خدوهم بالصوت...
السلام عليكم ورحمة الله وبركاته
ازيكو يا دكاترة
ايه اخبار المذاكرة والدح:rec: ؟
انا لاحظت ملاحيظ كده على شعبنا الغالي الشعب المصري وعايزاكو تشاركوني وتقولولي ملاحيظي صح ولا غلط:hit:
ليه الشعب المصري كله يهوى ويعشق الصوت العالي
1- لو مشيت فى الشارع تلاقي زفة وعفش ودي جي و اغانى هابطة شغالة بمكبرات صوت بطريقة مستفزة وتتعب الأعصاب
طيب مش مشكلة اهم فرحانين:yeah:
2- لو زعلانين برده هتلاقيهم عمالين يصوتوا والصوت عالي
برده مش مشكلة اهم زعلانين :(
3- لو لاحظت واحد بيتكلم فى التليفون هتلاقيه عمال يعلي صوته ومسمع الجيران والشارع هو بيكلم مين وبيقوله ايه
معلش التليفون كان بيقطع:smo
4-لو كنت نايم فى سابع نومة وإذ فجأة صحيت على كابوس فيه واحد بيزعق
تأكد هو مش كابوس ده الراجل اللى فاتح محل الأجهزة الكهربائية اللى تحت بيتكو بيتناقش فى مشكلة الشرق الأوسط مع أخيه الترزي المجاور وده حوالى الساعة 3 فجراvcool:
5- لو كنت قاعد فى البيت لا بيك ولا عليك وعمال تذاكر وجيرانك اللى تحتيك شغلوا التلفزيون
هتلاقيك عايش لحظات المسلسل العربي لحظة بلحظة ومتابع البطل والبطلة ومتابع حتى الكومبارس الصامت
يلا اديك بتتسلى:wow:
6- لو مشيت فى الشارع او ركبت تاكسي
تلاقى السائق يشير لأخيه السائق فى السيارة المجاورة بس بيشير اليه بضرب الكلاكس
ولو واحد مضايق من واحد يقوم يزعقله بالكلاكس ولو عايزين يسلموا على بعض برده يديله رنة كلاكس
هو ده كلام العربيات :co:
7- لو مشيت فى الشارع جنب مستشفى هادئ ومتعلق جنبه يافطة كبيرة ( يرجى عدم استعمال آلات التنبيه الا عند الضرورة) وتلاقى زفة عربيات ماشية
مش واجب يزفوا العروسة؟:yeah:
6- حتى الأمثال الشعبية بتستحثنا على الصوت العالي" خدوهم بالصوت قبل ما يغلبوكو "
:D
مش عارفة أنا صح فى الكلام ده ولا الواحد مزودها :confused:
