يوميات صيدلي في سنة أولى شغل

اقتباس:

---

ا احنا الكيس عندنا 50 مل فلو البودره تتحل فى 60 مل بخرج كيسين

---

خدي بالك يا بوسي ..

البودرة تتحل لحد 60 ملل

لحد = water to

يعني الـ 60 ملل دول شاملة حجم البودرة

هو دة موضع سؤالي





ا

اقتباس:

---

لعلبة مكتوب عليها من برة

لو 60 ml أو أقل >> بنطلع كيس واحد ، والمستخدم بيضيف المية من الكيس على حسب العلامة الموجودة

أكتر من كدة 80 ، 100 ، 120 >> بنطلع كيسين ، وهوبيتسخدم مية لحد العلامة الموجودة

---

جزاكم الله خيرا , خلاص نمشي كدة ان شاء الله
-----
أخباركم ايه يا جماعة ؟؟

حاسين بايه و الطلبة رايحين الكليات و المدارس و احنا لأ ؟؟؟

تصدقوا الواحد زعلان الكلية كانت حلوة أحسن من بهدلة الصيدلية اللي احنا فيها دي

عارفين ايه أحلى حاجة في الشغل , الحاجة الوحيدة اللي مخلياني مستمرة في الشغل في الصيدلية ؟؟؟؟

انه عبارة عن تحدي بالنسبة ليا .. نعم انه التحدي الأكبر

لأني لو قدرت أوفق بين الأشغال المنزلية المؤبدة ( مساعدة ماما ) و شغل الصيدلية , فهذا يعني انه في أمل أن أقدر على فعل نفس الشيء مستقبلا أقصد التوفيق بين البيت و الشغل

كمان الشغل حسسني بقيمة الوقت و ازاي انه الواحد يرجع من الصيدلية جري و يحافظ على وقته عشان يلحق يرتاح


حلوة حياة الجري دي

ماشى يا منى مهو البودر دى بتنتشرر فى المحلول مجرد ما بتترج وهو المفروض يوصل بالماء لحد العلامه ده الفيصل

يه يا شباب شايفين الدنيا ازاى بعد الشغل حد لسه شايف اننا مجرد بايعين ولا الموضوع اختلف

اقتباس:

---

المشاركة الأصلية كتبت بواسطة د\بوسى ربيع

يه يا شباب شايفين الدنيا ازاى بعد الشغل حد لسه شايف اننا مجرد بايعين ولا الموضوع اختلف

---

أولا البيع و الشراء أنا بقيت باصة ليهم نظرة مختلفة

طبعا الصيدليات فيها جانب بيع بنسبة 75%

ولكن تبقى 25% لأولي العلم من الصيادلة

البيع و التجارة مش عيب ولا حرام اذا تم ينفوس راضية و بأمانة فزي ما قال أحد الاخوة المعيدين قبل كدة - وفقه الله - أن الرسول - صلى الله عليه و سلم - قد عمل بالتجارة

أصلا جميع المهن عبارة عن أنشطة تجارية , مهو الواحد بيشتغل عشان ياخد فلوس و دة في حد ذاته تجارة

لأن التجارة هي تقديم السلع و الخدمات مقابل جزاء مادي

و أنا كصيدلي بقدم سلع ( أدوية و مستحضرات الخ ... ) و بقدم أي خدمة تخص الدواء

يعني من كام يوم كان في بنت جاية عايزة كريم B- white لترطيب البشرة ..

المفروض أنا pharmacistina هبيع لها هذا الكريم

قلتلها في نوعين .. كريم نهاري و كريم ليلي ..

سألت ايه الفرق بينهم ؟؟

اقتباس:

---

قلتلها النهاري لترطيب البشرة بالنهار و ميزته انه مش هيسيب طبقة لامعة على الوجه أما الليلي بيرطب بترك طبقة دهنية لامعة على الوجه .. الكريم النهاري ممكن يستخدم بالنهار و ممكن تحطيه بالليل عادي ,
لكن الكريم الليلي متقدريش تحطيه بالنهار لأنه هيخلي وشك لامع

---

و بكدة أنا قدمت لها معلومة لما هي طلبتها .. و دة دوري عملته معاها

وبالمثل أي حد بيسأل , أو أي ملحوظة مثل حفظ الأدوية في الثلاجة الخ .... بقولها

ساعتها يكون من المعروف و الواضح جداااا لدى الجمهور انه :


( صيدلية شفيق فيها دكاترة )


و دة الفرق بين صيدليتي و أي صيدليات أخرى بها صيدلي واحد أو خالية من الصيادلة ..

