ايه رأيكم يا جماعه ف ظاهرة التسول اللى بنشوفها عند الجامعه ؟؟؟؟؟؟؟؟

http://upload.anamasry.com/files/h70...u9cw5l1qz9.gif
ازيكم يا دكاترة يارب تكونو بخير ومزاجكم كويس ومش تحطو النتيجه ف بالكم وتفألو خير
الموضوع ببساطه اننا عاوزين نتناقش ف موضوع التسول اللى بنشوفه عندنا ف كل مكان خارج الجامعه وبالذات عند المكتبات ......
عاوزه اعرف واكيد الكل يعرف الناس دى نتعامل معاها ازاى .هل نتعاطف معاهم كالعاده ولا نعمل ايه وياهم ......هل هما فعلا يستاهلو الفلوس اللى بيخدوها من الناس اللى بيشوفوهم محتاجين ولا مش جايز يكونو اغنى الناس والله الواحد بيخاف مش يعطيهم ربنا يحاسبنا على كده
انا اعتقد ان الناس اصحاب هذه المهنه "ايوه مهنه ..بقت مهنه والله" لو اشتغلو ف اى عمل تانى ممكن يكون مش مجهد زى التسول ده

كنت مرة سمعت حكايه على قناة الناس من الشيخ سالم ابو الفتوح
لو تعرفوه"وهوا حضر الواقعه دى"
كان بيحكى عن المتسولين ف بلد ف محافظه ما
فكان بيقول ان اسرة مشهورة بالتسول كانت ساكنه ف البلد دى
وعندما ماتت زوجة الشخص صاحب البيت قام الزوج بإخراج جثة زوجته خارج المنزل عشان مش يتكلف تمن الغسل او الكفن او الدفن وكلن اهل المدينه الكرماء اخذوها وعملو ما ينبغى ان يعمل
وبعد فترة وجد الناس رائحه كريهه تخرج من المنزل وفتحوا الباب فوجدو الزوج ميت وجثته متحلله بعض الشىء والغريب ف الموضوع بقى انهم وجدوا فلوس كتييييره اوى تصل الى ملايين الجنيهات

شوفتو يا جماعه اخرتهم عامله ازاى بس برده عاوزين نتناقش نعمل معاهم ايه لانى بجد مش عارفه وتقريبا بواجه الموضوع ده كل يوم
وخايفه اكون بغضب ربنا لو مش عطيتهم فلوس
نتمنى المشاركه من الجميع عشان نعرف الحل
وتقبلو موضوعى وتحياتى

موضوع جميل يا هند
وانا والله اكتر منك حييييرة فى النقطة دى
اقولك موقف حصلى خلانى معدتش اصدق حد
واحدة وقفتنى وقعدت تقولى معلشى ومش عارفة فلوسى ضاعت وانا مش شحاته
وحكاوى من دى المهم اعطتها الى فيه النصيب ومشيت كانت معايا واحدة صاحبتى فى المنتدى برده تبقى هيه تقول لو عاوزه ..
قالتلى الست دى شوفتها قبل كده وبنفس الاسطوانة بس قدام شوية
تانى يوم واحدة صاحبتنا تالتة كانت ماشية معانا بس سابقاناا شوية وقفتها برده وقالتلها نفس الحكاية لما حصلناها وقفنا جنبهم الست بصتلنا واتخضت ومشت هههههههههههههههه

بذمتك ده تسميه ايه يا بنتى دول بيتفننوا بطرق
وبيستسهلوا
شوفى بفرض انها معاها 200 جنيه بس ؟ لو جابت بيهم اى بضاعة حلويات عادية وباعتهم فى بيتها هتكسب وهيه فى بيتها صح ولا لا
يا بنتى فيه ناس بيخرجوا اولادهم معاهم ويتجمعوا فى حتة بعد ما يخلصوا كانها مهنة بيعلموهالهم للزمن
انا مرة شوفت ولدين واقفين يستنوا مامتهم وقاعدين يحنسوا بعض انا جبت اكتر منك والتانى يقوله لا انا الى جبت اكتر ماما هتعطينى كيس الشيبسى

