لازم يا جماعه نوشف حل للمهازل اللى بتحصل دى من طلبة علوم على مستوى الجمهوريه ؟
حد هنا شايف ان ليهم حق و لا ايه ؟
و كمان الجروبات بتاعتهم على الفيس اخر قلة قيمه لينا من سب و قلة ادب
شوفو يا جماعه لو ننظم وقفه فى الكليه عشان الموضوع ده ؟
ايه رأيكو ؟
عرض للطباعة
لازم يا جماعه نوشف حل للمهازل اللى بتحصل دى من طلبة علوم على مستوى الجمهوريه ؟
حد هنا شايف ان ليهم حق و لا ايه ؟
و كمان الجروبات بتاعتهم على الفيس اخر قلة قيمه لينا من سب و قلة ادب
شوفو يا جماعه لو ننظم وقفه فى الكليه عشان الموضوع ده ؟
ايه رأيكو ؟
بيان لإتحادات طلبة كليات الصيدلة:
السيد الاستاذ الدكتور/عصام شرف
رئيس مجلس الوزراء
تحية طيبة وبعد
في ظل ثوره الشباب المجيدة و الالتفاف حول الوطن و مصلحته و في الوقت الذي يتفرغ فيه كل مصرى الى خدمة الوطن في مجاله و الاخلاص فى عمله، ابتغاءً مرضاة ربه و رفعة الوطن، و في الوقت الذي ظل الصيادلة فيه يعانون من الاوضاع التي كانت قائمة و طالبوا مراراً و تكراراً بتغييرها من تدني فى الاجور، و انهيار في العمليه التعليميه، و خلل في القرارات الاداريه، و تجني على حقوقهم الطبيعية بصفتهم الخبراء الوحيدون في الدواء و العلاج - بنص قوانين و لوائح الصيدلة في العالم كله- فقد تم في الفترة الماضية افتراء على حقوق الصيادلة من بعض الفئات الاخرى التي تطلعت الى نيل مناصب و مكاسب في مجال التصنيع و التسويق بل و العلوم الدوائيه بما يتعارض مع ابسط قواعد التخصص
و كأمناء اتحادات كليات الصيدلة وبصفتنا الممثلين عن طلاب كليات الصيدلة في مصر نطالب بما يلي:-
1-عدم السماح بتجاوزات مطالب العلميين-التي تتصاعد للمساواة مع الصيادلة في المجال الصيدلي-رجوعا إلي المادة الأولي من قانون 127 لمزاولة النهنة لسنة 1955 .
2 -وضع قوانين لشركات الأدوية ملزمة بتعين الصيادلة في المجالات المخصصة لهم، فكل فئة لها تخصصها مع مراعاة تعين العلميين في الأماكن التي تناسب تخصصهم و توليهم المناصب القيادية بها و زيادة نسبة الصيادلة عامة في الشركات .
3-تفعيل دور الهيئة العليا للدواء و دورها الرقابى علي الصيدليات و شركات الأدوية في تصنيع الدواء المصري لتفادي التلاعب في تركيز المادة الفعالة مما قد يؤدي إلي اهدار الأرواح .
4-جعل مرتبات الصيادلة من الشريحة الأولي تطبيق لمبدأ العدل و ليس المساواة .
5-قصر العمل بالصيدلية على الصيدلي وأن يكون له مساعد يعمل بوجود الصيدلي مع وجود دوريات مستمرة للتحقق من ذلك .
6-وضع قوانين رادعه للصيدلي الذي يفرط في رخصته الصيدلية التى تعطيه قيمته و يبيعها لغير الصيدلي مما يقلل من شأن الصيدلي عموما و يقلل من قيمة المهنة .
