عرض للطباعة
موضوع ما شاء الله بجد مهم جدا
هو المفروض نكون متفقين من البداية
ان مثلا حتى لو مامته بتيجى عليا وتزعلنى وانا مش عملت فيها حاجة
يبقى يرضيها ويحسسها انى مش اخداه منها وفى نفس الوقت هبقى عارفة انه بيعمل كده عشان رضاها
وانه مصدقنى برده ومش هكون زعلانة
وبكده يبقى انا راضية وهى راضية ومع الوقت لو هى الى غلطانة يبقى هتحبنى لما تشوفنى كويسة بجد معاها ان شاء الله
ويارب يارب مش يكون فى مشاكل ابدا ان شاء الله
اقتباس:
بالظبط كده
ههههههههههههههههههاقتباس:
انا شخصيا بفضل اليتيييييييييييييييم (الى من غير ام )
بنات كتير وانا موافقاهم الراى ان من شروط فارس الاحلام ان امه تكون ماتت
بس الان الحموات افضل بكتير عن زمان
عارفة لو تبقى مامته كويسة و تحبك .. بتكون زي مامتك بالزبط ..
للأسف غالبا الأم بتكون شايفة زوجة ابنها انها اللي خدت ابنها منها .. وبقى بيحب مراته أكتر منها ..و أكيد لما نكبر و نعجر و نبقى حموات هنحس كدة .. لأن المرأة بطبيعتها وكلنا عارفين كدة بتحب تملك حب زوجها وحب ابنها
فالأم عايزة ابنها دايما معاها ودايما يقولها كل حاجة مهي صاحبة كل الفضل عليه و يمكن هي حتى اللي مختاراله زوجته دي .. والزوجة عايزة تعيش مع فارس أحلامها حياة مستقلة محدش يتدخل فيها و عايزة تكون هي كل حاجة في حياته .. وهو الغلبان في النص ما بيعرفش يعمل ايه .. الموضوع مهم جداااا جداااا
الأم غالية جدااا يا جماعة .. وعارفين يا بنات لو هيرضيكي زوجك و مامته زعلانة يبقى حرام عليكي ..
عارفة لو مخلصة ليه و بيحبيه ماترضيش انه يزعل مامته أبدااا عشانك ..
لأن لو عملتي كدة بكرة يتعمل فيكي ..
والزوجة النهاردة .. أم بكرة و هتعيش نفس التجربة .. خلي قلبك كبير وسامحيها واعذريها حتى لو عملت معاكي موقف وحش .. اعذريها بكرة تبقي زيها و أكتر ..
وانتي لو شاطرة وذكية هتعرفي تملكيها وترضيها و تعيشي سعيدة برده مع زوجك .. انتي وشطارتك بقى ..
بس أنا بنصح أي شاب .. الأم الرسول وصى عليها ثلاث مرات .. اوعى تزعلها وتخليها تبات يوم زعلانة منك عشان زوجتك ..عارف ليه ؟؟ لأن الزوجة ممكن تنفصل عنها -لاقدر الله - ودي حاجة ربنا حللها و هتروح وتخطب تاني و تلاقي زوجة تانية وتحبها تاني .. لكن الأم هي أم واحدة بس لو - لاقدر الله - راحت منك و هي غضبانة عليك و الله لا الزوجة ولا أي حاجة في الدنيا هتنفعك ..
==========================
http://img177.imageshack.us/img177/5990/logo2pb1.jpg
Gohary
المفروض يكون عندك القدره انك ترضى الاتنين وتخليهم حبايب مع بعض
بصراحه هحترمه أكتر وهقدرهاقتباس:
وسؤال البناتهتعملى ايه لو رضى مامته وجه عليكى حتى لو هيه اللى غلطانه؟
مش المهم يرضى مين فينا .........احنا مش فى حرب ولازم واحد فينا ينتصر
يعنى لو رضانى على حساب والدته ..........يعنى أغضبها ودى والدته اللى ليها حق فيها أكتر منى
احنا ياجماعه من السهل جدا ان نعوض زوجاتنا لكن الأم هنعوضها ازاى ..........هى أم واحده ومفيش بديل لها........وكمان المشاكل دى بايدنا يعنى عمرنا ماهنكون بنعامل والدته كويس وهى هتتلكك بقى وتعمل مشكله من مفيش ........وكمان لو كل بنت نظرت لحماتها على انها والدتها فالمشكله هتتحل
انا عندى أخ ومش هكون مبسوطه لو زعل والدتى علشان زوجته حتى لو كانت والدتتى غلطانه فمن الأولى انى محرضش زوجى على أنه يغضب والدته
بس فى شئ من الحكمه ان لو والدتك غلطانه فى حق زوجتك انك تراضى والدتك وتكلمها بلطف ولين وبرضه تقف بجنب زوجتك وتراضيها وتقلها معلش اعتبريها زى والدتك وكلام من ده .........يعنى تراعى الطرفين من غير ماتظلم حد..........وأخيرا امك ثم أمك ثم أمك
_____________________
وشكر على طرح الموضوع المهم ده
لا طبعا لازم يرضى مامته على حسابه مهو لو ملهوش خير فى مامته مش هيكون ليه خير فيا وبرضه يبقى يضحك عليا بكلمتين برضه
ههههههههههه احنا عاوزين واحد مقطوع من سجره علشان ميقولشي مامتي ولا اختي ولا خالتي ولا عمتي هو اول مافتح عينيه ووعى ع الدنيا جه يتقدملي على طول ههههههههههه
بجد بقى وبعيد عن الهزار انا فكرت قبل كده في الموضوع دا بس للامانه انا فكرت فيه من ناحيتي يعني انا اتخيلت واحد بيقول لزوجته يا انا يا عيلتك مثلا هل ينفع الكلام دا طب انا هعمل ايه ساعتها اكيد هنهار وهتضايق منه لانه حطني في موقف اختار بينه وبين اهلي فيه بس لو استدعى الموقف اني اضحي بحد يبقى اكيد هضحي بيه وهنهي مابينا لاني لو عملت عكس كده هبقى انسانه عاقه وجاحده لفضل اهلي عليا دا من ناحيتي انا كبنت فما بالكم بقى لو كان راجل يعني الولد ايا كان بيمثل حاجه خاصه لامه ولعيلته كلها هو اللي شايل اسمهم وبيشكل مصدر امان ليهم خاصه لو كان والده متوفي علشان كده انارايي ان من الغباء ان الواحده تحط نفسها في كفه والام في كفه لان اكيد كفه الام اللي هترجح وعلى فكره انا عمري ماهتطمن مع واحد باع مامته عشاني لان اللي ملوش خير في اههله ملوش خير في حد ودا مش معناه ابدا ان الزوجه تبقى مهانه او ملهاش كرامه لكن تحاول تتجنب الصدام مع حماتها وتحسس زوجها انها بتتحمل وبتيجي على نفسها علشانه وساعتها ان شاء الله ربنا هيباركلها ويسعدها في حياتها
مشكور يادك/ سامح ع الموضوع ومعلشي على الاطاله تقبل مروري وسلاااااااااااااااااااام