معتصمو التحرير يؤكدون رفضهم الاستفتاء على التعديلات الدستورية

سيبك من الكلام اللى بيتردد

ان شاء الله الناس تنزل

الدستور لو اتغير فى الفترة دى هنشوف كوارث

مينفعش دولة تعمل دستور وهى مش قادرة تفرض الامن فى البلد

وكمان اللجنة العليا للقوات المسلحة ملهاش فى حكاية الدساتير لانهم بعيد عن السياسة

اقتباس:

---

الثوره نجحت والحمدلله وحاجات كتيره حصلت حلوه في البلد

---

الثوره نجحت ايوه .. لكن انا مشوفتش اى تغيير حتى الآن
غير ان الإعلام اصبح حر , وبقى فيه تلاحم وطنى بين كافة الأطياف ..

وهمه ليهم الحق طبعا انهم مينزلوش يدلو بأصواتهم .. دى حريه شخصيه ..
ورأيهم طبعا يحترم ولكن مش بيعبر عن الباقى ..

انا عن نفسى هبقى ايجابى وهشارك فى الإستفتاء ..
دا على اساس ان الدستور المرقع دا كلو هيتغير بعد الفتره اللى حددوها ..
غير كده هروح التحرير تانى :fopl00l:

اقتباس:

---

وبقى فيه تلاحم وطنى بين كافة الأطياف ..

---

هو حضرتك كده شايف ان فيه تلاحم وطني ؟؟؟؟؟؟

اقتباس:

---

وهمه ليهم الحق طبعا انهم مينزلوش يدلو بأصواتهم .. دى حريه شخصيه

---

..



معلش بس سؤال .. هما مين دول ؟؟؟؟ :fopl00l: :fopl00l:

نفسى بجد

الناس فى الفتره دى


تسمع لكلام العلماء



ولا اقصد علماء الدين فحسب



بل كل التخصصات

هى البلد راحه على فييييييييييييييييييييييييييييين بالظبط ربنا يستر

مين قال أن الثورة نجحت الفوضى وما نحن فيه الان هو من جراء الثورة ومن هم الذين قاموا بهذه الثورة أليسو هم شباب التحرير أعنى الشباب المعتصم بميدان التحرير الذين أجمع عليهم كثير من المصريين الان بأنهم لا يمثلونا وكيف لشعب يقاؤب ال80 مليونا ان يمثل بنجموعة من الشباب الذين لا يتخطون المليون على أعلى تقدير و الله المستعان على مانحن فيه

اقتباس:

---

المشاركة الأصلية كتبت بواسطة ميدو الصيدلى

مين قال أن الثورة نجحت الفوضى وما نحن فيه الان هو من جراء الثورة ومن هم الذين قاموا بهذه الثورة أليسو هم شباب التحرير أعنى الشباب المعتصم بميدان التحرير الذين أجمع عليهم كثير من المصريين الان بأنهم لا يمثلونا وكيف لشعب يقاؤب ال80 مليونا ان يمثل بنجموعة من الشباب الذين لا يتخطون المليون على أعلى تقدير و الله المستعان على مانحن فيه

---

حضرتك الثورة ماكانتش فى التحرير بس الناس كلها نزلت تقول لمبارك لا فى كل حتة فى مصر على الاقل يوم الجمعة اللى قبل التنحى ودا مش معناه ان 2 مليون هما للى قالوا لمبارك امشى فمشى واى ثورة فى العالم بيكون وراها اثار اللى حد ما متدهورة ماهى الدنيا مش هتتصلح بين يوم وليلة
بس السؤال الان من هم معتصموا التحرير الان هل دول شباب 25 يناير بتهيالى استحالة
شباب التحرير كانوا بيقفوا مش بيدخلوا نملة الامايفتشوها
ايه تفسير كمية البلطجية اللى طلعوها امبارح من وسط معتصمى التحرير باسلحة بيضة وغيره وغيره
بتهيالى مش دول شباب الثورة اكيد مش هما
بس ياترى نعرف مين دول ياريت لو حد يعرف يقولى؟؟؟

اللهم عونك وغوثك

زى ماقلت هما مش هيسكتوا الا لما الجيش يتنرفز اكتر وانا ساعتها هبقى موافقة ع كل اللى هيعملوه لو فرضوا الاحكام العرفية وماله حتى لو وصلت انهم يشيلوا الحكومة ويجيبوا حكومة عسكرية ماشى طالما هما وصلوها للفوضى الللانهائية (ع فكرة انا مع الحكومة الحالية قلبا وقالبا لانها تعمل بروح شريفة) لكن انا مش مع ان كل شوية اشتباكات وفتن بين الاقباط والمسلمين والجيش يدخل يفضها لحد امتى الجيش هيفضل يحمينا امتى الشرطة تنزل والامن يرجع تانى وكل واحد يدافع عن اخوه والجيش يرجع يامن حدودنا

أنا موافق علي كل كلمة في الخبر .. رافض كلية أي فكرة لتعديل دستور ساقط .. ورافض العبث اللي بيقول ان مصر تنتقل من الاستبداد للديمقراطية في 6 شهور .. باختصار ده عبث