كيف يدار اقتصاد بلادنا من وجهة نظرك ؟؟؟

عايزين نتكلم فى احوال الاقتصاد فى بلدنا ...
اشتراكية ... رأسمالية ... إسلامية ... الاحتكار
ومذاهب تانية كتير مخلطة ما بين اتنين او تلاته من المذاهب اللى فاتت دى ...
انهو احسن بالنسبة لحالتنا الاقتصادية دلوقتى ؟؟؟
ناس تقول ... الرأسمالية تعنى الانانية
و ناس تانيه تقولك الاشتراكية .. تعنى الجوع و الظلم
و غيره وغيره ...
يعنى مصر من ساعة ما قامت الثورة و هى جربت كله ( ما عدا الاسلامية طبعا :eu: )
و الحمد لله مفيش حاجه نفعت معانا ( يبدو ان العيب فينا احنا:5: )
شايفين ان تحديد النسل هو الحل ؟؟؟ و لا جذب استثمارات جديدة و توفير فرص عمل هو الحل ؟؟؟
نعتمد على احدث تكنولوجيا علشان نقدر ننافس ؟؟ و لا نخلينا على قدنا علشان نوفر فرص عمل اكتر ( حيث ان التكنولوجيا الحديثة بتستهلك ايدى عاملة اقل بكتير ...)
نوقف الاستيراد و نعيش على قدنا باللى بنصنعه ؟؟ و لا نفتح اسواق و نشط حركة التجارة فى الاتجاهين ؟؟؟
نزود عدد الخرجين من التعليم الفنى علشان الصناعه ؟؟ و لا عدد خرجين الجامعه و الباحثين علشان التطوير و الابتكار ؟؟
انتم شايفين اقتصاد بلدنا يتصلح ازاى ؟؟؟
احب اسمع وجهة نظركم و اتمنى تفاعل الجميع ...
تحياتى لكم ...

موضوع جميل اوى يا دوك

وانا مش هخوض كتير فى الموضوع ده

.
.

اولا الإشتراكيه ...

انا عن نفسى مش شايفها كويسه ...

لأن معظم دول اوروبا الإشتراكيه .. اللى موجوده فى شرق اوروبا

تتميز بالهبوط فى مستوى الدخل ..وايضا الحاله الإقتصاديه مش قد كده

.

ثانيا الرأسماليه ...

دول بتعتمد اعتمادا كليا على الخصخصه ...

ودى زى دول غرب وشمال اوروبا ...

اللى بنجد انهم متقدمين جدا فى كل حاجه ....

ومستوى المعيشه هاى كلاس ...

زى الدول الإسكندنافيه " النرويج والدنمارك والسويد "

ودول من 7 دول العظمى زى انجلترا والمانيا وايطاليا وفرنسا

.
ثالثا الإسلام ...

لاجدال على ان الإسلام اتى بكل صغيره وكبيره فى الحياه

فهوه وضح الكثير والكثير

وطبعا ... لازم نمشى تبع م الإسلام فى اى حاجه والدوله هتتحسن ان شاء الله

.
رابعا الإحتكار ..

كلمه واحده

مرفوض فى نظر الإسلام
.
.

اقتباس:

---

شايفين ان تحديد النسل هو الحل ؟؟؟

---

اكيد لا طبعا لأنهم هيحددوا النسل على ربنا يعنى
وكل طفل بينزل معاه رزقه ...

اقتباس:

---

و لا جذب استثمارات جديدة و توفير فرص عمل هو الحل ؟؟؟

---

دا المفروض يعنى

اقتباس:

---

نعتمد على احدث تكنولوجيا علشان نقدر ننافس ؟؟ و لا نخلينا على قدنا علشان نوفر فرص عمل اكتر ( حيث ان التكنولوجيا الحديثة بتستهلك ايدى عاملة اقل بكتير ...)

---

لازم نعتمد على التكنولوجيا

اقتباس:

---

نوقف الاستيراد و نعيش على قدنا باللى بنصنعه ؟؟ و لا نفتح اسواق و نشط حركة التجارة فى الاتجاهين ؟؟؟

---

نفتح اسواق

اقتباس:

---

نزود عدد الخرجين من التعليم الفنى علشان الصناعه ؟؟ و لا عدد خرجين الجامعه و الباحثين علشان التطوير و الابتكار ؟؟

---

الإتنين مع بعض

............................

