وعليكم السلام ورحمة الله وبركاته
اقتباس:
لو انا دالخه مسجد وفيه صلاه جماعه وعايزه اصلى معاهم
ينفع انى ادخل فـ الصلاه معاهم بدون ما اعرف هما صلوا كام ركعه؟
يجوز مع ظن الأقرب
يعنى لو داخل بعد الظهر ابنى على الأقرب إنهم غالبا بيصلوا الظهر ولو ظهر العكس فلا شئ
وبالنسبة لعدد ركعاتهم
مش هيفرق أصلى معاهم عادى وبعد ما يسلموا أحسب انا لحقت معاهم أد إيه وكمل الباقى
يعنى مثلا كانوا هما فى الركعة الرابعة ودخلت معاهم فأصبحت الاولى بالنسبالى
لما هما يسلموا بقى فاضلى تلاتة أكملهم وأسلم ..
اقتباس:
ولو دخلت ادخل عادى وهما على اى حال.. قعود ..سجود ..ركوع ..او بين السجديتن عادى ؟
فى أى حال بل يستحب إنى أدخل فى أقرب وقت ألحق فيه حتى لو كانوا فى أخر سجدة فى الركعة ومتأكد إنهم هيقوما مستناش لغايط لما يقومو وأدخل
بل أدخل علطول
ولكن
المهم بقى طريقة الدخول( أخونا رامى كان بينها فى موضوع الصلا )
وهو نفترض مثلا أنا لحقتهم فى السجود أدخل إزاى
أقف الاول وبعدين أكبر تكبيرة الاحرام وأضع يدى على صدرى واطمئن ثانية كدا ( على الرغم ان الباقين ساجدين )
وبعدين أكبر تكبيرة تانية (انتقالية )
وأنزل اسجد معاهم
لكن لو كبرت تكبيرة واحدة ونزلت علطول معاهم دا خطأ كبير لأنى بكدا فوت تكبيرة الاحرام الى هى ركن من أركان الصلاة والبعض بيبطل الصلاة بالكامل لو دخل علطول ولكن هنا طبعا عذر بالجهل لالى ما يعرفش عفا الله عن الجميع
اقتباس:
ولو دخلت مثلا بعد ما قراوا الفاتحه وملحقتش اقراها معاهم يدوب قرات السوره.. كده تعتبر الركعه فاتتنى والمفروض انى اقضيها بعد ما الامام يسلم ؟
اولا
الركعة بتدرك حتى ولو بالركوع
يعنى حتى لو لحقتهم فى الركوع وفاتنى القيام كله بالفاتحة تعتبر الركعة الاولى كدا اتحسبت وما تتعدش
ثانيا
لو دخلت الصلا ولقيت الامام قرأ الفاتحة وبيقرأ فى السورة مسبش الفاتحة
بل أقرأها بتجوز يعنى بسرعة
تمام
اقتباس:
ولو فاتتنى ركعه والمفروض انى اصليها بعد ما الامام يسلم وسلمت معاهم ونسيت ينفع انى اصليها لوحدها وبعدين اسجد سجدتين سهو ولا اعيد الصلا من تانى ؟
لأ تمام كدا
اجيب الركعة والسهو ومعدش تانى
دا فى حالة لو انا لسة فى مكانى ومخرجتش من المسجد
لكن مثلا لو خرجت ورحت الشغل واتحركت وبعد كدا افتكرت يبقى اعيد الصلا كلها
اقتباس:
و فاتتنى ركعه المفروض انى اقول التشهد الاخير معاهم كامل ولا اقف عند حته معينه واصلى الركعه الى فاتتنى بعد ما الامام يسلم ؟
لأ اكمل التشهد للاخر معاهم اتباعا للامام وبعد كدا اجيب الى فايتنى
اقتباس:
ولو فاتنى بقى اى ركن فى الصلاه المفروض انى اختم بالتشهد حتى لو كنت قلته مع الامام ولا اقضى ما فاتنى واسلم على طول ؟
مش فاهم الجزئية دى
هو الكلام ممكن ميكنش واضح ممكن نفسر أكتر
ربنا يبارك فى حضرتك
سب
