مطروح للنقاش .. هل تكنس صيدليتك

عادى والله المهم المكان اللى هقعد فية يبقى نضيف
والله لو حد موجود متخصص فى الحكايه دى خير وبركة ولو محدش موجود مش هنقص حاجة خالص لما اعملها يعنى بالعكس هزيد وهكسب نضافة المكان اللى بشتغل فية
ومليش دعوة بقة بنظرة حد ... يعنى اللى هييجى ياخد الدوا ليه انه ياخد دوا مظبوط وخلاص ملوش دعوة بقة بنضف ولا حتى بطبخ ههههههههههه
يعنى كدة احسن ولا لما اللى هييجى يشترى دوا يلاقى الصيدليه مليانة تراب ومبعككة وشكلها وحش ؟؟؟
بس بردة قلت لو مفيش حد ينضفها مكانى .. ومش معقول هبقى بنت وواقفه فى صيدليه طويله عريضة لوحدى ؟؟
يعنى قليل لو هتعرض للموقف دا
بس خلاص:)
شكرا يا منى على طرحك للموضوع

و ماله و ليه لا
بس نبقى نلبس اى بالطو اى حاجه علشان منبانش عمال نضافه و كمان بقالين الواحد زهق من دلوقتى
بس المبدأ نفسه عادى جدا
اهم حاجه انى ابقى فى مكان نضيف
و نضافة صيدليتى وجهه ليا

:)


مكنتش متوقعة تكون الردود معظمها ( أيوة )

بحترم كل آراءكم و كلكم عندكم منطق لكلامكم ..


أنا عن نفسي ,

لا أتكبر أبدااا على التنظيف , قصدي الكنس نفسه مفيش فيه مشكلة عندي مهو أنا بكنس في بيتنا ,

لكن تكنس قدام المرضى اللي شايفينك ثقة و انت اللي هتفيدهم في أي استشارة عن الدواء ..

طيب انسى انك صيدلي , و احكم

لو انت جاي تدخل صيدلية لقيت الصيدلي واقف بيكنس قام سايب المقشة و جايلك , هتعرف اصلا انه صيدلي ولا هتفتكره عامل في الصيدلية ؟؟

هتثق فيه و تسأله في أي نصيحة طبية أو استشارة ؟؟

الدكتور في الصيدلية اللي أنا كنت بتدرب فيها كان بيقول ( التنظيف لا ينتقص من قدر الصيدلي )

لكن يا جماعة ..

و الله العظيم الموضوع مش موضوع كبر و غرور ..

بالنسبة ليا , لو مضطرة و الصيدلية مش نظيفة و مش مرتبة , أنا أقفل الصيدلية نص ساعة أو حتى ساعة و أكنس و أمسح كمان و أشيل التراب مفيش عندي أي مشاكل مهو أنا بعمل كدة في بيتنا ..

لكن قدام الناس بنظرتهم و تفكيرهم مش هينفع ..

لأن تفكير الناس غير تفكيرك , و احنا لازم نواكب تفكير الناس لأن احنا عايزين احترامهم ..

لكن لو جيت تدخل صيدلية لقيتها مكيفة و نظيفة و شكلها و تنظيمها تحفة , و صيادلة لابسة بلاطي ناصعة البياض دول اللي جاي هيكون محترمهم غصب عنه ,

غير لما يجي المريض يدخل يلاقي الصيدلي من غير بالطو وواقف بينظف الرف و يرص الأدوية ,
هيقوله على طول ( يا معلم )

أنا عارفة ان أهم حاجة في الصيدلي عقله و مخه و ثقافته و تعليمه و اطلاعه , يعني أهم حاجة يكون علميا كويس , لكن أعتقد الاهتمام بالشكليات و البرستيج لا يقل أهمية عن التعليم في حفظ مكانة الصيدلي ..


بأكد تاني , مش غرور ..

أنا أقفل الصيدلية و أمسحها ..

شكرا لكم جميعا على عرض آراءكم ..
-----
في رأيي ,

أحسن و أغلى لبس المفروض تلبسه في الصيدلية ,

بالطو نظيف و ياريت عليه شعار الصيدلة ,

مكتب فخم تقعد عليه في الصيدلية ,

كل دة مهم جدااا ..

زي ما دكتور عبد المنعم كان بيقولنا دايما ( شكلك , هندامك مظهرك , دليل عليك )

الانطباعات الشكلية مهمة جداااا ,

التنظيف و المقشات و ازالة الغبار دة انطباع عامل النظافة مش انطباع عن الصيدلي ..

يا ريت تفهموني صح ..

مش بقلل من قدر عامل النظافة , بالعكس قد يكون أحسن مننا ألف مرة عند ربنا ..

