إزاي أنام؟
أنا خايفه،
من إيه أنا مش عارفه،
كل شويه للدم أنا شايفه،
إزاي أنام؟
جوايا أنا بينهار،
تلتهمه أعظم نار،
ولا قادره أخد قرار،
وأقول هكون من الثوار،
إزاي أنام؟
أم جارنا دمع عينها سايل،
إبنها مات وذنبه إنه لعلم الأهلي شايل،
وأبو الشهيد لحقه مش طايل،
وإعلام حقير عمره ما كان للصح قايل.
إزاي أنام؟
وأنا حاسه إني وطني ضايع،
ماسكه راجل لشرف بلده بايع،
من أول شهيد الحدود لحد الأن ودمه ساقع،
الشعب بيتذل والحريه صارت للصايع.
إزاي أنام؟
وأنا قلقان،
والخوف جوايا بني كيان،
ومعتش أبدآ بحس أمان!
إزاي أنام،إزاي أنام؟
.................................................. .................
أه يا بلد،
فيكي :
الي من غير ذنب إتقتل،
والمسؤل عن الحق إتسطل،
والظالم فينا صار بطل،
حرام بجد الي حصل.
وأه يا بلد أه أه أه
.................................................. ....................
"أنت"
لما تقتلني أأنا عدوك؟
أنا إبن بلدك،
لست ضدك،
لكني سندك،
غيري فاسد،للسرقه قائد، بالسجن متواجد،منه بالثأر يستوجب عليك أن تكن آخذ.
تبا لمن يتظاهرون بعارضي النصيحه ، وهم متسببي الفضيحه.
