هوة السبب ان الطالب مبيعرفش يستوعب من العدد الكبير غير بالعافيه ولو استوعب يجى يذاكر ميلاقيش المصدر اللى سمع منه لان زى ما قلنا قبل كدة الكتاب بيتوه فطبعا بيجرى على المكتبات ويجيب الورق ولو مفهمش منه يروح ياخد قرص برة علطول
فأعتقد ان الحل هوة ان الدكتور ينزل اللى هوة عايز يشرحه فى ورق وافى كل حاجه وبكدة محدش هيلجا لاى حاجه لا ورق الدروس ولا الدروس ذات نفسها زى ما الدكتور محمد العوضى عمل معانا (الفرقه الاولى)
انا لا اوفق
اولا : كده احنا معملناش اى حاجه صحيح المصدر هيبقى موثوق فيه لكن المشكلة ما زالت موجوده
ثانيا: كده الدكاتره هتعتمد على الموضوع ده ...............يعنى ممكن دكتور ميشرحش حته معينه قوى على اساس ان هى كده كده هتشرح فى دروس التقويه
و الحل من رأيي ؟؟؟؟؟؟؟؟؟؟؟؟؟
ان الكتاب يكون هو المصدر الاساسى وليس ما يقال فى المحاضره اللى عادة بيكون مش فى الكتاب
او ان الدكاتره ينزلوا المنهج على النت زى بعض الدكاتره بس يكون فيه المنهج كامل مش محتاج لسه اضافات.
رجاء شديد ان يكون هناك قسم فى النتدى نضع فى الاسئلة ويتم الاجابة عليها من دكتور المادة بشكل رسمى يضمن اجابة اى سوال وان يكون فى مذكرة اسئلة واجابة على المقرر فى جميع المواد حتى نتمكن من التطبيق على النهج وشكرا
انا كنت في اسيوط السنتين الي فاتو وكانو عاملين فكرة المجموعات التقويه دي وحاولت ادخل فيها ولقيتها وجع دماغ والدكاتره الي بيشرحو بياخدو عدد معين بس من الطلبه والباقي لا واصلا مش بنخرج منها بحاجه ولا كانك درست صحيح هيا ارخص من الكورس بس مش مجديه ده راي انا لوحدي ممكن حد تاني يكون شايف غير كده
بسم الله ارحمن الرحيم
بعض الدكاتره بيتعاملو معاني عادي من غير ما يرعبونا لو كل الدكاتره بيتعملو معانا كده احنا هنحب نسالهم ونعرف منهم اي حاجه احنا عايزينها.
و مش هنحتاج ولا للمجوعات تقويه ولا دروس
FIRST , THANKS FOR THAT TOPIC
Sesondly.Idon't think it will be aproper and effective idea of course with respect to Dr tarek:fop (24):
السلام عليكم
انا بصراحة بأيد الفكرة دى وموافقة تماما بس اكيد مش هيبقى اسمها دروس خصوصية
صحيح يادكتور كابو الموضوع ده فعلا كان مطبق في اسيوط بس كان اخر مهزله لان المعيد كده بيفرض عليه شغل اضافي وبيبقي بيشرح وهو تعبان ومش عايز زياده في المجموعه وكمان الكليه كانت عقبال متوافق علي الماده فيها طلوع الروح والسنه تكون خلصت وانا شخصيا جربت الموضوع ده لما كنت هناك السنه الي فاتت بجد مكنتش فكره حلوه خالص ومكنتش بفهم ولا كلمه
:84: :84: :84: :yeah: بجد ياريت على الاقل الفلوس تستفيد بيها الكليه بدل مبتروح لمتوع علوم وناس كل اللى بيعملوه يسجلو المحاضره وبعدين يعدوها حته حته:fop (36):
السلام عليكم.انا شايفة يا جماعة ان السبب في انتشار الدروس هو كسل الطلبة نفسهم.انا اعتقد ان مفيش طالب دلوقتي يقدر يبيض محاضرة وكمان الكتاب طريقته مملة جدا ويحتوي علي قدر رهيب من المعلومات و بعض المواد الامتحانات فيها تقليدية جدا و مكررة وبالتالي انا اجيب قبل المتحان مذكرة صغنتوتة وهي اللي بييجي منها الامتحان.
