ايه رأيكوا في اللي بيقولوا علينا (بياعين )؟؟؟؟

السلام عليكم ورحمه الله وبركاته

ازيكم يا دكاتره
سوري يا جماعه انا حبيت اكتب الموضوع ده واعرف ارائكوا فيه لانه بجد بيستفزني جدا جدا
بسمع ناس كتير جدا جدا يقولوا علينا بياعين ولا بقالين مش في الكليه وفي الكليه طب اوكي مش في الكليه طب في الكليه ليه ؟؟؟؟
يعني بعد الدراسه والتعب ده كله وفي الاخر يتقال علينا كده واحنا اللي تعبنا في الثانويه العامه وداخلين ب99% وفي النهايه يتقال علينا كده ؟؟
ايه الاسباب ؟؟؟؟؟؟
وازاي نتخلص من المصطلح ده ؟؟؟
اللي بيضايقني اكتر اني زمايلي وداخلين الكليه مش برغبتهم وموافقين علي المصطلح ده ؟؟؟
هو مش المفروض ان احنا دكاتره برضه ولينا حقوقنا ؟؟

وشكرااااااااااااا

اقتباس:

---

المشاركة الأصلية كتبت بواسطة khokha

السلام عليكم ورحمه الله وبركاته

ازيكم يا دكاتره
الحمد لله كويسين مرسى على سؤالك
سوري يا جماعه انا حبيت اكتب الموضوع ده واعرف ارائكوا فيه لانه بجد بيستفزني جدا جدا
لا عادى As u Like
بسمع ناس كتير جدا جدا يقولوا علينا بياعين ولا بقالين مش في الكليه وفي الكليه طب اوكي مش في الكليه طب في الكليه ليه ؟؟؟؟
دا شخص أكيد عنده نقص متشغليش بالك بيه
يعني بعد الدراسه والتعب ده كله وفي الاخر يتقال علينا كده واحنا اللي تعبنا في الثانويه العامه وداخلين ب99% وفي النهايه يتقال علينا كده ؟؟
ايه الاسباب ؟؟؟؟؟؟
أولاً أحب أعرفك إن مهنة الصيدله من اولى المهن المنتهكه فى مصر.. بمنى إن أى شخص ممكن يجيب الدوا من على الرف...أوك كمان يمتهنها أى شخص مهما كانت وظيفته أو دراسته..أو حتى لو مش متعلم خالص.. المهم بيعرف يميز بين أشكال علب الدوا..بس كده

وازاي نتخلص من المصطلح ده ؟؟؟إنتى لاذم تكونى على يقين تام بمستواك وققدراتك ولا إيه وسيبك من كلام الناس المهم يكون ليكى هدف
اللي بيضايقني اكتر اني زمايلي وداخلين الكليه مش برغبتهم وموافقين علي المصطلح ده ؟؟؟
هو مش المفروض ان احنا دكاتره برضه ولينا حقوقنا ؟؟

وشكرااااااااااااا

---

أشكرك على طرح الموضوع دا .. هو حاليا يشغل الرأى الصيدلى

احنا مهما عملنا احنا يا اما شغالين في صيدلية (بقالة)
او مندوبين ادوية ( تجار شنطة)
ودى الحقيقة اللى عايز يبقي صيدلي في معمل ابحاث لازم يحضر ماجستير بيو او ميكرو وبعد لما تحضر ممكن يتقال عليك ساعتها دكتور مش بقال
عفوا يابقالين
:be:

اقتباس:

---

المشاركة الأصلية كتبت بواسطة Dr.Mohamed

أشكرك على طرح الموضوع دا .. هو حاليا يشغل الرأى الصيدلى

---

شكرا لمشاركتك

عفوا يابقالين

:be:[/quote]


no comment

بصوا يا اخوانا
الواحد لما يكون عندة قناعة انة داخل كلية عشان يبقى بقال فى الاخر
دة تتوقع منة اى تفوق

