اقتباس:
المشاركة الأصلية كتبت بواسطة same7
اولا الدواء ناقص هوه وبدايله لكن موجود
يعنى موجود عندنا فـ الصيدليه مثلا
وفـ المستورد منه موجود بس غالى شويه من اول 15 جنيه لحد 40 جنيه دى اخر حاجه سامعها بعد اما كان مبيزدش عن 27 جنيه
واللى عنده مبيطلعوش لاى حد
بيطلعه للمعارف بس
لكن مش موجود نهائى دى مش مظبوط
ده رد مؤقت
على ما اجاوب على اسئلتك
المستورد مش متوفر بالطريقة دى على فكرة ده معظمه بييجى تهريب
اقتباس:
المشاركة الأصلية كتبت بواسطة amir
طبعاً نقصه في السوق واستغلال المستوردين والموزعين للأسف اجابته مش عندي
بس بالنسبة للبديل
هو يعني ايه بنسللين طويل المفعول؟؟
يعني في الأول والآخر بنسللين
يبقي أنا ممكن أدي أي حاجة من مشتقات البنسللين .. بس الفرق إنه بدل ما هياخده كل 15 يوم ولا كل شهر هياخد الجرعة يومياً لحين عودة البنسلين طويل المفعول
لو تفتكروا كان فيه حاجة اسمها Ospen 1000 كنا بنستخدمه بدل البنسللين طويل المفعول للناس اللي مكنتش بتحب الحقن بس كالعادة اتسحب م السوق :D
يبقي الحل دلوقتي ان انا ممكن أوصف حاجة زي Amoxil قرص مرة أو مرتين يومياً لحين عودة البنسللين طويل المفعول
ياأمير الموضوع أصعب من كده
مين اللى هياخد أقراص مضاد حيوى يوميا
ولو طفل أقل من 10 سنين هيبقى محتاج حقنتين فى اليوم
دا مش حل عملى وخصوصا ان التكلفة هتعلى أوى على الناس دى حقنة ب5 جنيه تقريبا فى الشهر
لكن لو اشتغلنا على الاقراص او الفيال او حتى الشراب فالموضوع هيعدى 100 بالميت شهريا:fop (39):
اقتباس:
المشاركة الأصلية كتبت بواسطة محمد فهمي
تمام يادكتورة ....كلام حضرتك مظبوط :fop (18):
بالنسبة لمريض البنسيلين طويل المفعول يأخذ أقراص فيها أي من مشتقات البنسيلين وكان الحل الأمثل ليه زي ماحضرتك قلتي هو الأوسبن..........
ولكن هناك أيضاً بدائل حقن ولكن للأسف ليست طويلة المفعول...لأننا لانستطيع أن نقول للمريض ان يأخذ كل يوم حقنة...!!
كان يتم اللجوء لمجموعة الماكروليد(أريثروميثين ،أزيثروميثين.......) كبديل آمن لهؤلاء المرضي.... في حالة حدوث حساسية من البنسيلين ومشتقاته وكذلك مجموعة السيفالوسبورين الشبيهة لهم ( مجموعات البيتا لاكتام بشكل عام)
إذاً هناك دائماً حل
الآن بدأت حقن pencitard تنزل في الصيدليات ولكن بكميات قليلة ومحددة أيضاً...وإن شاء الله تنفرج الازمة بالكامل قريباً...
اللي عايز واحدة ممكن أجيبله...:fopl00l:
ان شاء الله ماهو مش هيبقى انسولين وبنسيلين:290:
اقتباس:
المشاركة الأصلية كتبت بواسطة محمد فهمي
هام جداً
علينا الآن في هذه الفترة التي تشهد نقص في حقن البنسيلين طويلة المفعول الآتي:
توجيه المريض للحصول علي هذه الحقنة الهامة..وذلك من خلال المستشفيات والوحدات الصحية التابعة لوزارة الصحة(لأنها موجودة هناك) من خلال قطع تذكرة كشف عادي ويقوم أي طبيب موجود هناك بكتابة الحقنة في روشتة عادية ويقوم المريض بصرفها من الصيدلية الموجودة داخل المستشفي....
أو ارسالها من أي دولة عربية لمن لديهم أقارب هناك..
أو كل واحد يطلع الحقنة اللي مخبيها في الدرج للمريض....:winfop:
هذا هو الحل العملي الآن لهذا الشعب المطحون الذي أصبح الآن يستغيث لطلب هذه الحقنة وكأنه يصيح قائلاً:(الشعب يريد..حقن بنسيلين) لعدم معرفتهم أين يتوجهون وماذا يفعلون.في ظل هذا الغياب العجيب لكل الأسماء التجارية للبنسيلين طويل المفعول.وفي ظل سيطرة الشركات الأجنبية علي سوق الدواء وفي ظل غياب الدور الرقابي والحازم من وزارة الصحة
ربنا يجازي اللي كان السبب..
ولكن دائماً هناك حل..لذلك أرجو من زملائي الكرام توجيه هؤلاء المرضي والأخذ بيدهم وارشادهم للطريق الصحيح.
جزاكم الله خير الجزاء...وخير الناس هم أنفعهم للناس
على فكرة الكلام ده بنقوله للناس بقالنا أسبوع بس المشكلة الناس مش مقتنعة بأدوية التأمين وبيقولوا انها مبتعملش حاجة:fop (28):
