قائمة العار السوداء

عادل امام ( هو عمل ايييييييييييه عشان يتشتم ؟؟


طول عمره فنان السلطه

تامر حسني (نجم الجيل الذي ترك جيله الشاب وبكي على شاشة التلفزيون المصري من أجل مبارك بينما هو في هولندا بحجة إحياء حفلات ثم رجع وذهب إلى ميدان التحرير فطرده الشباب وحاولوا ضربه فبكى أيضا بأنه كان مخدوعا ومضغوط عليه والآن يتاجر بالقضية ويعلن عن البوم كامل باسم ثورة 25 يناير)

اناشكلى كده مش من الجيل:fopl00l:


طلعت ذكريا (طباخ الريس وصف المتظاهرين بأنه بنوا الخيام ليمارسوا قلة الأدب)

مش قادره اقولك لما شفت الموضوع اول مره حصلى ايه (حسبى الله ونعم الوكيل)



يسرا (دافعت عن الرئيس وطالبت الشباب بالعودة إلى بيوتهم ولم تجد أي سلبيات في سياسات النظام طوال 30 عاما)
نفس شكليه عادل امام


حكيم (قال أن الشباب عطلوا البلد وأجلوا ألبومه الجديد وأنه مع استمرار مبارك)

كل يغنى على ليلاه


قناة الفراعين

من اجمل القنوات الفكاهية كنت كل ما اكتئب فى الامتحانات افتحها علشان افرفش وكفاية ان فيها دكتور توفيق واللى ميعرفوش فاته نصف عمره :fopl00l:


بس كل الاراء دى طبعا اتغيرت امبارح العشاء والغريب الوقتى انهم نازلين خناق على الفضائيات والكل بيقول على نفسه شريف وعلى اللى جنبه منافق حتى وزير الاعلام نفسه.وعجبى :ai:

هههههههههههههههههههه
النفااااااااااق وحششششششششش
بس انا اول مرة اشوف تعليق طلعت زكريا ده بجد !!!!!!!؟؟؟؟؟
ده ***** سوري فاللفظ يعني وهااااايف وحياة ربنا

أولا شكرا لحضرتك على الموضوع

وان كنت بصراحه شايف انه مالوش لازمه أوى

اعتقد كل واحد من دول عارف نفسه وقد يكون منهم حد احنا فاهمينه غلط أو شئ من هذا القبيل

لكن ممكن نقول قائمة شرف لكل الناس اللى المفروض نحترمها ونقدرها وبجد دول طلعوا كتييييييير جدا جدا

لكن أكيد مش هنشوفهم كلهم

لكن كل واحد مننا شايف واحد أو اتنين أو تلاته أو اكتر

وأنا هبدأ وهقول من الناس اللى احترمتها جدا

هو الاعلامى محمود سعد اللى بجد بان قد اى هو محترم صادق مع الحق قبل وبعد الرئيس وهو بينقد بأسلوب أكثر من رائع

من ضمنهم أيضا الأستاذ محمد حسنين هيكل بصراحه حوار سمعته النهارده انسان بجد يستحق الاخترام والتقدير

ومن ضمنهم أيضا الاعلاميه منى الشاذلى صحيح كان فى بعض الضغط عليها فى بعض الأوقات لكن دائمان ما كانت تنقل الحقيقه شبه مكتمله

وبرضه الأستاذ عمرو موسى لأنه برضه كان هذه فى كل تصريحاته هو العمل من أجل مصر

وأخيرا فعلا الشيخ محمد حسان اللى حاول البعض انه يستغله ويدفعه انه يقول كلام غير حقيقى لكن تصرف بمنتهى الحكمه والذكاء وصرح بتصريحات فى غايه الدقه والأهميه والانضباط

وأخيرا رجال القوات المسلحه مهما كانت لهم من أخطاء سابقه



وعلى فكره يا جماعهعايز أقول حاجه
مافيش حد بيكون مكروه كره مطلق ولا فى حد بيكون محبوب حب مطلق
وأيضا ما فيش بتكون كل حياته ايجابيات ولا فى حد بتكون كل حياته سلبيات

