اقتباس:
المشاركة الأصلية كتبت بواسطة Dr nour
ياااااااااااه ياما أكتر المواقف اللى اتعرضت ليها وأغلبها مواقف محرجه أو غريبه جدا وتقريبا كلها فى المواصلات برضه كنت مره تعبانه جدا وواخده حقن ومسكنات علشان اعرف بس أقوم من السرير وكان لازم أروح الكليه لأن كان عندى امتحان فى سكشن الاورجانك المهم امتحنت والدكتور خلانى أروح وقفت تاكسى ومش رضى قلتله اللى هتطلبه هتاخده ولقيته بعد لما مشى رجع تانى وركبنى كان فى التاكسى 3 بنات قاعدين ورا المهم انا أصلا مكنتش فايقه خالص وهو قاعد يتكلم وانا أصلا فى وادى تانى ومش سامعه اساسا المهم بقى يمشى فى شوارع غريبه قلت خلاص يمكن بيوصلهم بس لما نزلوا قعد برضه يمشى فى شوارع غرييه وفاضيه تماما انا بصيت باستغراب وقبل أما اتكلم لقيته بيقلى انتى مفكره انى هوصلك للمكان اللى طلبتيه انا خاطفك انا بقى مش عارفه حصلى ايه ساعتها كل اللى اعتقدته ان الراجل دا أكيد مجنون ونزل عليا هيستريه ضحك يعنى ازاى هيخطفنى اساسا احنا كنا 2 الضهر والراجل دا أهبل ولا مجنون ولا ايه لاقيته بيقول انتى مش مصدقه ولقيته نزل من العرييه وبيقلى براحتك انا خاطفك بصيت حواليا لقيت الشارع خالى تماما انا بصراحه مكنتش مصدقاه ومش عارفه ايه الهدوء اللى نزل عليا انا كل اللى عملته انى بصتله باستغراب:fop10: بصراحه كنت خايفه جدا لقيته بيقلى انتى خايفه كدا ليه انا بهزر معاكى وركب العربيه وقعد يشرحلى ازاى هيطلع من الشارع دا وهيعمل ايه وفى الآخر هلاقينى وصلت المكان اللى انا راحاله ولقيته بيقلى انا شايفك تعبانه وساكته حبيت اهزر معاكى انا بقى متكلمتش ولا كلمه ولا عملت اى حاجه ومعرفش ايه اللى كان حصلى انا مفقتش اساسا اللى لما رحت البيت وبحكيلهم على اللى حصل وطبعا يعنى أخدت اللى فيه النصيب من كل اللى فى البيت وبصراحه عندهم حق لانى بصراحه مش عارفه ايه الموقف السلبى جدا اللى كنت فيه:cg: :cg: وشكرا يادكتور على الموضوع اللى خلانا نفتكر المواقف دى:fop (11): :fop (11): :fop (11):
:ai: :ai: :ai:
حصلى حاجه زى كده بردو
بس ف عربيه بابا سابنى وراح يمضى ف الشغل لقيت واحد جاى من عربيه ورانا وفتح البااب ودخل العربيه
وحط المفتاح وانا قاعده متنحه وماسكه الشباك بتاع العربيه :fopl00l: ودور العربيه ومشى خطوتين كده وانا بنفس المنظر:ai: لحد ماقالى ماتخافيش انا زميل بابا وهطلع العربيه قدام عشان اعرف اركن عربيتى :fop7:
وقام نازل ...... بابا جه كان فاكرنى شفته وهو بيقول للراجل يطلع العربيه قدام
قالى انتى شكلك مخضوضه كده ليه قولتله اللى حصل قالى مانا اللى قولتله :fopl00l:
---------------------
بالنسبه للموضوع بقى :)
والدتى بتقولى انى من وانا صغيره وانا عصبيه جدااااا مره بتقولى هحدفك من البلكونه قمت جبت كرسى وحطيتهولها وقفت عليه...ومره كسرت الرخامه بتاعه التربيزه :fopl00l:
دلوقت بفضل ساكته مده طويله لحد ما اتخنق خاااااااالص واقوم متعصبه وممكن تبقى العصبيه دى على حاجه تافهه بس بتبقى بسبب الحاجات اللى سكت عليها
لما بتعصب بقعد ازعق وخلاص او اخد جنب وافضل زعلانه :fopl00l:
بس الحمدلله بنسى على طول
يعنى "اتق شر الحليم إذا غضب":)
شكـــراً على الموضوع يا د.محمد:fop (29):
