الى طالبه تالته الجداد ماتخافوش انا معاكم
انا أسف فعلا يا جماعه تانيه لو خوفتكم بس مش قاصدى فعلا
أنا بوجه دائما نصائحى للناس اللى ممكن تدبلر او تشيل مواد علشان معظم اللى بيشيلوا المواد سببه الأستهتار الشديد بالترم الأول وخاصه السنه ديه اللى كان بيستهتر بماده كان بينزل الأرض بيها
أما الناس اللى بيجيبوا مقبول الترم الاول فدول ناس صدقينى اكيد كانوا جايبين جيد فى تانيه علشان فعلا السنه ديه كانت رخمه واسؤا ما فيها العملى علشان كده نصحت بالتركيز عليه
وعلى فكره اللى جاب تقدير فى الترم التانى وكان جايب مقبول الترم الأول فأكيد كان داخل أعصابه مستريحه فقدر يدخل من غير اى ضغوط وعلشان كده ابدع فىالامتحانات اما الناس اللى بتشيل مواد أو معاها مواد من السنه اللى فاتت فصدقينى هيتعبوا مووووووووت
بس سعتها زى ماحضرتك قولتى لازم يذاكروا من اول يوم فى الترم التانى وصدقينى اللى بيذاكر من اول يوم من الترم التانى اكيد كان بيذاكر من اول يوم فى الترم الأول
بس عموما تالته اللى يركز فيها خاصه الترم الأول هيستمتع بيها علشان العملى بتاعها جامد وهيحسسكم انكم طلبه صيادله بعكس السنين اللى فاتت
هتمسكوا فئران وهتشرحوا ضفادع ( ممكن تخلى الدكتور يحقن الفأر لوماعرفتش تمسكه بس الضفادع لازم تشرحها بنفسك وعموما ده الترم التانى) وياسلام لو فيه جمبك واحد جزار يديك سر المهنه وتفتحله فرع فى السكن بتاعك ( يامعلم ده فى اليابان والصين بيأكلوهم هتيجى انت الفلاح اللى من مصر هتعيش دور الشباب الفرفور وياى ويى يا معلم خليك الهلالى فى سكشنك صدقونى التشريح ده بيعمل سمعه جامده فى السكشن ده انا كنت واخد توكيل تشريح الضفادع فى سكشنى وشوف السمعه ( هى هباب وأرف ) بس يوم الأمتحان شوف الأمم اللى كانت حوالى والنبى يا دوك والنبى يا داك ده تضبيط يا معلم :str:
وهتحضروا كريمات شعر وحلاقه ( اللى كان نفسه يبقى حلاق هيكتشف نفسه فى سكشن الصيدلانيات ) ولبوسات وهتكشفوا فى عينات bile( هموا كان بيقول Bile بس طلعت فى الأخر ميه من الحوض محطوط عليها نكهه امونيا يعنى ماتخافوش تحللولها )
يعنى من الاخر have fun هتعيشوا حياتكم :yeah:
بس أرخم عملى الفايتو والطبيه فركزوا عليه كويس والباقى درجات العملى بتاعته كويسه وسهل تجيب 40 بتاعته وشد حيلكم يا رجاله علشان اللى بيطلع رابعه نظيف مابيخشش الكليه تانى علشن رابعه كلام فاضى وكله بينجح بتقدير من غير مايحضر محاضرات ما عدا ماده واحده بس
يعنى التعب كله ترم أول سنه تالته ولو احتجتوا حاجه أبعتولى وأسف لو ضايقت حد فيكم شدوا حيلكم
وعليكم السلام ورحمه الله وبركاته
