بداية المشوار ........حدث بالفعل(2)

بعد ما الحمد لله القصيده الاولى خلصت والرود كانت تدفعني للاستمرار
اكمل الجزء التاني من حكاية صاحبي وطبعا الحكايه عامه والاجزاء الخاصه اوي مبتتقلش
وارجو الرد ومعرفة رأيكم وانا عارف ان كلامي مختلف عن اللي بيتقال في المنتدى
بس ده عامي والعاميه هي اللي بيفهمها الناس كلها كلها.

والقصيده دي اسمها"صاحبي والمرأه"

انا راح احكي قصه بسيطه
النهايه مش جديده

واحد صاحبنا حب زمان
بس يا ناس الصدمه شديده

كانت نظره في نظره في نظره
حب صاحبنا والقصه كبيره
دلوقتي صاحبنا حالته خطيره

وشكيت انا لقاضي النظرات
والنظره ملايين كلمات

يا قاضي غسني
يا قاضي حوشني
يا قاضي مش سامع الندهات


اسمع كلامي
انسان انا مليان آهات

احكم يا قاضى_وقانونك_
مش جنايات ولا عقوبات

النظره معنى
تاه فيها بشوات بهوات

هحكيلك يا قاضي
وانت عليك التفسيرات

انسان يا قاضي
جواه كتير شخصيات

ما يزعل حد
ويحب دايما الفرحات

دايما بيضحك
مع انه مليان حزنات

شايل في قلبه
ونفسه راضيه بالسكتات

مش هكدب عليك
حبيت وأسيت
ولقيت انا كتير صعوبات

المشاعر مكنونات
والقلوب مش كدبات
والنفوس مش عنطظات

احكم يا قاضي
وقولي حل المشكلات

احكم يا قاضي
وخلي قلبي يملاه راحات

سألت صاحبي وكان السؤال
المرأه ايه رد وقال

المرأه لسان
ملوش آخر

المرآه ودان
آه يا ساتر

المرأه عيون
انا مش قادر

المرأه بحر أحزان
المرأه بئر اوهام
المرأه سراب أحلام

مشاء الله يادوك اسلوبك ممتع فى الكتابه

وانا شخصيا بحب اسلوب الحوار جداا فى الشعر

بس حضرتك جاى على المراه اوى فى الاخر ليه كده بصراحه ماعجبنيش تصويرك للمراه انها ثرثاره

ومليانه بالاحزان والاوهام يعنى ده صفات هتلاقيها فى الراجل زى المراه

بس عموما الموضوع يتحب يتقرا وان شاء الله فى تقدم دايما

المرأه لسان
ملوش آخر

المرآه ودان
آه يا ساتر

المرأه عيون
انا مش قادر

المرأه بحر أحزان
المرأه بئر اوهام
المرأه سراب أحلام


ايه ده كله

الناس تكتب ف مدحها وانت بتذمها

هو الى غلطان هو كلام العيون وعد

ممكن يكون عندك بدايات شاعر يادكتور بس الموضوع عايز منك اهتمام زياده شويه اخدم المضمون مش الكلام

جمييل جدا يا دوكتور كيوان انته بجد موهوب واسلوبك ممتع وانا كنت مستمتع وانا بقرا بس طبعا الموضوع عاوز اهتمام اكتر منك

ومتقلبش علينا البنات يا عم خلي النفوس هادية

جميل ياد/ كيوان اتمنالك المزيد والتقدم من النجاح الباهر ان شاء الله

أنا متفقه مع دكتور على ودكتور شربينى أن الموضوع محتاج شويه اهتمام

اقتباس:

---

المشاركة الأصلية كتبت بواسطة د\كيوان

سألت صاحبي وكان السؤال
المرأه ايه رد وقال

المرأه لسان
ملوش آخر

المرآه ودان
آه يا ساتر

المرأه عيون
انا مش قادر

المرأه بحر أحزان
المرأه بئر اوهام
المرأه سراب أحلام

---

بصراحه ده أكتر جزء عجبنى أسلوبه فى القصيده
بس اللى معجبنيش أنه بيهاجم البنات:5:
فى انتظار المزيد يادكتور وان شاء الله يكون أحسن وأحسن

معلش يا دكتور اتاخرت في الرد

هو الكلام حلو ومسجوع

بس زي ما الدكتور علي قال

لازم تهتم شوية بالمضمون

محتاج لسه تكتسب خبرة
القصيدة بحاول زي الباقيين ادور على المحتوى بتاعها والمضمون...او أفكار مترابطة بس مش لاقية
اهتميت بالسجع على حساب المضمون ومعاني الكلمات
كمان فيها كلمات غريبة

يا قاضي غسني
غسني يعني ايه؟

حزنات,, راحات

استمر وان شاء الله يبقى فيه تقدم

غسني بكسر الغين
كلمه عاميه اوي اوي
بمعنى الحقني او انقذني
اما المضمون ......فالافكار مترابطه
بطريقه غريبه جدا
بقول ان فيه قصه لواحد صاحبي مع مرأه
عباره عن نظرات
بعدين شكوى لقاضي النظرات
مع حديث عن طبيعة صاحبي
وبعدين بسأله عن ريه في المرأه فبيجاوب
كلمات واضحه وافكار مترابطه
بس طبعا رأيكم محترم جدا ومتنساش
يا دكتور علاء تسلملي على حبيبي
وصديقي دكتور نبيل