.. ليه مبتدورش ..

http://img370.imageshack.us/img370/9653/i0473ik.gif



كام واحد فينا بيدور ع المعلومه قبل ما يقتنع بيها ويصدقها لا وبينشرها كمان

كام مره سمعت كلمه من شخص وفهمتها قبل ما تنشرها

كام مره سمعت واحد بيتكلم ف السياسه وتبنيت فكره عن اقتناع

كام مره سمعت عن حادثه ونشرتها من غير ما تتأكد

كام مره سمعت خبر واتصرفت على اساسه من غير ما تتأكد من صحه الخبر


طبعا الكلام ده ليا قبل اى حد بس حبيت نتناقش فيه وكل واحد يسأل نفسه

ليه

بنتصرف كده ؟

ليه مبندورش ع المعلومه ؟

ليه منحاولش نثقف نفسنا ونوسع مداركنا ؟

ليه بنكسل ونتساهل سماع المعلومه والاطمئنان ليها ونتناقلها
ويمكن نتكلم بيها ف مكان ما تطلع خطأ
تعمل ايه لو اتواجهت وواحد قالك على اى اساس بتقول كده

هتتصرف ازاى؟


http://smileys.smileycentral.com/cat/15/15_3_38.gif

فكرةمهمه جدا

يمكن لاننا احيانا بنسمع المعلومه او النصيحه وكانها لغز مفيش فى ايدينا غير اننا نصدق المصدر الموثوق منه
او تجيلنا من الجانب الاخر ومنقدرش نتحرى عنه

وناس تانيه بتبقى عاوزة تصدق الخبر دا وتاكده لنفسها وللجميع مهما كان اساس صحته
اما بالنسبه للمعلومات فموجود مننا كتير اللى بيعشق الثقافه وبيثقف نفسه بس دا لو معلومات ثقافيه مش اى خبر او اشاعه او خلافه من الحاجات اللى بتنتشر بسرعه الصاروخ
بالنسبه لى دايما بقول انى انا سمعت ان كذا وكذا لكن الله اعلم دا اللى بقوله فى كلامى عشان انا فعلا ببقى مش صاحبه الخبر ولا عارفه اساسه وصحته لكن ميمنعش

اممممممممم مش عارفه بس بيتهيالى تكبير دماغ او لانك مابنكنش عارفين حاجه فمبنصدق حاجه نمسك فيها

سؤال مهم
بس انا كنت بسأل نفسى المفروض نسمع لمين ونصدق مين
يعنى يبقى اعتمادنا ع ايه لانى حسيت من اللى حصل ف الثورة وبعدها كنت مصدقة ناس ومكنتش متخيلة انهم يطلعوا كدا
انت بتقول اننا المفروض ندور ع اصل المعلومة ونوسع مداركنا ازاى واحنا مش عارفين مين الصح ومين اللى بيتكلم بصدق من اللى بينافق

اقتباس:

---

المشاركة الأصلية كتبت بواسطة chocolata

فكرةمهمه جدا

يمكن لاننا احيانا بنسمع المعلومه او النصيحه وكانها لغز مفيش فى ايدينا غير اننا نصدق المصدر الموثوق منه

لالالالا
ده استسلام للامر الواقع
او ضعف
لكن مش لغز
ولو لغز حتى المفروض احل اللغز ده
ده احنا بنحب نلعب لعبه الالغاز
ولا ايه ؟

او تجيلنا من الجانب الاخر ومنقدرش نتحرى عنه

جانب ايه ؟

وناس تانيه بتبقى عاوزة تصدق الخبر دا وتاكده لنفسها وللجميع مهما كان اساس صحته

ده جانب موجود
بس محبوش يكون ف صيدلى المفروض انه يحاول يفهم اى حاجه ويعملها sterility test قبل ما يسمعها هوه
مش ينشرها حتى

