ما هى صفات فتى أو فتاة أحلامك !!!!

علي فكرة في محل ترزي عندنا حلو اوي
وتمنة معقول كمان

هو فعلا موضوع حلو جدا
انا بقى عن نفسى برده راى زيكم اولا يكون ملتزم وعارف ربنا كويس ويراعى ربنا فيا ويحافظ عليا
ومش مدخن طبعا وزى ما قال دكتور انس مش لازم يبقى كل واحد شخصيته زى الانسان اللى هيرتبط بيه لان كل اتنين بيكملوا بعض
وطبعا يكون متعلم ومستوى تعليمه جامعى مناسب ليا طبعا وانه برده يفهمنى يعنى لو حد فينا عنده عيب معين يحاول لما التانى ينصحه يغير العيب ده يبقى لازم يغيره
بس ده اللى افتكرته الوقت

طبعا ما فيش ملايكه علي الأرض...................ولو كل واحد فينا فكر في الكلام اللي كتبه هيلاقي نفسه بيطلب ملاك ...............:) الكمال طبعا لله وحده
شوفوا بقي مواصفات الملاك الي بحلم بيه
متدين ومحترم ومؤدب ومن عيله محترمه ,يكون ذكي ولماح يعني يفهمني من غير ما أتكلم .
يكون متفاهم ومثقف ويكون بيغير عليه وما يكونش عصبي بس في نفس الوقت مش بارد ويكون واثق في نفسه بس مش مغرور وتكون شخصيته قويه بس مش دكتاتور
ويكون بيحب الأطفال ويحترمني ويحسسني بالأمان
طبعا لازم يكون وسيم الي حدما وما تكونش عينيه زايغه عشان ما نختلفش
ويكون قلبه طيب ...............................;)
ههههههههه ........بالشكل ده مش هلاقيه ولو بعد مليون سنه :)

انا من رأيي ان هي تكون محجبه و محترمه جدا وهادئه ومتفاهمه و ذكيه وتكون شيك وتكون خفيفه الدم وجميله في المضمون و الشكل ولكن المضمون قبل الشكل لأنها هي اللي هتبقي ام لاولادي بعد كده وتكون واعيه بأمور البيت وتكون صبورة و طموحه

موضوع مهم يا جماعة,

وأكتر حاجة عجبتنى إن مافيش حد ماذكرش فى مواصفات فتى أو فتاة أحلامه حتة "التدين",

ربنا يوفقنا كلنا إن شاء الله,

أنا عن نفسى بيبقى عندى حاجة أساسية, وهى التدين والإلتزام زيكم يعنى, والقدرة على حل المشاكل مهما وصل الحال بنا, وتكون عندها القدرة على التواصل والتوضيح فى أوقات المشاكل.

وطبعآ فى حاجات تانية كمان , تكون طيبة, وذات خلق, وذات علم.
, وأخيرآ ذات جمال"مش هاكدب عليكم يعنى :)"

بس أهم حاجة بجد, إننا نكون طريق واحد لبعض وللجنة إن شاء الله.

تحياتى;

موضوع جميل
مواصفاته بقى انه يكون

طبعا متدين وملتزم ,محترم طيب واجتماعى ومتفاهم ومثقف دى تقريبا اهم الصفات

اصبت يا دوك

سورى ياجماعة انى اتاخرت فى المشاركة انا مختلف معاكو شويتين اصل الحب دة بيجى كدة مرة واحدة من غير مااكون انا بقى حللت الانسانة اللى اارتبطت بيها يعنى مش هاقعد اقول بقى انا كنت بحلم بواحدة عينيها زرقاء والبنت دى عينيها خضرا لا دة اسمة عبط (سورى)اما لو هو كلام فضفضة وخلاص اتمنى انى ارتبط بواحدة رشيقة روحها حلوة مش تنكة فى نفسها زى بنات اليومين دول وتكون هادية زيى وتكون رومانسية زيى بردة لانى حاسس ان الشباب اليومين دول بقى رومانسى عن البنات وتكون طبعا مؤدبة ومحترمة وبس شكرا اوى على كدة واهم حاجة طبعا يكون عقلها كبير

أشمعنا أنا اللي خاصتني بالموضوع ده؟؟؟؟؟؟

وعلى العموم لازم طبعا الدين والأخلاق الكريمة والذكاء والتوافق