى وباية وهيبقى اية موقفة؟؟

بصراحه يا دكتورة سمسمه انتى جيتى ع الجرح ،

أنا للأسف قبل كده كان رأيى مختلف عن ناس كتير هنا
وكنت دايما بقول لا .. لازم يكون دكتور ..مش مهم دكتور ايه بس المهم اسمه دكتور ،
وده مش معناه انى هوافق على اى دكتور وخلاص حتى لو أخلاقه مش كويسه .. بس كنت بحلم دايما يكون دكتور .


والحمد لله غيرت رأيى مؤخرا واقتنعت انه فعلا مش لازم يكون دكتور ، وفيه ناس متدينه و مثقفه ومحترمة جدااااااا
هما اينعم مش دكاترة بس تعليم جامعى والمستوى الاجتماعى كويس وأحسن من دكاترة كتير.
فليه نقولهم لآ ؟ وخصوصا ان الاهل كمان مش مشرطين انه يكون دكتور ..

وأهم حاجة انه فعلا كل شئ نصيب ،
وربنا يجعل نصيبنا فى الخير ان شاء الله ..

وبالنسبه لسؤالك الاخير يا د/سمسمه :
طبعا اكيد فيه دكاترة كويسين جدا ومحترمين ..( بلاش متكاملين دى .. ما كامل الا سيدنا محمد عليه الصلاة والسلام )
بس زى ما قلت كل واحده بتاخد نصيبها اللى ربنا قسمه لها ..
وربنا ينول كل واحده وواحد اللى فى باله ..

ادينا فضفضنا وقلنا رأينا بس برضه لسه صغيرين على الكلام ده .. لسه تانيه وتالته ورابعه كمان .. ( ده من وجهة نظرى طبعا ..)

وشكرا يا د/ سمسمه على طرح فكرة الموضوع الجميله دى .

اقتباس:

---

ده راى فى الموضوع عامه اما عن نفسي فانا بكل صراحه هدور على الى ارتحله نفسيا فى كل حاجه دينه

وخلقه وتكون دراسته برده متماشيه مع تعليمى بس ده مش معناه لازم يكون دكتر بس على الاقل احس

انه انسان مثقف وكان متفوق فى دراسته شخص طموح دايما بيحب يحسن نفسه دايما بمعنى اصح بيحب

النجاح وبيسعى ليه . اجمالا لكلامى انى لازم هلاقى فيه حجات كتير تعمينى عن اى حلم انى ارتبط بدكتور

---

بالظبـــــط

هو الواحد يغيبلة نص يوم يرجع يلاقى الناس نامت انا عايزة اعرف كلللللللللل الاراء فية ناس دخلت وماردتش
يا جماعة الموضوع مهم والله