.. رأيك ايه فى الموضوع ده ..

الامر هيتضح بكره باذن الله بس دعواتكم لينا في اصعب اختبار هنواجهه بكره في الكليه:fop (29):

اقتباس:

---

بناء على قرار أ.د/أحمد بيومي شهاب الدين .. رئيس جامعة المنصورة

لن يسمح بدخول أى طالبة بالنقاب للجان الامتحان .. وعلى كل من يتواجد فى اللجان كشف وجهه

وبالتالي أصبح هذا القرار مطبق في كل كليات الجامعة وبالتبعية فى كلية الصيدلة

---

" إن الذين فتنوا المؤمنين والمؤمنات ثم لم يتوبوا...

فلهم عذاب جهنم ولهم عذاب الحريق"

حسبنا الله ونعم الوكيل...

اللهم انصرنا على من ظلمنا... ولا تجعل مصيبتنا في ديننا..

حسبنا الله ونعم الوكيل..

انا موافق جدا واول واحد هيجيب كمامه معاه .. بس ان شاء الله محنتجلهاش

بجد حاجة جميلة جداا...

قبل كده قرار وزاري بتقليل مدة الامتحانات.. لتلات أسابيع..

وبعدها قرار وزاري بمنع دخول المنتقبات لجنة الامتحان بالنقاب..

انا شايفة القرارات الوزارية البناءة كترت قوي..

يا ترى القرار الوزاري القادم هيكون ايه بالضبط.؟؟؟؟؟؟

عموما.. ربنا أكبر من كل كبير...

وربنا ما يرضاش بالظلم أبداا...

مهما طاااال..

اقتباس:

---

المشاركة الأصلية كتبت بواسطة Gohary

انا موافق جدا واول واحد هيجيب كمامه معاه .. بس ان شاء الله محنتجلهاش

---

وانا كمان موافق

اقتباس:

---

المشاركة الأصلية كتبت بواسطة Gohary

.. بس ان شاء الله محنتجلهاش

---

أنا واثق من كدة إن شاء الله :)

انا كمان متأكده اننا مش هانحتاجها ان شاء الله :)

ربنا يكون مع الناس اللى هتمتحن بكره لانها اول ناس بس ان شاء الله يعدى على خير
وميحصلش اى حاجة

اقتباس:

---

المشاركة الأصلية كتبت بواسطة رامي بن سعد

أنا واثق من كدة إن شاء الله :)

---

بالنسبة لأدارة الكلية فانا واثق مفيش حاجة هتحصل منهم
ده شيء اكيد ..ان شاء الله
الخوف بس من شخصية تانية كده لو حدث ومرت اعتقد والله اعلم
انه مش هيعدى الموضوع
عامة
ان شاء الله خير!!

اقتباس:

---

المشاركة الأصلية كتبت بواسطة Gohary

انا موافق جدا واول واحد هيجيب كمامه معاه .. بس ان شاء الله محنتجلهاش

---

و انا كمان موافق ..
فكرة جميلة

و اهو بالمرة الواحد يرسمله استراكشرين .. تلاته ع الكمامة من جوه

:D

.,,

أحب أسمع تعليق الناس خصوصا دفعة رابعه واعدادي .. بعد امتحان النهارده بخصوص موضوع النقاب ..
وبالذات الناس اللى هاجمت ..

الناس اللي بتقول انه أمر خارج عن ارادتهم وده قرار سيادي وهما متعاطفين ومش في ايديهم حاجة والكلام ده، كانت تصرفاتهم طبيعية زي كل سنة
الناس اللي ما صدقت قرار زي ده يتقال، رخموا في بعض اللجان، مش في لجنتي، وأقصى حاجة كانت الكمامة، يعني محدش وصل انه يقول للبنت اكشفي وجهك تماما
الناس اللي بتحاول تساعد ويمكن بتعرض نفسها لخطر معين، أكيد مش بيجاملوا البنات، و أحسب نيتهم خالصة لله،، فدول أنا بس بشكرهم جدا، وبدعيلهم فعلا

وعامة، لا طاعة لمخلوق في معصية الخالق، واللي بيعامل ربنا مش ممكن هيخذل أبدا، فاللي نيته صادقة في الموضوع ده سواء البنات المنتقبات أو أي حد من الكلية، عمرة ما هيؤذى أبدا، أنا واثقة
شكرا د/جوهري على اهتمام حضرتك بالسؤال، وركز بقى في الفيتو :)

يا دكتور الجوهرى ما فيش اى حاجة حصلت خالص المنقبات بيجى واحدة تتاكد من شخصيتها وبتلبس النقاب عادى ودخلنا بالموبيلات دا حتى موبيل واد رن في اللجنة ولا اى حاجة حصلت كلة عااااااااااااادى ونشكر الدكتور محى وفوزية وجينى ع الامتحان الراااااااااائع

اقتباس:

---

المشاركة الأصلية كتبت بواسطة mone_new

ونشكر الدكتور محى وفوزية وجينى ع الامتحان الراااااااااائع

---

:fopl00l: :fopl00l: :fopl00l: :fopl00l: :fopl00l: :fopl00l: :fopl00l: :fopl00l: :fopl00l: :fopl00l: :fopl00l: :fopl00l: :fopl00l:
-----

اقتباس:

---

المشاركة الأصلية كتبت بواسطة Gohary

أحب أسمع تعليق الناس خصوصا دفعة رابعه واعدادي .. بعد امتحان النهارده بخصوص موضوع النقاب ..


وبالذات الناس اللى هاجمت ..

---

ولا كأن أي حاجه من الي اعلنتم عليها دي ........الكليه كلها جايه بالموبايلات ماعدا انا....ليه؟؟؟؟؟مش عارف.......
مش عارف الالتزام هيوديني فين؟؟؟؟؟؟؟

أنا برضه سبت الموبايل والشنطة في البيت، بس ده العادي بتاعي يعني :)

اقتباس:

---

المشاركة الأصلية كتبت بواسطة محمد عليوة

ولا كأن أي حاجه من الي اعلنتم عليها دي ........الكليه كلها جايه بالموبايلات ماعدا انا....ليه؟؟؟؟؟مش عارف.......
مش عارف الالتزام هيوديني فين؟؟؟؟؟؟؟

---

وانا سبت الموبايل روحت لقيت الدنيا كلها متصلة بيا
ولقيت اللجنة كلها معاها موبايلات لأ ومفتوحة كمان وفي موبايل رن في اللجنة والمراقب قالها بكل بساطة اقفلي الموبايل :(

وانا خدت الموبيل وبصراحة كماااااان كنت بحرض البنات المنتقبة تعمل اضراب وما ترفعش النقاااااااااب ههههههههههه

كل الشكر لإدارة الكليه عندنا .. ولكل من تساهل وعامل الطلاب على أنهم أبناءه ..

ونفتخر بكليتنا ومن فيها ..

وان شاء الله الامتحانات كلها تنتهي على خير ..

اقتباس:

---

المشاركة الأصلية كتبت بواسطة ameer

ولقيت اللجنة كلها معاها موبايلات لأ ومفتوحة كمان وفي موبايل رن في اللجنة والمراقب قالها بكل بساطة اقفلي الموبايل :(

---

مش معنى كده ان خلاص كل واحد ييجي بموبايله ويسيبه مفتوح ويعمل اللى هو عاوزه .. يمكن المراقب ساعتها أشفق على البنت دى .. لأنه لو طبق القانون هيبقى محضر غش وحرمان من الماده .. وهى لسه فى اول سنه ..

مش معنى انى فوت حاجه معينه حصلت يبقى انا موافق عليها وهفوت على طول .. ويمكن المراقب ده كان كويس ومتساهل .. المره الجايه ممكن يكون حد تاني مش متساهل ..

حبيت بس اوضح النقطه دى ..

بالتوفيق للجميع ان شاء الله ..

اقتباس:

---

المشاركة الأصلية كتبت بواسطة Gohary

كل الشكر لإدارة الكليه عندنا .. ولكل من تساهل وعامل الطلاب على أنهم أبناءه ..
ونفتخر بكليتنا ومن فيها ..

---

سبقتنى يا جوهرى

شكرا لكل من ساهم فى تسير الامور بهذا الشكل

واعتقد لازم نشكرهم
لان اللى خايفين منه واللى اتمنيناه
اداره الكليه شافته مناسب وعملته
فلازم كلنا نشكرهم

:hi::hi::hi:

أنا مش معاية منتقبات في اللجنة ..... بس في المسجد انهاردة كان البنات قاعدين يتكلموا
و قالوا ان حتي المنتقبات اللي كانوا رافعين النقاب و حاطين كمامة دكتور حسن الكاشف قال لهم ينزلوا النقاب . . .
كان في فرح في مسجد الكلية انهاردة . . . :bj:
لا بجد . . . رغم ان امتحاني كان تقيل انهاردة بس والله تشوف فرحة الناس دي تنسي كل حاجة :)
انا كان هاين عليا احضن حيطان الكلية ... !!
دكتـور جوهري ربنا يبارك في حضرتك .... و يخليلنا دكتـور محمود
عدي اليوم علي خيــــــــــــــــر بدون أي مشاكل الحمــــد لله . . . :fop2:

اقتباس:

---

المشاركة الأصلية كتبت بواسطة Gohary

كل الشكر لإدارة الكليه عندنا ..
ونفتخر بكليتنا ومن فيها ..
.

---

طبعا طبعا.........:hi: :hi: :hi: :hi: :hi:

الحمد لله اليوم عدي علي خير وسمحوا بالنقاب عادي
بجد لكل مسئول ولكل دكتور جزاكم الله خيرا كثيرا
كانت حاجة جميلة ان كله خايف علي المنقبة وحريص انه مايضايقهاش حتي الدكتورة وهي بتطلب رفع النقاب كانت متضايقة (في الاول صمموا علي رفع النقاب بس اللي مش بيرضي بيسيبوه عادي وبعد كده قالوا ان المسئولين جزاهم الله خيرا سمحوا بالنقاب عادي)
كان يوم جميل وبكده الكل اطمن ان الناس ممكن تمتحن بالنقاب عادي

علي فكره في الاول كان في تفاوت في المعامله حسب المراقب يعني لجنتي ما حدش طلب فيها رفع النقاب
لكن صحبتي في اللجنه اللي بعدنا طلبوا منها رفع النقاب بالفعل رفعته بس كانت لابسه كمامه زعقوا وقالولها تقلعها
و يا عيني فضلت حاطه منديل علي وشها شويه و جت صاحبتنا التانيه ووريتهم الحكم اللي معاها فكله لبس النقاب تاني
و طبعا مشكوره ادارة الكليه و دكتور حسن الكاشف لمروره في كل اللجان و طمن المنتقبات
ربنا يجازيهم كل خير

اذا كان فى حد يستحق الشكر فهو بالتاكيد دكتور حسن الكاشف و اللى معروف عنه من زمان قد ايه هو شخصية محترمة و متفتحة و انسان متحضر و النهارده هو اثبت ده و اكده من تانى
بصراحة ساعة ما دخل اللجنة المنتقبات كانوا خايفين انه يعلق على الكمامات لكنه من قبل حتى ما يشوف اى حاجه شاورلهم و طمنهم علشان يمتحنوا بهدوء و من غير مشاكل
اما عن المراقبين فاغلبهم بصراحة ناس متعاونه و مش عاوزه تضايق حد صحيح فى تصرفات فردية مش كويسة و ده هو اكبر عيوب القرار انه هيخلى الطالبة تحت رحمة المراقب يعنى هو و ضميره بس نحمد ربنا ان معظم المراقبين عندنا فى الكلية ناس محترمة و عاوزه الموضوع يمشي فى هدوء
بنشكر اى حد تعاون النهارده و اظهر مرونة و اى حد تانى تعسف فاكيد المرة الجاية هتكون افضل

بجد مش عارفه اقول ايه احلى حاجه في الموضوع ان المسؤولين سواء كان سياده العميد او الدكتور حسن الكاشف كانوا على مستوى عالي جدا من المرونه ويكفي لما الدكتور حسن يعدي في اللجنه على الطالبات المنقبات ويطمنهم بجد اسلوب راقي جدا لان سياده الوزير دا كان مخلي الموضوع قهري جدا يعني اكشفوا النقاب كشفوه وحطوا كمامه لا كمامه كمان لا يعني تحس كدا انه بيقهر المنقبه هتشليه يعني هتشيليه مفيش حل لكن بفضل اداره الكليه عندنا الحمد لله الاحساس دا تلاشى يارب كل الكليات تتعلم من كليتنا اللي بجد كفايه علينا قوي انها خلتنا نلتقي بشخصيات محترمه جدا زي دكاترنا الافاضل وفي النهايه شكرا كبيييييييييييييره جدا لحسن ادارتكم للازمه وجعله الله في ميزان الصالحات من اعمالكم

اقتباس:

---

أحب أسمع تعليق الناس خصوصا دفعة رابعه واعدادي .. بعد امتحان النهارده بخصوص موضوع النقاب ..

