الحب علاجك..(قصة جديدة)

هذه اول قصة لى طويلة نسبيا و أرجو أن تنال اعجابكم و يسعدنى أن أرى أرائكم إن كان هناك خطأ ما .. وإليكم القصة..................
(((
فى ليلة يسودها الصمت والظلام لا يظهر منها سوى القمر فى السماء يضىء ضياءه المعتاد الذى لم اجد غيره اشكو اليه همومى و ألامى.....
فسألته عما يريح قلبى و يملأه سكينة ويزيح عنه القلق ؟؟ و سألته عن دواء يجعلنى أشعر بالسعادة و الأمان و الطمئنينة؟؟ سألته عن تركيبة تذيب قلوب الناس فى بحر من المودة والرحمة؟؟...
فلم يجب على شكوايا إلا بكلمتين فقط لا ثالث لهما ((الحب علاجك)) و كانت هذه اول مرة اسمع عن الحب..فلم أفهم مايقصده و لكنى أخذت فى البحث عنه...عن الحب!
و ظللت أياما كثيرة باحثا بين قلوب الناس عن ذلك الحب الذى يشفى, فلم أجد سوى البغض والحقد والكراهية تملأ هذه القلوب....
و عندما كللت من البحث و عندما لم أجد ما أريد جلست أشكو للقمر حالى, وعلى الرغم من إنشغاله عنى بإكتماله وتمامه حيث أصبح بدرا منيرا فى السماء إلا أنه أضاء بوجهه على مكان ما كأنه يخبرنى بأن اذهب إلى هناك حيث ذلك المكان المضىء...
و بالفعل ذهبت حيث أشار و عندما اقتربت فوجئت بضياء شديد فاقتربت أكثر فإذا بى أجد مالا كنت أتوقعه ...... فإذا بى أجد جمالا لا يوصف بالكلمات ,جمالا لا يصدقه عقل,جمالا متجسد فى صورة فتاة.......
فشعرت ساعتها بتركيبة من المشاعر تتخللنى و تجعلنى أسمو بإنسانيتى.. فعلمت ان هذا هو الحل..هذا هو الحب.
فذهبت و انا فى غاية السعادة للبدر لكى أقص عليه ما وجدته فأجابنى بأن تلك الفتاة الرائعة هى قطعة منه يهديها إليا..
فيا لها من ساعة وياله من يوم عندما علمت بذلك.
فيالحسن حظى أستمتع بالحب مع جمال القمر المكتمل......
)))
إليكم خالص تحياتى و الى لقاء فى قصة أخرى و لو علوزين قصة أطول قولولى انا تحت الطلب.....سلام

الله عليك يا بوب . ايه ده
والله لازم نعمل الدويتو
واوعى تنسى الحلم
وخسارتك في عدم الحب

اقتباس:

---

واوعى تنسى الحلم

---

مش هنسى الحلم يابوب و ميرسى على ردك

ما شاء الله
جميلة جدا يا د/tata
بس انا قلت هلاقيها طويلة طويلة يعني :)
هي نوعا ما اطول من الباقي بس برضه حاسة انك لو طولتها اكتر من كده هتبان فيها استخدامك للتشبيهات اكتر وهتكون احسن من كده كمان

في انتظار جديدك دايما يا دكتور
والمرة اللي جاية ان شاء الله ممكن توفرها كمان للمسابقة....اعتقد بأسلوب حضرتك ده هتكون المنافسة جامدة جدا

جميلة يا دوك
ما شاء الله..في تقدم ملحوظ في كتاباتك
حلوة الرومانسية الحالمة دي
وعقبال اما نشوفك زي يوسف السباعي
:co:

((ما شاء الله
جميلة جدا يا د/tata
بس انا قلت هلاقيها طويلة طويلة يعني :)
هي نوعا ما اطول من الباقي بس برضه حاسة انك لو طولتها اكتر من كده هتبان فيها استخدامك للتشبيهات اكتر وهتكون احسن من كده كمان))
ميرسى يا دكتورة على رايك و دى كانت مجرد تجربة فى القصة الطويلة شوية..
ثانيا((والمرة اللي جاية ان شاء الله ممكن توفرها كمان للمسابقة....اعتقد بأسلوب حضرتك ده هتكون المنافسة جامدة جدا)) انا سألتهم ينفع فى المسابقة قصة قالولى لأ و انا بصراحة كنت مجهز القصة دى للمسابقة بس يلا خيرها فى غيرها...
((جميلة يا دوك
ما شاء الله..في تقدم ملحوظ في كتاباتك
حلوة الرومانسية الحالمة دي
وعقبال اما نشوفك زي يوسف السباعي
:co:)) ميرسى يا دكتور على رايك الجميل و كويس الحمد لله ان فى تقدم انت لاحظته

فعلا جميله واسلوبك مميز بيجذبنى للقراءه..
فى انتظار مزيدك..وللأمام دائما..

جميله جدا يادكتور
نحن في انتظار المزيد حتي ولو طويله ولا يهمك

ميرسى يا دكاترة لولا تشجيعكم مكنتش كتبت حرف

جميلة اوى يادكتور