حصل خير يا دكتور جوهري
وانا بيتهيألي سواء بالنسبة لجروب A أو B ان احنا ناس كبرنا ولازم نحترم بعض يعني نستنا لما الجروب اللي في المدرج ييخلص وبعدي ن ندخل من باب الدخول ونسيبهم يخرجو بالسلامة من باب الخروج بدل المطحنه اللي بتحصل دي:) :)
عرض للطباعة
حصل خير يا دكتور جوهري
وانا بيتهيألي سواء بالنسبة لجروب A أو B ان احنا ناس كبرنا ولازم نحترم بعض يعني نستنا لما الجروب اللي في المدرج ييخلص وبعدي ن ندخل من باب الدخول ونسيبهم يخرجو بالسلامة من باب الخروج بدل المطحنه اللي بتحصل دي:) :)
آسفه انى باتدخل فى الموضوع وأنا مش ف الفرقه الأولى
بس انا ليا تعقيب..
انا متفقه مع د.أبو الخير..اقتباس:
يا جماعه بالله عليكم بلاش نوصل لدرجه اننا عايزين حد ينظمنا
اعتقد انهم وصلوا لمرحله يقدروا يعتمدوا هم على نفسهم..
كل واحد ادرى بمصلحته..
ولو اتّنظموا السنه اللى فاتت..والسنه دى..
مين هينظمهم السنه الجايه:) ؟
لازم يبقي فى تعاون -منغير اتفاق-مابينهم..
لانهم كده بيضروا نفسهم..مش حد تانى..
واكيد نظام الكارنيهات اللى اتطبق التيرم اللى فات
هيساهم ف حل المشكله..
بس ياريت لو يتنظموا هم منغير ماتوصل الامور لكده..
بصراحه..
انا مدرجى فى نفس الدور ده
وبشوف مناظر غريبه جدا قبل واثناء المحاضرات..
عمرى ماشفتها ف ولا مدرج..
وآسفه على تدخلى مره تانيه..
بس بجد انا مقدّره الناس اللى بتسافر وبتتعب عشان تحضر المحاضرات
أهلا بحضرتك دكتوره ندى
وبعدين أكيد حضرتك نورتينا
وما فيش أى داعى للأسف
وطبعا أنا متفق مع حضرتك تماما ماعدا فى حكاية الكارنيهات دى
من نفسنا كده كل واحد يحضر فى مجموعته وطبعا متأكد ان فى ناس مش هتحضر وربنا يستر من الزحمه
بس لو نظمنا نفسنا شويه مش هنحس بيها ان شاء الله
وعلى فكره الكارنيها مش بتحل المشكله لأننا مصرين وبنتغلب على الحاجات دى بسهوله
أهم حاجه الضميييييييييييييييييييييييييييييييييييير
شكرا دكتوره ندى
مشكلة المدرج دي يا جماعة هتتحل كمان أسبوع إن شاء الله إحنا إيه اللي يخلينا نحضر في غير مجموعتنا بس ما احنا كلنا عايزين نرتاح من الزحمة دي برده وموضوع شكوي جروب Bمن جروب Aاننا بنحضر معاكم لاننا برده بنسافر ومينفعش نحضر متأخر بعد الضهر السفر بياخد ساعات واحنا بنات لو كنا صبيان كنا جينا متاخر عادي ولا يهمنا بس يا جماعة حب لأخيك كما تحب لنفسك احنا عايزنكوا تركزوا في الجدول مفيش ولا يوم محاضراته مواعيده كويسة إلا السبت وبعدين برده جروب B هيحضر الصبح يوم السبت ولا عشان بقية الأسبوع لصالحكم انتم بس والله برده احنا عذرنكم ومعاكم حق انكم تتضايقوا الغلط مش فينا ولا فيكوا الغلط من الجدول لازم يظبط يرضي الطرفين لأنه جاي علي جروبA أووووووووووووووووووووووووووووووووووووووووووووووووو وووووي زيادة عن اللزوم ومش ببالغ والله
وياريت محدش يتضايق من كلامي والله انا برده مخنوقة من اللي بيحصل ده كل يوم تعبنا خلاص
و الله المشكلة دى كبرت قوى
لازم نكبر و نعقل شوية يا جماعة
احنا بقينا طلبة جامعة و لازم فكرنا ده يكبر و يناسب سننا
نلتزم بالمواعيد و أنا أولكم و كمان موضوع الحجز ده مش نافع خالص
كنا يوم التلات زحمة على الآخر و واحدة جنبها مكان لاتنين و اسالها تقولى حاجزة لاصحابي
و ماجوش طول الخمس محاضرات
لازم حتى لو الدنيا زحمة نستحمل بعض شوية
و الناس اللى بتعد تتكلم طول المحاضرة هي مش ناقصة
اللى يعد في المحاضرة قاعد عشان يستفيد
و لو مش عايز تسمع اقعد ساكت عشان زميلك اللى عايز يسمع
و لازم الدفعة تتلتزم شوية و نساعد بعض
عايزين نكون دفعة كويسة الناس تفتكرها بالخير مش بالمشاكل
:fop (28):
يا جماعة انا لى راى
اللى عايز يحضر محاضرتين عشان خاطرنا احضر فى بتاعتك ولو عايز التانية متفوتكش يمكن الدكاترة بتقول حاجة زيادة واعتقد ان دا ما بيحصلش ابقى خلى حد يسجلهاك
اما اللى حاسس انى مواعيده متاخرة من جروب aمحتاج ينظم وقته بس بحيث ما يضرش غيره
يا ريت كل واحد يحس بغيره عشان دا حرام وربنا مش هيباركلك فى المحاضرة اللى بتحضرها فى غير ميعادك لان دى سرقة ويا ريت نلتزم فعلا بباب الدخول والخروج يعنى اللى خارج يدور من ورا ويخرج ويا ريت نراعى ربنا وشكرا واسفة على الاطالة
-----
نسيت اقول حاجة يا جماعة معلش الزحام دا كمان بينعكس على الدكتور ويخليه يكره انه يشرح وانتوا عارفيين اللى حصل مع دكتور طارق لما ساب المحاضرة فى الجروبين ومكملش فيا ريت كل واحد يبدا بنفسه ويلتزم وبلاش انانة الحجز فى المدرج
اسمحولي يا جماعة اقول حاجة لمجموعة B بما انكم بتبقو ا الاول في لمدرج ياريييييييييييييييييت لما تيجي تخرجوا تخرجوا من علي شمالكم وتطلعوا من المكان اللي بين المدرجين دا وبكدا نف الضغط جامد علي اللي داخل اللي خارج برده وبالتالي جروب B هيخرج من الباب التاني وجروب A هيدخل من الباب الاولاني