Day 18
هنخلص علي ما تبقي من مرض السكر ان شاء الله...(عافانا الله و اياكم من جميع امراض الجسد و القلب)
اول معلومة ...
في ناس بعد ما بتظبط جرعة الانسولين و تدخل الابرة في جسمها
بتسحب الاول و تشوف في دم دخل السيرنجة ولا لأ,,
عشان يتأكد انه مدخلش في وريد
بس ده ملوش لازمة في حقن الانسولين لانك بتحقن " تحت الجلد"
الحركة دي بنعملها في حقن العضل ...
خصوصا في الحقن اللي لزوجتها عالية اوي او مش بتمتزج بالدم
لانها لو دخلت وريد هتبقي خطر جدا جدا
-------------------
------
تاني معلومة ...
حكاية حقن الهواء في الازازة قبل سحب الانسولين كانت تعباني اوي !
مكنتش مستريحة لها نفسيا :fop6:
بس اعدت ابحث عنها امبارح لحد ما اقتنعت الحمد لله
...
ركزوا بقي معايا يا أخوتي الأعزاء
:fop2:
.
.
http://img6.imageshack.us/img6/3338/24562322.jpg
لو مثلا جبت ازازة مية زي دي... و شربت منها بحيث ان الفم يحيط تماما بفتحة الزجاجة
(يعني مفيش اي منفذ للهواء انه يدخل او يخرج .. الحاجة الوحيدة اللي بتحصل هي سحب الماء)
ايه الي هيحصل؟؟؟
الازازة هتتطبق و تنكمش
ليه..؟؟
لان مفيش هواء داخل يعوض الخلل اللي حصل في الضغط جوه الازازة
***************
****
طيب...لو جبنا ازازة تانية زيها بالظبط و شربنا منها زي ما الناس الطبيعية بتشرب :fop2:
مش هيحصل حاجة
لان فيه حالة توازن جوه الازازة
المية بتتسحب و في نفس الوقت الهواء بيدخل يعوض النقص اللي بيحصل
اذن...الازازة مش هتتطبق
*************
****
طب ما هي vial الانسولين من الازاز
يعني لما نسحب وحدات الانسولين مش مش هتنكمش ولا حاجة
كلام سليم
اللي بيحصل ان الانسولين نفسه هيقاوم السحب
و ده هيسبب صعوبة في ظبط الجرعة بالاضافة الي وجود فقاعات
---------
عارفين زي ايه بالظبط...
http://img268.imageshack.us/img268/6186/38374510.jpg
زي لما كنا بنلعب زمان بالأكواب الملونة
نضع الكباية علي وجهنا ... و نسحب الهواء
فتثبت حتي بعد ان نتركها من بين ايدينا
و الشاطر اللي يحافظ علي هذا الوضع اطول فترة ممكنة
:fop2: أياااااااااام :fop2:
- - - - - - - - - - - - - - - - -
لو جربت تعمل كده .. و شديت الكوباية عمرها ما هتطلع الا لو بطلت شفط الهواء
************************
************
******
***
اخر حاجة و نبقي خلصنا باذن الله
الفرق بين الclear insulin و الcloudy insulin
الفرق بينهم في حاجة واحدة بس ...سرعة المفعول
الclear insulin بيكون محلول رائق ... سهل الانتشار ..سريع المفعول و بيخلص بسرعة = short acting
و اشهر امثلة ليه :
Actrapid
و
Humulin R
اما بقي الcloudy insulin مش بيبقي محلول ... بيقي معلق و معكر ... ابطء في الانتشار و المفعول و بيخلص بعد فترة اطول = long acting
امثلة عليه:
Insulatard
و
Humulin N
احيانا بندي المريض حقنة عبارة عن خليط من الاتنين الclear والcloudy في سيرنجة واحدة
.... مش عارفة الحكمة من كده ايه
اللي فهمته اننا هندخل الاول هواء في الازازتين .. كل واحدة علي حسب الجرعة اللي هتتاخد منها
و بعدين ,,, هنسحب الclear الاول ... و بعدين نسحب الcloudy
-----------------
و توتة توتة....خلصت الحدوتة !!
:winfop: :winfop: :winfop:
سبحانك اللهم و بحمدك...أشهد ان لا اله الا انت ...أستغفرك و أتوب اليك
~تم بحمد الله~