خلاصة القول وبعد مواقف من دى كتييييييييرة انا بعترض على اسلوب التسول ده بالمرة
لان فيه متيييييييييييييين وسيلة غير كده
لكن بالنسبة لاعطيهم او لا والله دى معرفش فيها علشان يعنى مقولش كلام اتحاسب عليه
انا عن نفسى مش علطووووووووول يعنى شوية شوية

مرسى هند على التوبيك وليه عودة لرؤية بقية الاراء

مشكورين يا بنات على مروركم
وبرده انا عندى تعقيب
كلامك يا تغريد مظبوط جدا والقصه اللى قولتيها خير دليل وانتى برده يا لولا كلامك مظبوط
بس احنا لما دايما بنعطيهم كده احنا بنجنى عليهم هيعيشوا ويموتو متسولين ومش ليهم شغله غير كده .....وف نفس الوقت احنا بنلتمس الثواب والاجر من الله من حتة اننا بنعطيهم بغض النظر عن هما محتاجين ولا لأ وربنا اللى بيحاسبهم ......ده رايك مش كده
طب ما هو موجود ناس كتير محتاجه ومش بيطلبو من حد بس معروفين ....مش دول اولى اننا نعطيهم برده ......

موضوع محتاج للمناقشة فعلا ياهند انا عن نفسي ضد ظاهرة التسول بس احيانا بيصعب عليا بعض الاطفال فبديهم بنيه صادقة والله بس في حكاية التسول دي حصلتلي مواقف كتير مع الناس الي شغالين في التسول الي قدام الجامعه والله يابنتي وتحديدا نحية مكتبة زين وحده من الستات انا بيني وبينك من ساعة مشفتها وانا مرتحتلهاش جاتلي وقالتلي الاسطوانة الي بتتقال علطول يارب ينجح يابنتي .... الخ الخ الخ
المهم قلتلها معيش فكة قالتلي هاتي وانا افكلك (طالما معاكي بتتطلبي ليه) قلتلها ياستي مش معايا راحت بصتلي بصة ضايقتني بصراحه وبعدين مشيت شوية بعدين وقفت وبصتلي وقالتلي روحي منك لله الكلمة دي والله ياختي حرقتلي دمي
من يوميها وانا مش بثق في حد
فانا عن راي ضد الظاهرة دي الواحد بكرامته احسن ميتذلل للناس ولا ايه رايكم

شكرا على ردك يا دريمى وفعلا كلها اسطوانات محفوظه بيقولوها
ربنا يهديهم مشكوره على المرور يا قمر :)

انا ضد هذه الظاهرة تماما انا هاحكيلكم عن موقف يضحك مرة كنت ماشية انا واختى وخطيبها وبابا وماما واقاربينا وجت واحدة مسكت خطيب اختى ومصممه تاخد منه فلوس وهو مش من هنا فماما بتقولها امشى ربنا يسهلك فقام بابا مراضيها باللى فى النصيب قامت البنت رجعت لماما تقولها اهه ادانى مش احسن من ان انا اسرقه قوليلى ده تستاهل وساعات ميكونش معاكى فكه ويكون كله مجمد فيشتموكى فى الاخر ميرسى على الموضوع ده وتقبلى مرورى

شوفى يا لولا انا معاكى فى كلامك بس لما انا ابقى عارفة انها بتضحك عليا ومش محتاجة
واعطيها كده واقول حسابها عند ربنا يبقى انا انسانة سلبية انا كده معملتش حاجة غير انى خليتها تتمادى فى الى بتعمله وخلتها تضحك عليا بمزاجى
لانى لازم ابقى عارفه انا برده عملت وبعمل ايه
عامة برده الاعتدال فى كل شىء جميييييييييييييييييييل