---

اقتباس:

---

وبالذات الناس اللى هاجمت ..

---

الحمد لله...

أكيد الفضل في الأول والآخر لربنا اللي بث في القلوب الرحمة.. والشفقة..

وبث في قلوب ثانية الثبات..

ورغم ان فعلا كان في تفاوت في المعاملة على حسب كل لجنة والمراقبين فيها..

لكن الشكر الأكبر لإدارة الكلية اللي حاولت بث الأمان في القلوب..

حتى وإن واجهت اعتراض قابلته بحكمة.. بما لا يثير القلق والتوتر..

أقصى ما أتمناه.. استمرار حالة الهدوء النسبي اللي كان موجود امبارح..

وربنا يعدي الامتحانات على خير... ويهدي كل إنسان لما فيه الخير..

أشكرك د. جوهري على اهتمامك.. ويارب تكونوا وفقتوم في امتحان اليوم..

ياريت لو حد يعرف اذا كان يوم الثلثاء اجازه ولا لأ؟؟؟؟؟؟؟؟؟

السلام عليكم
مش انا قلتلكم ياجماعة خدو الامور بهدء وبلاش تهاجمو ولاتنفعلو
فى الاول وفى الاخر انتم ابناء الكليه وكلنا نخاف عليكم والحمد لله ربنا يبارك فى سيادة العميد والدكتور حسن الكاشف
اتمنى لكم جميعا التوفيق .

اقتباس:

---

المشاركة الأصلية كتبت بواسطة محمد عليوة

ياريت لو حد يعرف اذا كان يوم الثلثاء اجازه ولا لأ؟؟؟؟؟؟؟؟؟

---

اجازة ازاى احنا عندنا امتحان صيدلانيات :290: يارب يبقى اجازة :fopl00l:

باذن الله كل شيء سيكون على ما يرام ..

اطمنوا جميعا .. طالما عندنا إدارة حكيمة .. :)

اقتباس:

---

السلام عليكم
مش انا قلتلكم ياجماعة خدو الامور بهدء وبلاش تهاجمو ولاتنفعلو
فى الاول وفى الاخر انتم ابناء الكليه وكلنا نخاف عليكم والحمد لله ربنا يبارك فى سيادة العميد والدكتور حسن الكاشف
اتمنى لكم جميعا التوفيق .

---

طبعا يأستاذة منى وده اللى كنا منتظرينه
وبشكر جدا سيادة العميد ود/حسن الكاشف
لانى سمعت انهم لفوا على اللجان و طمنوا البنات
لكن مش عارفة ليه نسيوا لجنتى بجد كان الوضع فيها مؤسف
وكذلك فى بعض اللجان الاخرى .......................
المراقبين طلبوا من زملتنا رفع النقاب والا مش ليها امتحان
وفعلا البنت استلمت ورقة الاجابة والاسئلة على الساعة 9 وربع
ولما د/ اسماعيل جلنا اللجنة البنت حكت له اللى حصل امر
مشكورا بزيادة وقت الامتحان ربع ساعة عشانها واحنا كمان والله
مش كنا عارفين نكتب ولا نركز بسبب كلام المراقبين وزميلتنا
ياريت الوضع يبقى احسن ءان شاء الله الامتحانات الجاية

على فكرة محدش هاجم ادارة الكلية،، اللي هاجم هاجم القرار نفسه، وده شيء طبيعي كرد فعل لأي شيء سخيف

اولا بشكرك يابروفيسور على طرح الموضوع
ثانيا انا متفقه تماما مع رايك لو افترضنا انهم شاكين فى الشخص خلف النقاب اسلم حل هو اللى انت قلته لكن خلعهم النقاب فى لجان احيانا موجود فيها ولاد او غالبا وكمان المراقبين احيانا بيبقوا رجاله طب متقولولهم اخلعوا النقاب خاااااااالص بقى هم لابسينوا عشان يغطوا وشهم مش عشان حمايه للبشرة من الشمس