اما بالنسبه للمعلومات فموجود مننا كتير اللى بيعشق الثقافه وبيثقف نفسه بس دا لو معلومات ثقافيه مش اى خبر او اشاعه او خلافه من الحاجات اللى بتنتشر بسرعه الصاروخ

هدف من موضوعى ده
ان كل واحد يسأل نفسه السؤال ده
ويحاول يعمل الصح اللى هوه هيشوفه بعد ما يسأل نفسه

بالنسبه لى دايما بقول انى انا سمعت ان كذا وكذا لكن الله اعلم دا اللى بقوله فى كلامى عشان انا فعلا ببقى مش صاحبه الخبر ولا عارفه اساسه وصحته لكن ميمنعش

---

مجرد نشرك للمعلومه ده ضد هدفى م الموضوع
حتى لو بتقولى سمعت لان اللى هينشرها بعدك متضمنيش يقول سمعت


وهل لما تقولى سمعت كذا وكذا ؟

زى ما تقولى لا ده كذا وكذا الصح بكل ثقه

احساسك بنفسك بيختلف
احساسك انك افدتى حد بيختلف
احساسك انك فاهمه بيختلف

شكرا على مرورك يا شيكو

اقتباس:

---

المشاركة الأصلية كتبت بواسطة Jailan

اممممممممم مش عارفه بس بيتهيالى تكبير دماغ او لانك مابنكنش عارفين حاجه فمبنصدق حاجه نمسك فيها

---

مينفعش اكبر دماغى

ومينفعش تمسكى حاجه تسئ ليكى

هل ممكن تمسكى ورقه متولع فيها ؟

اعتقد لما تكون مثقل بمعلومات خاطئه ده بيضرك مش بينفعك
ارتكانك لفرحتك باكتسابك معلومه دون التأكد منها مش صحيح بالمره

شكرا على مرورك يا دكتوره

اقتباس:

---

المشاركة الأصلية كتبت بواسطة treka 22

سؤال مهم
بس انا كنت بسأل نفسى المفروض نسمع لمين ونصدق مين
يعنى يبقى اعتمادنا ع ايه لانى حسيت من اللى حصل ف الثورة وبعدها كنت مصدقة ناس ومكنتش متخيلة انهم يطلعوا كدا
انت بتقول اننا المفروض ندور ع اصل المعلومة ونوسع مداركنا ازاى واحنا مش عارفين مين الصح ومين اللى بيتكلم بصدق من اللى بينافق

---

ما ده اساس الموضوع فعلا

ان مبقتش عارف تصدق ايه وتكدب ايه

حاله مستفزه جدا بتوصل للامبالاه والارتضاء بالامر الواقع

بس انا مبحبش كده

فجه ف بالى سؤال
ليه مبدورش انا ؟
مهوا عشان يعرف ويتكلم كده
اكيد قرى حاجات
سواء غلط او صح بس هوه بنى افكاره ورتبها على الاساس اللى قرأه

فليه احنا منحاولش ندور

اكدي الموضوع مش سهل انى ادور وامشى ورى كل معلومه واعتقد انه مرهق

لكن اعتقادى الاكبر انى هبقى حاسس وواثق من نفسى كويس جدا وانا فاهم وعارف وواقف على اساس متأكد منه

شكرا على مرورك يا دكتوره نورتينى

بعتذر لو كان تعليقى على ردودكم فيها اى شئ يزعل
:)

مينفعش اكبر دماغى

ومينفعش تمسكى حاجه تسئ ليكى

هل ممكن تمسكى ورقه متولع فيها ؟

اعتقد لما تكون مثقل بمعلومات خاطئه ده بيضرك مش بينفعك
ارتكانك لفرحتك باكتسابك معلومه دون التأكد منها مش صحيح بالمره

