قلم انكسر وقلب من الهم انفطر
نحلم بايه
خلاص زمن الاحلام جبر
مع انها احلام بسيطة كلها
مش ثروة وقصور وعمارات
ولا حتى قصة حب
تغلب قيس وليلي
يتحاكي عنها الزمان
بس احساس بالامان
وايد تطبطب
تمسح الدمع الي مالي العين
قلب مليان بالحنان
لا انا يائس ولا حاس الزمن قاسي
خايف بس الحلم مايجيش الا بعد
مايفوت الاوان
وارجع افوق وارمي حملي ع الخالق
واملا قلبي بالايمان
يتولد تاني الامل
طول مافي بكرة
لسه فيه في الدنيا خير
ايه يعني قلم انكسر
ينصلح اوييجي غيره
قلب انفطر
بكرة تهدى جراحه والزمن يداويه
وحارجع احلم
وارسم البسمة على وشي
خلاص
زمن الاحزان جبر