مرسى مرة تانية على التوبيك

موقف غريب مر عليّ اليوم

المكان: فى المساحة الواسعة بين المبنى الاداري والمبنى -بتاع عامة الشعب-

الزمان: اليوم 24/3 الساعة 1154

الحدث:

واحنا قاعدين لا بينا ولا علينا

لاقينا واحد شحات جاي علينا

فاحنا سكتنا ومبصينالوش على اساس انه يفهم انه احنا مش هننفعه فيمشي

وقف الاخ امامنا

وقعد يدعي دعوات حلوة كده

يا سلام يا سلام

ولما لاقى مننا احجام وابتعاد عنه

قام ماشي بس وهو ماشي امطرنا بسيل من الكلام اللطيف الظريف والألفاظ الخارجة


ملابسات الحدث:
اولا الشحات ازاي دخل جوة الحرم الجامعي؟

ثانيا: الشحات لما يشوف الواحد يقوله لله؟
ليه لله: ومين قال ان الفلوس اللى هخرجها واديهاله هتروح لله
دانا هديها لواحد ميستحقهاش ..هضيعها على نفسي واضيع ثوابها واضيع حق حد تانى كان لازم تروحله

ثالثا: الشحات ده ليه يشتم ويؤذينا بكلام يجرح وداننا قبل حتى ما يوصل لمخنا ونترجمه



انا حكيت الموقف مش عشان الموقف نفسه

بس عشان الظاهرة

ظاهرة التسول

1- هل لو انت شفت واحد فى الشارع بيتسول هتديله حاجة؟
2- هل مقتنع بالرأي اللى بيقول ان حرام اننا نديلهم حاجة لأن مش دول المحتاجين حقا - وده رأي سمعته من احد شيوخ الازهر-؟
3- ظاهرة التسول عموما ما لها وما عليها؟

اقتباس:

---

المكان: فى المساحة الواسعة بين المبنى الاداري والمبنى -بتاع عامة الشعب-

الزمان: اليوم 24/3 الساعة 1154

الحدث:

واحنا قاعدين لا بينا ولا علينا

لاقينا واحد شحات جاي علينا

---

ههههههههههههههههه:rofl:

دا اكيد أحد طلاب الكلية بعد م صرف كل فلوسه على الدروس والورق والمصايف وبقشيش العمال :co:

بس الراجل دا دخل إزاااااااى فعلا؟!!!!!! كنتوا صورة ونزلوها فى الجرايد وتبقى فضيحة مصرية 100%

صعيدى فى الجامعة الأمريكيية ... وشحات فى الجامعات الحكوميةvcool:

:( :( والحرس احسن حاجه يعملها يدور على كارنيهات الطلبة الغلابة وهم داخلين بشوااال من الأدوات المعملية(على اساس انهم شايلين الأدواات دى منظره) وييجوا على الساعة 4 يطردوا اى حد من الكلية حتى ولو عليه سكشن سواريه(من 6 لـ 8.30) :confused:

vcool: عاشت مصرvcool:

ملحوظة:انا لم اتعرض لموضوع التسول فى هذا الرد ولكنى معترض على مكان التسول فقط.

على فكرة ده مش اول متسول اشوفه فى الجامعة

امبارح برده وبعد الموضوع ده بساعتين لاقيت واحد تاني جاي بس المرة دي عامل فيها انه أصم أبكم

وغيره كذا حالة قبل كده

وفعلا يتشطروا علينا احنا ويقولوا الكارنيه مع انك تبقى شايل البالطو والرول وادوات وجايب البيت كله وانت جاي

اقتباس:

---

ملحوظة:انا لم اتعرض لموضوع التسول فى هذا الرد ولكنى معترض على مكان التسول فقط.

---

يعني انت مش معترض على ظاهرة التسول اللى فى الشوارع والمظهر اللاحضاري اللى بيعملوه و انهم عايشين متواكلين على الناس ؟