بسم الله الرحمن الرحيم
أنا حتكلم معاكم عن موضوع خطير جدا يا شباب
لو مستعجل .. إفضى وتعال
الموضوع ده بالذات محتاج واحد رايق
وياريت يكون بيشرب دلوقتى شاي
ياعم قول خلصنا .. إحنا فاضيين للمقدمات دى .. إيه الموضوع ؟!!
أنا آسف يا شباب .. لكن الموضوع فعلا عاوز إهتمام كبير مننا
ممكن أسألكم سؤال ؟؟
ياريت الكابتن ده يجاوبنى ..
أيوه إنته ..
تعرف تقولى من هو أسوأ حرامى قرأت عنه ؟؟
عادى يعنى .. كل الحراميه وحشين
وسيئين جداً
أقولك مين واللا مين ..
على علوكا
واللا أشرف كوخا
واللا عباس المخربش
آه آه .. عرفت .. أكيد قصدك على المعلمين الكبار ...
قصدك مين ؟؟
برده الإجابة غلط
وبعدين إنتوا عرفين الناس دى إزاى ؟؟
إمال إنته قصدك على مين
أنا جبت كل الحرامية اللى إحنا عارفنهم
إوعى بس يكون قصدك الواد فهلوة
آه فعلا .. ده أكبر حرامى فى البلد
ده عامل الشهر اللى فات أكبر عملية سطو مسلح
سرق فيها قطة
إتفضل إقعد ..
دماغك راحت بعيد خالص
أنا قصدى على واحد محترم خالص
ومن المحافظين على الصلاة كمان
وهى دى مشكلته
مشكلته إنه بيصلى .. ولكن للأسف حرامى
مش بيسرق من جيوب الناس فلوس
ولكن بيسرق حق ربنا ..
وده مش كلامى .. ده كلام النبى ..
صلى الله عليه وسلم
قال " أسوأ الناس سرقة الذي يسرق من صلاته قالوا يا رسول الله كيف يسرق من صلاته قال لا يتم ركوعها ولا سجودها أولا يقيم صلبه في الركوع ولا في السجود " .
ياااااه
ياترى إحنا كده .. ياترى إحنا بنسرق فى صلاتنا
قف وقفة مع النفس
وافتكر قائمة الحرامية التى ذكرتها قبل قليل
وضع نفسك - إن تعجلت فى الصلاة - على رأسها
فأنت أسوأ الناس سرقة !!
- طيب الخشوع ده سهل .. واللا ايه ؟؟
- بص على الصورة دى وانته تعرف ..
يااااالله ...
من كتر ماهوه خاشع الطيور وقفت على راسه ..
شايفين ...
- إفتكروا الصورة دى عند دخولكم فى الصلاة
ستجد نفسك وكأنك لأول مرة تصلى ..
- طيب .. كيف أخشع فى صلاتى ؟
للخشوع فى الصلاة مقدمات
سئل حاتم الأصم (رحمه الله) كيف تخشع في صلاتك؟
فقـــال : أقوم واكبر للصلاة
وأتخيل الكعبة أمام عينيّ
والصراط تحت قدمي
والجنة عن يميني والنار عن شمالي
وملك الموت ورائي ينتظر أن أنتهى من صلاتى لكى يقبض روحى
وأتخيل رسول الله (صلى الله عليه واله وسلم) وهو واقف أمامى يتأمل وينظر كيف سأصلى
فاكبر الله بتعظيم ..
واقرأ بتدبر ..
واركع بخضوع
واسجد بخشوع
ثم اسلم ولا ادري هل قبلت أم لا ؟
- الكلام ده صعب علينا قوى ..
- حاولوا بقدر المستطاع .. ويكفيكم شرف المحاولة .. ولا تيأسوا .. كلما تذكرتم هذه الكلمات .. عاودوا إستجلاب الخشوع من جديد
إجعلوا هتاف " الله أكبر " عند كل إنتقاله فى صلاتكم .. تجديد لخشوعكم
فالله أكبر دائما مما تفكر فيه
والله أكبر دائما من الأمر الذى سيجعلك تسرع فى صلاتك من أجل اللحاق به
هذا ما هديت إليه والحمد لله رب العالمين
منقوووول