شكرا على مرورك يا دكتوره

انا كنت بدى اسباب ليه ان ممكن ده يحصل يا دوكتور مش قاصدى اكيد ممكن اكون وقعت فى الموضوع ده قبل كده و انا اخده قرار مع نفسى ان مصدقش كل اللى بيتقال و خاصه من يوم ما دخلت الكليه
الا لما اشوف بعينى و اتاكد انها صح و اكيد كلامك صح كمان

العفو

اقتباس:

---

المشاركة الأصلية كتبت بواسطة Jailan

انا كنت بدى اسباب ليه ان ممكن ده يحصل يا دوكتور مش قاصدى اكيد ممكن اكون وقعت فى الموضوع ده قبل كده

---

تمام يا دكتوره

اكيد معظمنا وقعنا فيه قبل كده

انا بفضل اتكلم انا و حد معين لحد ما نختلف اول ما نختلف النت و جوجل موجود هو اللى بيفصل كل مره :d
بس انا مش بنشر حاجه غير ما بعرف مصدرها الاول
شكرا على الموضوع

فى البدايه بجد موضوع راااااااائع

وسؤال اجابته محيره جدا

لأننا لو عرفنا الاجابه ببساطه ممكن نخلص من مشكله هيا سبب كل المشاكل اللى ممكن نكون بنمر بيها حاليا

بالنسبه لحكاية ليها بنسمع الخبر وجرى نروح نقول للدنيا كلها سمعت كذا وكذا

دا باختصار ممكن يكون رغبه فى بيان الثقافه وان الشخص ملم بكل حاجه وان عارف آخر الأخبار(حتى لو كانت غلط)

بالظبط زى المنافسه بين الجرايد أى صحفى يسمع خبر غريب شويه يجرى ينشره فورا (أصله خايف لحد ينشره قبله)

كمان ممكن طبيعه شعب ان ينشر الأخبار فى لحظات وان يتكلم فى كل حاجه وطبعا ده بدافع الفهلوه وطبعا الخبر لما

يوصل لأى حد ما بيتنقلش للى بعد الا وهوا عليه شوية توابل على شوية مخلل وفى ما تبقاش عارف تتسأل ولا تتأكد

ازاى وتلاقى 100خبر مختلفين طلعوا من خبر واحد الله أعلم فى مصدره وتبقى زى التايه بالظبط منتاش عارف تصدق

اى وتكذب إى

أما بالنسبه بأه مبدورش لى ؟

لأن ممكن نقول ده الخبر ده موثوق منه والرواى أهل ثقه عندى يبقى كلامه موثوق وتاخده وانت ساكت (بصراحه

معدتش عارف تقريبا كده كل الناس عادت أهل ثقه) عشان كده أى خبر بيتاخد زى ما هوا وخلاص

وهكذا بأه الكلام من أهل ثقه لأهل ثقه لأهل ثقه وهكذا لغاية ما يوصلك الخبر تلاقى نفسك انت كمان بقيت أهل ثقه

فى الآخر بأه أهم سبب هوا البعد عن الدين وما عدتش تعرف مين هوا أهل الدين ومين اللى متخفى فى ثوب الدين

بالاضافه لاختلاف وسائل الاعلام فتيجى تستعمل عقلك عن تفرق وتقنع بحاجه تلاقى نفسك برده زى التايه

فربنا يهدينا كلنا للصح ان شاء الله

وآسف جدا على الإطاله

اقتباس:

---

المشاركة الأصلية كتبت بواسطة AbU ElKhAiR-Let`s Go

لأن ممكن نقول ده الخبر ده موثوق منه والرواى أهل ثقه عندى يبقى كلامه موثوق وتاخده وانت ساكت (بصراحه
معدتش عارف تقريبا كده كل الناس عادت أهل ثقه) عشان كده أى خبر بيتاخد زى ما هوا وخلاص

---

كويس ان حضرتك لسه شايف اهل ثقه وقادر تعتمد عليهم

بس ده ف انهى مجال؟
ومين ؟
اكيد ف اشخاص معينه حضرتك واثق ف كلامهم

شكرا على مرورك يا دكتور