مهما حصل أنا بعمل اللي في وسعي و لا يهمني كلام الناس , و البيع مش حاجة تقلل من شأني ..

و كمان عرفت أسماء تجارية و دة يزيد ثقة الواحد بنفسه , لأن أكيد كلنا في بيوتنا بنتسأل و أقاربنا ممكن يسألونا , لما الواحد بيكون عارف بتبقى حاجة كويسة .. حتى عشان أهالينا يحسوا انهم علمونا :)


بس لاااااااازم لاااااازم يكون في مذاكرة و قراءة علمية من مرجع محترم الى جانب الشغل في الصيدليات , الاتنين جنب بعض

لينا زميل في الصيدلية بيمتحن معادلة انجليزية النهاردة .. هو أيضا خريج 2010 بس ماشاء الله نشيط لم يضع الوقت و خرج من مذاكرة البكالوريوس الى مذاكرة مناهج الزمالة دي و رايح يمتحن في القاهرة النهاردة , ربنا يكرمه و يكرمنا جميعا


ربنا يوفق الجميع

اقتباس:

---

لينا زميل في الصيدلية بيمتحن معادلة انجليزية النهاردة .. هو أيضا خريج 2010 بس ماشاء الله نشيط لم يضع الوقت و خرج من مذاكرة البكالوريوس الى مذاكرة مناهج الزمالة دي و رايح يمتحن في القاهرة النهاردة , ربنا يكرمه و يكرمنا جميعا

---

ما شاء الله لا قوة إلا بالله،، عقبال الماستر بتاعتك يا منى :)

منى مش كنتي وعدتينا اننا هنذاكر مع بعض على المنتدى،، ياللا ابدئي واحنا معاكي :289:

موضوع المذاكرة نقلته هنــــــــــــــــــــــــــا يا دكاترة علشان يبقى موضوع مستقل ونركز فيه ان شاء الله

سؤال

ما انطباعك عن دكتور له روشتة ثابتة في جميع الحالات التي تتعالج عنده ؟؟؟؟؟

هي هي نفس الروشتة بالضبط أو التعديل فيها بسيط

يعني جنب الصيدلية اللي بشتغل فيها بعض الدكاترة بيعالجوا الحالات بنفس الأدوية , شغالين في حوالي 11 دواء أو أقل .. هما هما في كل الروشتات

بيني و بينكم كدة يا جماعة , هو سؤال ساذج بس محيرني

1- هل فعلا كل الناس المريضة هتشفى بهذه الادوية ؟؟؟!!!! ازاي كأن الأدوية دي شاملة كل الأكراض في التخصص دة ؟؟؟؟!!!

2- هل الطبيب متعاقد مع شركة أدوية علشان لا تخلو روشتة له من الـ Motilium مثلا ؟؟!!!

أنا سألت أختي ( طبيبة حديثة التخرج ) قالت لي عادي هو أكيد عنده تشخيص للحالة

بجد أنا حاسة ان الناس دي بتعطي علاج symptomatic كدة ,

أنا بصراحة فقدت الثقة تماما من أطباء بلدي , لو تعبت هتعالج عند حد من الأساتذة بكلية الطب

اقتباس:

---

المشاركة الأصلية كتبت بواسطة pharmacistina

سؤال

ما انطباعك عن دكتور له روشتة ثابتة في جميع الحالات التي تتعالج عنده ؟؟؟؟؟

هي هي نفس الروشتة بالضبط أو التعديل فيها بسيط

يعني جنب الصيدلية اللي بشتغل فيها بعض الدكاترة بيعالجوا الحالات بنفس الأدوية , شغالين في حوالي 11 دواء أو أقل .. هما هما في كل الروشتات

بيني و بينكم كدة يا جماعة , هو سؤال ساذج بس محيرني

1- هل فعلا كل الناس المريضة هتشفى بهذه الادوية ؟؟؟!!!! ازاي كأن الأدوية دي شاملة كل الأكراض في التخصص دة ؟؟؟؟!!!