اقتباس:

---

انتم شايفين اقتصاد بلدنا يتصلح ازاى ؟؟؟

---

يعنى فى الأخر كده

ممكن الدوله تدار بأى اسلوب من
الرأسماليه او الإشتراكيه بس لازم يحصل بينهم اقتران مع الإسلام

:)

موضوع حيوي ياجميل تسلمي عليه وانا هقولك رايي شوفي مفيش حل غير تطبيق النظام الاسلامي كل الانظمه اللي فاتت دي انظمه من وضع البشر ومتى ماتدخل البشر في وضع نظام معيشي هتلاقي خلل وعيوب ودايما هتلاقي ان اصحاب المال والنفوذ هم المستفيدين من جميع الانظمه السابقه الا النظام الاسلامي اللي بيكفل حق الفقير من غير مايظلم الغني يعني في الاسلام مفيش ضرايب لكن فيه زكاه ونسبتها صغيره 2 ونص % وبتروح لبيت المال اللي بيوزعها على المحتاجين (طبعا ده كان ايام الدول الاسلاميه القديمه ) لكن اختيار النظام لوحده مش كافي الاهم من النظام الناس اللي هتطبقه ما احنا ممكن بعد ما ناخد الزكاه نديها لواحد يسرقها او يختلس منها لازم الافراد اولا يبقوا مسلمين صح علشان يقدروا يطبقوا الاسلام صح اما بالنسبه لمساله الانفجار السكاني فعمر ماكان عدد السكان هو السبب في تخلف امه او نهضه امه اخرى فبلاش نرمي كل المشاكل على شماعه اعداد السكان اما بقيه التساؤلات فمفتاحها هو التعليم يعني احنا لو اتعلمنا صح هنقدر نستصلح المساحات الفاضيه اللي في بلدنا وبدل مايبقى سكان المدن الكبرى بالملايين نعمل مدن جديده ونستصلح الصحرا وبكده التلوث يخف والزحام والدوشه زكمان لو اتعلمنا صح هنبقى من الشعوب المنتجه ونعملنا اسم محترم في الاسواق العالميه والانتاج ده محتاج ايدي عامله وكل ماالمصانع تكبر العمال تكتر وبكده نقضي على البطاله وطبعا نعتمد على التكنولوجيا بس لازم ما ننساش ان الانسان هو الذي يصنع التكنولوجيا وليست هي التي تصنعه وان كل اله صنعها انسان ولو عطلت الي هيصلحها هو الانسان . شكرا ياجميل على الموضوع واسفه اذا كنت طولت عليكي بس علشان لما تبقي رئيسه وزرا تعينيني وزيره الاقتصاد والا:5: :5: :5: :5:

موضوع نقاش جميييل جداا ..

اقتباس:

---

يعنى فى الأخر كده

ممكن الدوله تدار بأى اسلوب من
الرأسماليه او الإشتراكيه بس لازم يحصل بينهم اقتران مع الإسلام

---

جبت من الاخر د.احمد...
The Princess منتظرين منك المزييد..تسلمى على الموضوع..:slam:

الحقيقه وبساطه شديده .. انا شايف نظام التنافس هو احسن نظام ..

يعنى

هنعمل مقارنه ما بين شبكات الموبايل .. والحديد ..

شبكات الموبايل اللى فيها تلاته بيتنافسوا مع بعض .. كل شويه عروض .. والاسعار فى النازل ..
الحديد اللى هو احتكارى ومفيش غير واحد .. ومفيش حد ينافسه .. الاسعار فى الطالع ..


وبس ..

وشكرا على الموضوع

عجبتنى الردود اوى و راى الجوهرى عجبنى جدا و ده لانه رايى برضه و ان لم يكن ده هو حل كل حاجه يعنى .....
اكيد النظام الاسلامى هو احسن حاجه لكن انا بقول عايزين مقترحات للمشاكل بتاعتنا ....
ليا عودة بالتاكيد و فى انتظار مزيد من الاراء ....