و ذلك بموجب المادة (79 ) من قانون 127 لمزاولة المهنة لسنة 1955 و التي تنص على الآتي :-
يعاقب بالحبس مدة لاتتجاوز سنتين و بغرامة لا تزيد عن مائتي جنية أو بإحدى هاتين العقوبتين كل من زاول مهنة الصيدلة بدون ترخيص أو حصل على ترخيص بفتح مؤسسة صيدلية بطريق التحايل أو باستعارة اسم الصيدلي , ويعاقب بنفس العقوبة الصيدلي الذي أعار اسمه لهذا الغرض و يحكم بإغلاق المؤسسة موضوع المخالفة أو إلغاء الترخيص الممنوح لها .
7-وضع حد للأطباء من ما يبيعون الأدوية في عيادتهم , وهذا بموجب ما تنص عليه المادة (40) لقانون 127 لمزاولة المهنة لسنة 1955 و هو ( صرف الدواء إذا كانت المسافة لأقرب صيدلية أو مستشفى أكثر من 5 كيلو مترات ).
8-تقليل أعداد من يتم إلتحاقهم بكليات الصيدلة لزيادة الكفائة التعليمية، كي نرتقي بالمهنة.
9-تطبيق نظام الصيدلة الإكلينيكية كي نلتحق بالتطور المستمر في مجال الدواء .
10-اقتصار العمل في الصيدليات الحكومية والخاصة و شركات الأدوية علي صيادلة متخصصين و تكون لهم المناصب القيادية في مجال صناعة الدواء مع المحافظة علي تواجد العلميين كمساعدين للصيادلة فيما يتعلق بتخصصاتهم .
11-إلغاء نظام (Double Courses) المعمول به في بعض الجامعات مثل (بني سويف) للمحافظة علي مبدأ التخصص و المهنية
12- عدم تدريس مواد دراسية صيدلية تخصصية في نظام الساعات المعتمدة (التعليم المميز) لطلاب غير الملحقين بكليات الصيدلة.
و من ثم فقد توصلنا إلي عقد وقفة للمطالبة بهذه الحقوق المشروعة لنا جميعا و التي من دورها تطوير علم الدواء بالوطن و عليه تتقدم مصرنا الحبيبة.
وعلى ضوء ما سبق فقد قررنا:
الإعتصام السلمي حتى تنفذ تلك المطالب
الاضراب المنظم بما لا يؤثر على الخدمة العلاجية او الرسالة العلمية للطلبة.
أمين أتحاد صيدلة القاهرة : ياسر وليد كمال الدين
أمين اتحاد صيدلة الاسكندرية : رامي مرتضى البنا
أمين أتحاد صيدلة بني سويف : احمد ربيع
أمين أتحاد صيدلة اسيوط : اسلام محمود
أمين أتحاد صيدلة طنطا : خالد سليم
أمين أتحاد صيدلة المنصورة : محمود الملاح
أمين اتحاد صيدلة الزقازيق : حسام بدر
أمين أتحاد صيدلة حلوان : محمود حمدي
أمين أتحاد صيدلة المنيا : أنس أبراهيم
أمين أتحاد صيدلة دمنهور : على عبد العاطي
أمين أتحاد صيدلة 6 اكتوبر : محمد ناصر
ايوة طبعا انا موافقة علي كل حرف من المطالب دي
وده اقل حقوقنا ........
