مطروح للنقاش .. هل تكنس صيدليتك

بصراحة أنا مقدرش أعمل كدة

انا أجيب واحد تنظف الصيدلية أكرم لي

يعني من قلة عمال النظافة؟؟؟؟؟؟؟؟؟؟؟

اقتباس:

---

المشاركة الأصلية كتبت بواسطة BoNbOoNa

أنا برستيجي الوحيد جوة الصيدلية هو الأمانة و البالطو .... :)

---

برافو عليكى ..

أحب الناس اللى بتتعامل مع كلمة البرستيج بالمنطق دا
:289:

مش عارفة ليه الناس بتهتم أوى بنظرة الناس ليها
و يا ريتها فى حاجة نافعة ..

لا الناس هتقول عليا بقال ..

اللى مخه مش ناضج كفاية .. ميهمنيش بصته ليا
حاجة بالمعنى دا

وإذا أتتك مذمتي من ناقص .. فهي الشهادة لي باني كامل

و زى ما قالت بنبونة ..
مش هنقف بالمقشات للمرضى .. و احنا بنديهم الأدوية
الموضوع أبسط من كدا بكتير على فكرة ,,

هي النظافه دلوقتي عيب وبتنتقص من قدر الانسان؟؟؟؟؟؟؟؟

انا عن نفسي اكنس الصيدلية لو صيدليتى لو لم يتوفر فيها احد للقيام بذلك الى حين المجئ بالشخص المناسب لهذا العمل اما لو صيدلية غيرى فمعظم الصيدليات يمكن 99.99999 % منها بيتواجد عمال فيها للنظافة وان لم يتواجد عمال يتواجد اشخاص مسؤلين عن النظافة اسبوعيا مقابل اجر متفق عليه من قبل

واما عن مسألة بريستيجى والكلام ده فهذا كلام لا يسمن ولا يغنى من جوع لان البريستيج اللى بجد بالنسبة للصيدلى هو علمه ومساعدته للناس لما يستشيروه فى اى امر وده للاسف بقى امر نادر يعنى قليل اوى اما نلاقى الناس بتروح عشان الصيدلية دى فيها الدكتور فلان وده حصل امامى ناس كتير كانت بتروح لاحدى الصيدليات على اسم الصيدلى اللى شغال فيها ولما سافر نسبة كبيرة جدا جدا جدا من المرضى اللى كانوا بيروحوله انقطعوا عن الصيدلية لما علموا بغيابه
اذن فالبريستسج الوحيد للصيدلى هو العلم فقط
واسف للاطالة

يا جماعه اكيد مش هيبقى المريض واقف عاوز يصرف روشته وانا اقول له ثواني هجيب المقشه واخد الحته دي ..
او هخلص قدمه واجي وانا على تراب واقوله اؤمر ياباشا اجيب لك ايه ..

لكن ميمنعش فى اوقات كتير الصيدليه بتبقى فاضيه .. ممكن اظبطها انا عن نفسي ساعات كتير بمر على اماكن الدوا ابص عليها وارتبها واظبطها واحوش التراب من عليها وبالمره ابص على تاريخ الانتهاء كده ..
ممكن يكون فيه رف عليه تراب او باترينه .. اعملها بسرعه والصيدليه فاضيه ..

لكن اكيد احافظك على وضعى ومنظري على انى صيدلي ودكتور ليا مكانتي قدام المرضي اظن وضحت ..

هقولكم على حاجه تانيه تفتكروا الدكتور البشري لو لقى حاجه مش مظبوطه فى عيادته او حاجه عليها تراب .. هيسيبها لو مفيش عامل !! لا طبعا ..

لكن اكيد فى اى وقت مفيش عنده مريض جوه او مفيش كشوفات .. هيعملها ويظبطها ايه المشكله ..

اظن وضحت ..

طبعا ....هنضفها.

مش دى صيدلتيى...وحتى لو مش بتاعتى..وبشتغل أو بدرب فيها.

إيه المانع؟؟!!