ثانيا سورى
يعنى اللى بيقول ان الصيدلى دة بقال
فهو شخص جاهل بغض النظر عن مستوى تعليمة
يعنى اللى بيقول عليا بقة بقال متحضر

اكيد اكيد يعنى
هيقول على الطيار سواق متخضر

ولا على الجراح جزار متحضر

انت ممكن تقول ان منظومة عملك هنا هيا اللى عاوزة تظبيط

هوا انت لوبى دوا غلط او اديت ست حامل دوا غلط مش هتموت
او هتضرها !!!!!!!!!!!
يبقى فهمك لشغلك على بناء العلم مش الخبرة وبس دة مهم
وانت فى ايديك ارواح ناس
واتهم نفسك فى الاول
انت دورت على مجالات الصيادلة
ولا انت سمعت انهم قالولك انك يا اما هتشتغل مندوب او بياع ق صيدلية فصدقت ودمتم

انت تعرف انك ممكن تشتغل فى المفاعلات النووية وممكن تشتغل فى شركات البترول وممكن تشتغل فى مجالات كتير

لية ترضى انك تكون عادى زى العاديين

وتطلع بتقدير عادى وخلاص
انت مسلم والاصل فيك انك تكون متميز
ممكن ميكونش التقدير علامة للتميز

بس حلمك وتصميمك على انك تنفذة
هوا دة اللى بيديلك التميز بين العاديين

دمتم صيادلة متميزين
واللى عاوز يبقى بياع دى مشكلتة وكامل ارادتة ولو هوا مصدق انة كدة عمرة ماهيكون غير كدة

سورى يا جماعة
مخدتش بالى ان البوست فى الفرقة الاولى
سورى على تطفلى
بس حبيت اصحح مفهوم غلط

عندك حق يا دكتور Toxic أنا نفسي اشتغل ف شركة أدوية وكل لما أقول لحد كده يقولي مستحيل حتي لوعملتي ايه
لأنهم مش بيشغلو صيددلة بيشغلو علوم وبيطري ؟؟؟؟؟ هل ده صحيح :qi: (وأقصد انه يكون جوه المعمل مش مندوب )

اقتباس:

---

المشاركة الأصلية كتبت بواسطة khokha

السلام عليكم ورحمه الله وبركاته

ازيكم يا دكاتره
وعليكم السلام ازيا يا دك
سوري يا جماعه انا حبيت اكتب الموضوع ده واعرف ارائكوا فيه لانه بجد بيستفزني جدا جدا


بسمع ناس كتير جدا جدا يقولوا علينا بياعين ولا بقالين مش في الكليه وفي الكليه طب اوكي مش في الكليه طب في الكليه ليه ؟؟؟؟
اكيد لما حد يقول كده وف كليه صيدله يبقى مش حاسس بمكانته ولا بوضعه ف المجتمع وده يبقى انسان مهزوز ف الشخصيه اى مش عنده ثقه بالنفس ويبقى اصلا مش قادر يحلم بهدف علشان يحاول يوصله
يعني بعد الدراسه والتعب ده كله وفي الاخر يتقال علينا كده واحنا اللي تعبنا في الثانويه العامه وداخلين ب99% وفي النهايه يتقال علينا كده ؟؟
لالا ان شاء الله احنا صيادله محترمين جدااا سواء كنا فتحين صيدليه (صيدلى المجتمع او الشارع) او سواء اشتغلنا ف شركه ادويه او ف مصنع ادويه او حته ف طب الشرعى او حته حد اخد حاجه تأهله يفتح سنتر تحاليل ليه لا؟؟؟
ايه الاسباب ؟؟؟؟؟؟
اكيد فيه اسباب كتير اهمها اهمال الصيدلى نفسه ف صيدليته يعنى يبقى فاتح صيدليه وموقف ناس مش خرجين صيدله ولا حته تدريب مهنى والاخر يقول بيقولوا علينا كده ليه
ليه الصيدلى مش يقف هو بنفسه ف الصيدليه ولابس البالطو الابيض ويمارس دوره الطبيعى ف عمله مش فاهمه انا؟؟!1! وغير كده سبب اننا بنردد اقوال الناس الجهله ف كلمه الصيدلى بقال مفروض احنا متعلمين
طيب بيقولوا ع الصيدلى بقال
وطب اسنان حلاق
والطبيب جزار
والسباك والميكانيكى يا دوك يا بشمهندس
وخريج زراعه مهندس
مع احتراااااااامى لكل المهن المحترمه دى بس بجد عيب علينا نكرر ونردد الكلام ده
وازاي نتخلص من المصطلح ده ؟؟؟
نتخلص من المصطلح ده بجد لما كل صيدلى يتخرج من الكليه الراقيه المحترمه بتاعتنا دى يشتغل صح
ويقف ف مكانه ومش يسمح لحد اقل منه يقوم بشغله وبوظيفته
اللي بيضايقني اكتر اني زمايلي وداخلين الكليه مش برغبتهم وموافقين علي المصطلح ده ؟؟؟
ده غالبا بيبقى نقص لانه مش حقق هدفه الاصلى فبيعبر عن مكنونه الداخلى باسلوب غلط
وبطالبه باعاده النظر ده حه عييييييييييييييييب
هو مش المفروض ان احنا دكاتره برضه ولينا حقوقنا ؟؟