بس أنا بحاول أفكر في الصح اللي المفروض يتعمل ..

هتقولولي ( نظرة الناس مش مهمة , المهم اني أرضي ربنا )

هقولك ( لأ , دي نظرة الناس مهمة و مهمة )

لو طبيب جه الصيدلية لقى صيادلة شيك و حاجة فخمة كدة , أكيد هيتناقش معاهم باحترام ,

و ياريت لو كلنا ناخد كورسات انجلش , يبقى كدة ممتاز ..


احنا عايشين في مجتمع بتاع مظاهر , مهم اننا نسايره علشان مكانتنا ..

اعذروني لو خرجت شوية عن الموضوع الأساسي , أنا اتكلمت عموما على الشكليات ..

أنا شايفة ان حاجتين لما تخلى عنهم الصيادلة , هانت مكانة الصيدلي عند الناس :

1- التخلي عن الاطلاع و القراءة و التثقيف في الأدوية

2- التخلي عن البرستيج اللي هو أهم حاجة عند الناس ,

شكرا لكم اخواني و أخواتي صيادلة المستقبل , نفع الله بكم , ورفع بكم قدر مهنة الصيدلة ..

باختصار كده

أنا أساسن مش بحب وقفة الصيدلية ... أو بالأصح مش من طموحاتي اني أقف في صيدلية

و لكن بافتراض اني ربنا قدر ليا العمل في صيدلية لفترة من الفترات

ف هيبقى حاجة من الاتنين ... يا الصيدلية اللي عندنا في البيت

و دي الوضع مختلف شوية ... لان في الصيدليات في القرى بالكاد يكون واحد أو اتنين اللي شغالين فيها

يا صيدلية في المنصورة و دي أكيد هيكون فيها حد مسئول عن النضافة

ملخص الكلام اللي مش عارف أقوله ده

ان أنا كصيدلي مسئول عن نضافة المكان اللي أنا فيه

يعني يا أجيب حد يكون مسئول عن النضافة سواء كان مساعد أو عامل حسب وضع الصيدلية

يا اما لو اضطر الامر اني أعطل العمل مثلا لمدة ساعة في فترة الضهر ... و أعمل اللي انا عاوزه

الموضوع ايزي يعني

عـــــــــــــادي جدا

أهم شئ إن الانسان يكون متواضع

تذكرت الآن موقف من برنامج خواطر شاب

من اليابان


كل شقة في أي عمارة عليها أن تكنس أمام العمارة يوما في الأسبوع

والله يا منى انا كالعاده معجبة بموضايعك جدا
الموضوع ده بيناقش نقطه مهمه اوى بصراحه

انا راى ان الواحد يهتم جدا جدا جدا جدا بنظافه و المنظر العام والداخلى برضه للصيدليه لكن
انا اللى اقوم بكده مش مقتنعه خالص ؟؟انا صيدلى ليا وضعى مهما كان, انا كنت بتدرب فى صيدليه الطرشوبى اكتر حاجه عجبتنى انه فيه واحد خصيصا لنظافه الصيدله مش انتقاصا من قدر حد بس كل واحد ليه مهمه معينه اتمنى ان يكون فيه حد موفقنى الراى يا جماعه

وأنا من موقعي هذا أتفق معاكي

الصيدلية اللى كنت بتدرب فيها

فيها مساعدة بتنضف الصيدلية

بس قبل ماتيجى كنت لما اجى انضف الصيدلية

كان الدكتور يقوم مزعق فيا ويقولى انت جاى هنا تدرب مش جاى تنضف

وكان هو اللى يكنسها وميرضاش انى اكنسها خالص

والناس كانت بتيجى عادى والدكتور بيكنس قدامهم

ولمااقولهم عاوزين حاجة

يقول ليا عاوز الدكتور فى حاجة ويستناه لحد مايخلص

عادى يعنى

اكيد انت لما بتدخل اى صيدلية اكيد هتعرف يعنى تفرق بين الدكتور والمساعد

اما بالنسبة لحكاية الشكل دى

فانا لو دخلت مكان ولقيت صاحبه بينضفه عمرى يعنى مااحكم عليه انه مش بيعرف حاجة عشان بيحب النظافة

حكمى الوحيد على الشخص هيكون من طريقة كلامه معايا

يعنى لو اسلوبه فى الحوار كويس جدا حتى لو معلوماته مش قد كدا

اكيد هيخرجنى من عنده مبسوط ومطمئن

على عكس لو كان كلامه صعب ولهجته جامدة

فانا اكيد هخرج من عنده مش مستريح حتى لو ادانى العلاج المظبوط

يلا بقى دا اللى عندى واى حد فيه حاجة مش عاجباه فى الكلام ده يوضحها:fop (29):

of cource yes

of cource NO