عرض للطباعة
ممكن نكدب على اللى حوالينا....ممكن نحاول نتجمل امام الاخرين...لن اننا نكدب على نفسنا ونصدق دا يبقى لازم وقفه مع النفس.. انى ابين للناس انى كويس وانا عارف انى وحش وبحاول اصلح من نفسى او مبحاولش مش مشكله اوى أد ما المشكله انى بحاول اكون قدام الناس كويس وانا وحش بس شايف نفسى احسن الناس وان مفيش حد احسن منى !! ياريت نفوق قبل فوات الاوان...مستنى أرائكم
شكرا لحضرتك يا دكتور
واكيد حضرتك عندك حق طبعا
لان قناع الخداع عمره ما هيدوم
واللي بيعمل كده اكيد هينكشف
وطبعا رحم الله امرأ عرف قدر نفسه
عندك حق فعلا يادكتور فى كل كلمة قولتها
بجد كل واحد منا محتاج وقفة مع النفس
لازم نراجع نفسنا من تانى
واكيد هنتغلب على الحاجات الوحشة اللى جوانا وهنصلح من انفسنا
ميرسى يادكتور على النصيحة الغالية دى
تقبل تحياتى
العندليب
الحمد لله انا عمرى موصلت لدرجه انى اقول انى احسن واحده او حتى اشوف نفسى كده انا اساسا نفسى فى فرصه تخلينى احس انى فعلا انسانه كويسه ومعدنها طيب واصيل ودا مش بحسه من نفسى لا الاخرين هم اللى من خلالهم بعرف عن نفسى كتير واحب نفسى بس مش لدرجه انى اكدب على نفسى بخصوص عيوب فيا او اى حاجه تانيه لان لانى لما ببص فى المرايه مش بقدر اكدب على نفسى كتير وعمرى مبقدر اتصنع واتجمل دايما احب طبيعتى ممكن تبقى محتاجه تعديل بس دا بيبقى فى ايديا اصلحه لكن انى اتصنع دائما يبقى عمرى مهكون بطبيعتى حتى مع نفسى شكرا ليك يادكتور على فتح موضوع مهم زى دا
اسوأ شيى فى الدنيا اننا نتغاضى عن عيوبنا
مهما كان الانسان كويس الا انه اكيد عنده عيوب
مفروض نكون فى حالة تقييم دائمة لانفسنا علشان نتقدم
واللى بيقول انه احسن واحد ف الدنيا ده انسان ضعيف وبيشعر بنقص
فدايما بيحاول يقنع نفسه انه احسن
وهو ده الغلط لانه بكده هيفضل محلك سر وعمره ماهيتقدم فى شىء
لازم نتحلى بالصراحة مع نفسنا علشان نكون افضل باستمرار ونعالج عيوبنا
ونكون فى حالة نقد دائم لانفسنا قبل انتقاد الآخرين
شكرا دكتور احمد على التوبيك الهادف
http://www.falntyna.com/img/data/thu...7500_31746.gif
تحياتى
//
dano_90
(اعلموا ان الله يعلم ما فى انفسكم فاحذروه)
فعلا يا دكتور حاجة صعبة جدا لما نكذب على نفسنا
وده اصلا بيخلينا مش عارفين نصلح من نفسنا
شكرا يا دكتور على التوبيك
المنافقون فى الدرك الاسفل من النار
وعلى فكره الانسان لما بكون على طبيعته بيكون اجمل بكتير وبيوصل اسرع
لكن فعلا انا اعرف ناس مريضه بالكدب
ممكن تقعد تكدب وتافلم حاجات ومواضيع كتير جدا والمشكله انها بتصدقها مع الايام
وانا من وجهة نظرى
ان ده نتيجه عدم ثقه فى النفس وعدم رضى بنفسها
علشان كده بتخترع حاجات غير واقعيه وتعيش فيها
وبتكون النتيجه ان الناس بتبعد عنها
لانى مش ممكن هضيع وقت مع فشر فى فشر
وكدب .... (( بصراحه بحس كانها بتستغفلنى ودى حاجه بتضايقنى جدا ))
اسفه انى طولت عليك يا دك
وشكرا على الموضوع...
مية مية الكلام دا
شكرا على أرائكم ومشاركاتكم يا شباب...وأتمنى أننا نكون صارحين وواضحين مع نفسنا...كمان لو حاسين اننا وقعنا فى حاجه غلط لازم نعترف بده ونعرف ايه اللى خلانا نعمل كدا ونعالج القصه دى علشان مش نكرر الوقوع تانى...لكن اننا نغلط وبعدين منعترفش بغلطنا حتى بينا وبين نفسنا ونغلط تانى وشايفين ان دا الصح...دا هو اللى غلط...كل واحد يراجع نفسه...ميرسى تانى على مشاركاتكم