وشكرااااااااااااا

• طبعا دكاتره ولينااااا حقوق يارب ابعد عنا الحاقيدين انا بحس ان اى حد بيقول على صيدله كلمه غلط ده بيكون حقد الى جانب بعض النقط غلط فينا احنا كصيادله اتمنى بجد اننا نتخلص منها

---

شكراااااااااا لطرح الموضوع للنقاااااااااااااااش

هههههههههه
تاني ... تاني بقالين .. أقصد عاشر ..
بشوف موضوعات من دي كتيـــــــــر في المنتدى و خارجه .. بجد و لا مرة كنت حابة اني أرد على موضوعات من هذا النوع .. عادي لو واحد مش صيدلي قال كدة .. لكن اللي مش عادي اننا دايما و أبدا بنطرح الموضوع دة ..
كأننا بنحب نحبط نفسنا ..
بصي يا دكتورة ..
كل انسان هو بيحدد مكانته في مجتمعه .. كل واحد هو اللي بيعمل قيمة لنفسه أو لأ على أساس علمه و عقله و شغله ..
السنة اللي فاتت , واحدة في كلية تانية ( هندسة ) اتكلمت عن كدة و قالت أنا مكنتش عايزة أدخل صيدلة لأني محبش أكون بقالة .. ماشي ..
هي كانت ملازمة ليا .. في السكن لأني مغتربة ..
بتقول كدة يمكن عشان تضايقني .. ممكن عايزة تشوف رد فعلي .. أو دي وجهة نظرها .. أيا كان ,,,
المهم أنا بينتلها بهدوئي و ابتسامة كلها ثقة .. أنا بحب كليتي و مؤمنة بدوري ..
عدت أسابيع و حصل ان والدتها تعبت شوية .. كانت قلقانة و قعدت توصفلي في مرض والدتها و تسألني ..
هو كان ورم , و منتظرين نتيجة التحليل .. لما طلع التحليل جرت بيه عليا عشان أقرأه و أطمنها و الحمد لله No malignancy
و كمان لما كانت بتتعب .. البقالة اللي هي أنا كانت بترشدها للدوا و كانت بتجيب و بتاخد و بتقولي شكرا ..