2- هل الطبيب متعاقد مع شركة أدوية علشان لا تخلو روشتة له من الـ Motilium مثلا ؟؟!!!

أنا سألت أختي ( طبيبة حديثة التخرج ) قالت لي عادي هو أكيد عنده تشخيص للحالة

بجد أنا حاسة ان الناس دي بتعطي علاج symptomatic كدة ,

أنا بصراحة فقدت الثقة تماما من أطباء بلدي , لو تعبت هتعالج عند حد من الأساتذة بكلية الطب

---

فعلا كل دكتور بيبقى له روشته تقريبا ثابته وعلى رايك بيغير صنف او صنفين بالكتير قوى بس ما اعتقدش انه كده غلطان عادى مثلا كل مرضى الكبد تقريبا الروشتات بتاعتهم بتبقى ثابته عندنا فى الصيدليه اللى بيتغير نوع او نوعين بس نفس الماده الفعاله سواء عن دكتور واحد او دكاتره مختلفين وبعدين فى مريض الكبد مثلا مش هيعالج المرض نفسه ولكنه بس بيدى حاجه تسنده على رأى الدكتور كلها مسألة وقت

وكمان الدكاتره مش بيببقوا متابعين زينا التطور والادويه الجديده اغلبهم بيبقى حافظ كذا نوع للحاله بيفضل يكتبها لحد اخر عمره:ai:

وعامل اخر طبعا شركات الادويه وده موقف حصل معايا ف الصيدليه اتصلنا على الطبيب عشان يغير نوع دواء رغم انه فيتامين مرضيش واصر عليه وطبعا المريض مع الطبيب ولما سألت الدكتور ليه كده قالى لان الطبيب بيتعامل مع شركة أدويه معينه..............................الى اخره انتوا فاهمين

بس فى النهايه عمر ما الطبيب هيضر المريض او هيدى اى دواء وخلاص وزى ما اختك قالت اكيد هو فاهم شغله زى ما احنا فاهمين شغلنا دى طبعا وجهة نظرى وشكرا ليك على طرح الموضوع:fop (18):

وبعد الشر عنك من التعب ولا تحتاجى لدكتور ولا لأستاذ فى كلية الطب:)

اقتباس:

---

بس فى النهايه عمر ما الطبيب هيضر المريض او هيدى اى دواء وخلاص وزى ما اختك قالت اكيد هو فاهم شغله زى ما احنا فاهمين شغلنا دى طبعا وجهة نظرى

---

مش فى كل الحالات يعنى لما تعطى أدويه ملهاش علاقه كبيره بالتشخيص اللى انتى مشخصاه وتسيبى حاله المريض تتفاقم يبقى انتى اكيد بتضرى المريض يعنى جاتلى روشته لطفل صغير الروشته كالآتى
marcofen supp
congestal syr
mucophylline syr
hibiotic syr ( أيا كان تركيزه الدكتور صراحه بيراعى السن فى دى)
الروشته دى تدل ان الطفل عنده برد وكحه يعنى الدور اللى بيصيب الأطفال مفيش مشكله
لكن لما تعرفى ان الطفل دا مش بيعانى لا من كحه ولا من برد الطفل طبله الأذن مخرومه وأن الدكتور مبهدل اهل الطفل على ازاى هما ساكتين ....فى هذه الحاله بقى انتى تعملى ايه مع العلم هى دى الروشته اللى فى الغالب بيكتبها الدكتور لأى حاله عنده طيب المضاد الحيوى واللبوس بتاع السخونيه مفهومين طيب مش المفروض تكتب حاجه مساعده ليهم وتفيد تشخيصك

اعتقد يا منى ان تشابه الادوية في كل روشتات نفس الطبيب راجعة للتخصص اصلا، يعني هو دكتور كبد مثلا فتلاقي اغلب الحالات بتتعالج بنفس الدواء
الاختلافات تلاقيها عند دكتور الاطفال او الباطنة، ده في تصوري يعني