انا اعرف ناس وهم في التدريب الصيفي........... اللي كان بيعلمهم معاه دبلوم يعني مش كلية كمان
مصر دي اقل كلمة توصف حالها انها واقفة علي راسها
يعني كل حاجة مقلوبة في كل مجالات الحياة ياريتها في مجال الصيدلة وبس:( :fop (17):
انا معاكم في المطالب دي يا د.امير ولو عايزين تجمعوا توقيعات عشان تبقي رغبة عامة من اغلب الصيادلة ممكن تطبع المطالب ونوقع عليها كلنا
احنا مش اقل من بيطري او علوم اللي رجعلهم التكليف بسبب مظاهراتهم ووقفاتهم
وربنا معانا ان شاء الله:)
جمييييييييييييل أوى الكلام ده يا أمير
ويارب بقيه الناس توقع باه
انا كنت في الجامعة النهاردة وقابلت بنات كتيرة وقولتلهم علي الموضوع ده
وكلهم قالوا لازم نرجع حقوقنا وشغلنا واعترضوا علي اللي علوم بتعمله
وطبعا الاتحاد هو المندوب عن طلبة صيدلة .............. يتقدم للد.ماجدة بالمطالب دي ويأخد دعمها وموافقتها وطبعا الطلاب موافقين علي كل المطالب ومعاهم من الالف للياء
والمطالب تتقدم للمجلس الاعلي للجامعات بصورة رسمية
برغبة من طلاب صيدلة وبدعم من عمداء صيدلة
وكمان المفروض نطالبهم بتطوير المناهج
ده انا قرأت في كتاب التحليلية ان المنهج اللي احنا بندرسه محطوط سنة 1996 _سؤال ؟؟؟؟؟ده يرضي ربنا؟؟؟؟؟؟؟؟؟_
الدنيا بتطور واحنا قاعدين خارج نطاق الخدمة _التطور_
احنا عايزين نلحق التطور ده قبل ما نسيب الكلية
وعايزين نتخرج نلاقي وظيفة محترمة طبعا براتب محترم.............مش نتخرج ونشتغل ب200جنيه ونبيع مناديل بعد الضهر لتحسين مستوي الفرد
كلها احلام بس يا ريت تتحقق:)
تماااام اوى اخيرا ياريت بس الاعتصام ده هيبقى امتى ربنا يكرم ويارب نلحق نشوف تغيير ياااااارباقتباس:
المشاركة الأصلية كتبت بواسطة ameer
لا حول ولا قوة الا بالله
القرار الفاشل ده مش اتعلنت فى عصر الفساد وجاى يتعلن ناو
كمان مظاهرة يعملوها ويشتغلو صيادله مكانا (ماهو اى حد مش لاقى شغله يروح يشتغل صيدلى !!!)اصلها سايبه
مصر صحيا تحت الصفر والمفروض نطور مصر صحيا ومش نفتخر باسماء المستشفيات والمسؤل الى عايز يخربها صحيا اكتر ماهيا يروح يقعد فى بيتهم وفى غيره يمسك
نفسى اوى يكون ديما فى تطوير للصيدلى والصحه عامه
جميل اوى الاعتصام السلمى الى مش يضر مصلحه البلد بس لو مش رجعو عن القرار الفاشل ده كل واحد فى مستشفى يقفل الصيدليه وكل واحد فاتح صيدليه يقفلها وخلى بتوع علوم ينفعوهم ده اخر استهبال
احنا مش هنسكت و فى ان شاء الله وقفة يوم الثلاثاء القادم
الساعة 11 صباحا ف الكلية
عشان نعرف الناس دول اننا مش هنسكت و حقنا هنرجعه
بس من غبر سب و شتيمة لاى حد مهما كان
و الوقفة دى اتعملت فى الاسكندرية النهارده و ف الشرقية كمان
وراحوا قدام مقر النقابة عندهم وطالبوا بحقوقهم
ده غير الوقفة للصيادلة كلهم على مستوى الجمهورية
اللى هتبقى يوم 7 مايو قدام رئاسة الوزراء و طبعا احنا
مطلوب اننا نعمل وقفة ف الكلية اليوم ده وان شاء الله هنطلع
على مقر النقابة ف المنصورة
عشان محدش يستهزئ بينا بعد كده واللى هيقدر يروح وقفة
القاهرة يروح وكل الوقفات دى هتبقى بالبالطو
لمرة البس البالطو عشان تحافظ على كرامتك
لاطبعا مش هنسكت مش كل اللى مش لاقى شغله يروح يشتغل صيدلى ويعملى فيها دكتور حتى لو معاه دبلوم ومش ناقصة كمان الاعلوم ماهى عادت سايبه