وان كان للرئيس السابق محمد حسنى مبارك ايجابيات فأهم ايجابيه أنه أعاد بناء جيش مصرى قوى جدا
سمعت انه ترتيه التاسع عالميا من حيث القوه (مستغرب أنا من الترتيب ده )لكن ده سمعته

وشكرا ومنتظر اكمل لوحه الشرف

تيسر فهمى وعمرو واكد واحمد عيد وفى اسماء مش فاكراها كانوا كويسين وفى الميدان بالذات بجد تيسير فهمى اتكلمت بكل صراحة

اما موقف احمد عيد عجبنى امبارح اتصل واتكلم بكل صراحة مع سيد على وهناء السمرى وقالهم شكلكوا وحش انتوا منافقين

اقتباس:

---

وان كنت بصراحه شايف انه مالوش لازمه أوى

---

بالعكس انا شايفة ان مفيش أنسب من الوقت دة عشان كل المنافقين يظهرو ويبانو

ومتنساش ان الناس دي كلهم من المعروفين والاعلاميين والمشاهير اللي من الاخر بيعكسو صورة مصر

انا معاك ان فيه قائمة شرفاء وياريت حد يعمل القائمة دي

وعلى رأسها شباب 25 طبعا

لازم الناس تعرف المنافقين ., لأن اللى تملقوا النظام هما اللى هايتملقوا الثوره بعد نجاحها :)

اقتباس:

---

المشاركة الأصلية كتبت بواسطة dr.monalizaa

بالعكس انا شايفة ان مفيش أنسب من الوقت دة عشان كل المنافقين يظهرو ويبانو

ومتنساش ان الناس دي كلهم من المعروفين والاعلاميين والمشاهير اللي من الاخر بيعكسو صورة مصر

انا معاك ان فيه قائمة شرفاء وياريت حد يعمل القائمة دي

وعلى رأسها شباب 25 طبعا

---

اقتباس:

---

المشاركة الأصلية كتبت بواسطة منى نور

لازم الناس تعرف المنافقين ., لأن اللى تملقوا النظام هما اللى هايتملقوا الثوره بعد نجاحها :)

---

يا جماعه ماشى هوا دا فعلا أنسب وقت انه يبان فيه المنافقين والحراميه والنصابين وكل حاجه
لكن أولا مش ينفع تكون معلنه أوى كده
ثانيا دول بقوا كمعروفين عند الناس واعتقد ان كل واحد فينا ممكن يفرق كويس
لكن مش وقت اننا نشغل بالنا ونقعد ندور مين كان منافق مين كان منافق ؟؟؟؟
من الآخر ما يستاهلوش وممكن نظلم حد

أما بالنسبه لشباب 25 يناير
فدول خلاص فوق الوصف بمعنى أصح

شكرا لحضراتكم

والله معاكي حق واول واحد هو حسن شحاته الجبان
بس بطرس غالي فين

مع انى متغاظه من الناس دى اوى
بس بجد ساعات بلتمس لهم العذر مش كلهم طبعا
احيانا الضغط يخليك تتبنى مواقف انت رافضها
والخوف على مستقبلك برذه(كلا على ليلاه)
وفى ناس فعلا كانت خايفه على مصلحة مصر
وشايفه ان موقفها ده هو الاصح لمصر
ومنهم عمرو مصطفى انا كنت بشوف فى كلامه خوف فظيع على المستقبل
اما بقى اللى كان بيوصل معاه الموضوع لاهانة المتظاهرين
واضربوهم واحرقوهم وكنتاكى والكلام ده
ددول بجد عاوزين الحرق

اصل دول ناس بتقبض بالالوف فى الشهر ومرتحاين ومعندهومش مشاكل

طبيعى يتكلموا ويادفعوا عنه وهما مش حاسين بالناس اللى مش لقيه تاكل

وهما اصلا السبب فى فساد الشعب من اعمالهم التى بلا هدف

حسبى الله ونعم الوكيل فيهم كلهم