يا جماعة مجموعات تقوية ايه احنا كبرنا على الكلام ده
ماهو الدلع ده هو الى بيأخرنا عن أن احنا نفكر ونستغل قدراتنا المدفونة :290:
المشكلة فى عجز الطالب عن الفهم هو العدد الكبير وعدم اتساع المكان لهذا الكم من الطلبة
وبالتالى النفس زايد داخل المدرج والتهوية مش ولابد فالأكسجين يقل ثانى أكسيد الكربون يعلى ويسبب الخمول والنوم وقلة التركيز واحنا داخلين على صيف وحر وشكلنا كده هنسيح وهننصهر :nosweat:
ايه الكلام ده كله خرجت عن الموضوع آسفة :fop (16):
بس أقصد من كلامى ده أن علشان تعليم يبقى صح هيئوا المكان المناسب
أصل الدكاترة فى مجموعات التقوية مش هيقولوا حاجة جديدة عن المحاضرة فليه نتعبهم ؟؟ :fop (39): :fop (39):
يا جماعه و فيها ايه
فى كلية الهندسه السكشن بتاعهم بيبقى مجرد تأكيد للمحاضره و مفيش جديد
يعنى مفيهاش حاجه و بدل منلجا للى بره
و بعدين على الاقل هتبقى المعلومه مضمونه
على فكرة يا جماعه لو الكلية بجد عاوزه تقضي على الدروس الخصوصية يبقى قدامها 4 حاجات :
اسفة على الاطالة و شكرا لكل من ساهم فى هذا الاستبيان و شكر خاص لكل الدكاترة اللى بيدونا فرصة نعبر عن راينا :)
- انها تكييف المدرجات ( و دى خلاص حصلت ) و كل الدكاترة تشرح بالداتا شو علشان يبقى اللى ورا زيى اللى قدام .
- ان الكتاب يكون تبيكل المحاضرة زي كتاب الدكتورة ثناء بتاع الصيدلانيات او لو مش هيبقى بالظبط اوى يبقى الدكتور يقول ايه اللى هيتذاكر منه و يعلم على الحاجات المهمة زي ما دكتور حمدى عبد العليم كان عمل معانا فى سنة اولى و سنتها فعلا لا اشتريت ورق و لا اخدت كورس و ذاكرت من الكتاب و اصحابي اخدوه منى ظبطوا الكتب بتاعتهم و ذاكروا منه و كلنا كانت تقديراتنا امتياز و ياريت مينزلش كتاب اللى حاطه الستف بتاع القسم او دكتور تانى غير اللى بيشرح فعلا
- مع احترامى لكل الدكاترة الموجودين بالكلية و اللى اغلبهم فعلا على قدر عالى من الكفاءة فى الشرح و توصيل المعلومة الا ان كل سنة لازم يكون من ضمن الستف دكتور محاضرته لا يمكن ان تفهم و ده بسبب ان الدكتور بيكون كبير فى السن و بجد مش قادر يشرح فلا بنسمع و لا بنعرف نفهم انا اسفة جدا لان كلامى ممكن يكون مش و لا بد بس ده بيحصل انا شايفه ان طالما الدكتور حالته الصحية لا تسمحله بانه يشرح فيتفرغ للبحث العلمى لانه عنده اكيد من الخبرة ما يمكن انه يفيدنا فى هذا المجال اكتر ..
- اخر حاجه التقويم المستمر و الشيتات بتفرق جدا معانا و خصوصا السنة دى فى مادة الفارما كنت اتمنى ينزل بدل الشيت اتين او تلاته بكده هنجبر نذاكر اول باول و بالتالى تالمنهج مش هيتراكم علينا و مش هنضطر ندور على حد يلملنا المنهج بعدين
فين يا جماعه الردود
الموضوع ده مهم جدا و يا ريت الكل يشارك فيه لانها هتفرق معانا جامد جدا
اقتباس:
المشاركة الأصلية كتبت بواسطة د\بوسى ربيع
وايه المانع لما تكون الاسئله والتدريبات دى جوا المحاضره ((زى H.W )) مثلاويكون عليها marks وبالتالى هيزيد ال connection بين الطالب والمحاضر هتزيد نسبه الفهم عند الطالب والاهم هيزيد اعتماد الطالب ع نفسه فالكذاكرة
يعنى ايه المانع من اللى هيحصل ف مجمعات التقويه يحصل جوا المحاضرة والكل يعرفه ويستفيد منه ((اللى قادر انه ياخد مجموعات تقويه واللى مش قادر ))
انا متهيألى اننا كدا محلناش حاجه ومشكله الدرس الخصوصيه لسه موجوده زى ماهى
بالعكس احنا كدا بنأيدها بنسبه 100%
ياريت يا دكتوره دى فكره كويسه اوى