ده مكان بقضى فيه وقت طويل ومع ناس تانية سواء زمايلى أو المرض نفسهم...وغير كده أنا شخصيا بتجنن لما بلاقى حاجة مش فى مكانها..

لما ألاقى الدباسة مش فى الدرج ..والختم مش فى مكانه.

لما تلاقى الروشتات اللى اتصرفت الشهر ده مستنية فى أى مكان أى حد عشان يسجلها..(وضع خاص للصيدلة اللى بتدرب فيها):smo

ورق الإعلانات والدعايا اللى بيجى من المندوبين وبعض الشركات...فى أى مكان.

الباريتنا بتاعت المستحضرات...كنت بروقها 50 مرة كل ما أبيع حاجة تلخبط المنظر الجمالى للحاجة وهى مرصوصة..

وأوقات كتبر واحنا بنرص النواقص...الأرفف متربة..علبة الدوا وقعت من فوق أختها..

والأدوية اللى مش بتتصرف كتير متربة جدا..

أوقات كتير ...كنت بسقى الزرع الموجود والمية أحيانا تخرج لبرة كنت بمسحه.

والمع زجاج الباب...

عادى يا جماعة..

عادى جدا كمان..

عمرى ما هتكسف ...مكان أنا بحبه..يبقى لازم أحبه انه يكون ديما نضيف ومترتب..وأحب أخلى اللى يدخله يحبه ويحب يجى لى تانى.

يوم الخميس عندنا فى الصيدلية..كان مخصص لمسح الصيدلة وتنظيفها من فوق لتحت وبالمخزن كمان..

(الصراحة كنت بعملهم الشاى على بال ما يخلصوا...عشان دى حاجات معينة ومكنش ينفع أشارك طبعا):fopl00l:

وبعدين نظرة مين اللى هآخدها فى اعتبارى..

لما زبون يجى ويدخل الصيدلية..يلاقيها متربة ومش نضيفة ويا خد العلبة وكأنها جار عليها الزمن..

ولا لما يدخل يلاقى المكان نضيف ومتعطر والتكيف شغال وكل حاجة فى مكانها...وده مش هيجى الإ لما كل واحد يهتم بالمكان اللى هو فيه..

دى واجهتنا..زى ماهى مهنتنا..

لكن كل ده عمرى ما يمنعى...أنى برده أحافظ عن كونى دكتورة صيدلانية فى الصيدلية ..مش حاجة تانية.

كل الحاجات دى كنت بعملها ...أنا وزمايلى اللى معايا..

مش لأنه كان عندنا نقص فعلا فى العمالة..وخصوصا جزء النظافة..

لأننا حبينا المكان ده..وادنا أكتر ما أخد مننا.

شكرا فارماسيستينا..ع النقاش الجرىء ده:fop (29):

ههههههههه

انا بكنس ويشيل التخزين واطلعه فوق الصندرة لوحدى مع العلم ان فى دباليم فى الصيدلية

بس للاسف بنات

وطبعا عمرى ما هخليهم يطلعو يجبوا الدوا ادام الناس

طول النهار عمال اتشعبط على الجدران وبجيب انا

وانا بفتخر انى بعمل كدا


الحمد لله

طبعا دى مسألة اراء
وأنا بحترمها كلها
وفى نفس الوقت مش مسألة بريستيج
او ان ده هيقلل من قيمتى
لأن المكان النضيف من أهم
الحاجات اللى لازم تكون من أوصاف اللصيدلية
بس زى ما قلت هى مسألة قبول
وحسب توافر الحلول
يعنى متنسوش انكم يا جماعة لسه برضه طلاب
ونظرتكم وأفكاركم قد تتغير جزئيا او كليا فيما بعد
بس
يعنى مش عايز حد يفهم انها تكبر او غرور
فقط هى مسألة قبول

بصراحة صعب عليا اني أمسك مقشة وأقعد أكنس وامسح و الدباليم وعمال النظافة موجودين

لا .. معتقدش

كل واحد ليه دوره إللي بيقوم بيه

و متهيألي مفيش صيدلية مفهاش عامل او اسيستانت

.,,