و نعم البقالين احنا .. الحمد لله بحب كليتي و مهنتي وواثقة في نفسي و تعليمي لو كل الدنيا حاولت تهز الثقة دي أنا و الله و لا يهمني .. و يا ريت كلنا نبقى كدة ..
لأن عمر الناس ما تثق فيكي الا لو انتي واثقة في نفسك .. دي قاعدة حطيها في بالك دايما ..
و علشان تثقي في نفسك و كمان الناس تثق فيكي لازم الثقة دي عايزة تتبني بالمذاكرة و الفهم و جمع المعلومات الطبية الصحيحة اللي تفيد الناس و تحسسهم يعني ايه صيدلي ..
تعب 14سنة مذاكرة عشان أبقى صيدلانية ناجحة أبدا مش هخلي كلمة من حد جاهل يضيعه ..
مع العلم بان .. احنا للأسف ككل مجتمع مفكك غير متحد و طول ما احنا كدة عمرنا ما هنتقدم ..
حاجة تضحك .. كل واحد نفسه ينقص من قيمة التاني ..
الأطباء بيقولوا ع الصيدلي ( بياع )
احنا بنقول انهم ( هواة الحفظ و الصم )
علاج طبيعي بيقولوا .. ( العلاج الكيماوي وحش .. خلاص المستقبل للعلاج الطبيعي وراحت ع الأطباء وراحت ع الصيادلة )
المهندسين بيقولوا على بيتوع علمي أحياء ( ناس حفيظة مش بتفهم عشان ما درسوش هندسة ) .. و دة كلام بيرفعوا بيه من قدر كلية الهندسة ..
و يا سلاااااااااام ع المهندسين .. بتاع ميكانيكا يقول أنا أصعب و أهم قسم في الكلية و الكل المفروض يضربلنا تعظيم سلام .. بتاع اتصالات - و الكلام دة مش من تأليفي دي مواقف حصلت قدامي - بتقول ان الدكتور عندهم في المحاضرة قال ( انتو يا بتوع اتصالات التوب بتاع كلية الهندسة ) .. و لو أعطاهم مسألة و عايز يضرب بيها المثل في السهولة بيقول ( اللي مش هيفهم المسألة دي يحول مدني قسم الحفظ ) .. و دة أستاذ جامعي فاضل و له كل التقدير على التفكير الراقي ..
المهندس المدني بقى بيقول ( قسم عمارة ملهوش أهمية كبيرة .. المهندس المدني الشاطر يعمل شغل المهندس المعماري في المشروع .. )
بتوع حاسبات و معلومات بيقولوا .. الكمبيوتر هو كل حاجة .. كل الكليات التانية ماشية بالكمبيوتر .. يعني انتو يا أطباء بتشخصوا بالكمبيوتر دلوقت .. و انتو يا صيادلة الأجهزة اللي في مصانعكم كلها computerized .. كلية الحاسبات و المعلومات أهم من أي كلية في الجامعة . .
بنات كلية التمريض بيقولوا .. الدكاترة دورهم محدود يشخص و بس لكن الــ nurse هي ليها الدور الأكبر هي اللي بتتابع و بتخليها مع المريض ..


يااااااااااااااااااااااااااااااااااااااااااااااااا ااااااااااااااااااه على سذاجة مجتمعنا ..
خليكم يا عرب .. أمريكا بتتقدم و احنا كل واحد بيقول على نفسه الكل في الكل ..
و على فكرة نقص كبير ان الواحد مش لاقي حاجة يرفع بيها من نفسه .. فيقلل من قدر الناس عشان يرفع نفسه ..

عادي اللي عايز يقول بقالين يقول .. ما بيهمنيش و مابسمعش لتخلف ..
هثبت ان دوري كبير لما أقوم بيه صح .. ان شاء الله .. و ياريت كلنا نذاكر و نشتغل بنية ارضاء الله و دي غاية عالية عشان الشغل يكون عالي ..
دعوة الى التسامي .. أيوة تساموا بأنفسكم يا صيادلة عن مثل هذه الأقول التي لا أساس لها من الواقع ..
انتوا عارفين قد ايه دراستنا و شغلنا مهم فبلاش انتو ترددوا الكلام دة ..

طولت كتير و صدعتكم .. آسفة ..