حزب 25 يناير

بسم الله الرحمن الرحيم


السلام عليكم و رحمة الله و بركاته ..

جئتكم بهذا الموضوع طالبا النصح و الإرشاد و التوجيه فيه .. يوم أمس في أثناء تصفحي للفيس بوك لقيت الموضوع ده " حزب 25 يناير " .. و باين كده إن له علاقة بجروب " كلنا خالد سعيد " .. المهم بغض النظر عن أي مصدر أو جهة ..

عايزكم تقرأوا الكلام اللي جاي ده و تقولولي رأيكم إيه في الموضوع ده .. و المفروض نعمل إيه تجاه الموضوع ده .. يعني نشارك و لا نكبر دماغنا .. عدد المشاركين دلوقتي وصل ربع مليون واحد .. و فكرتي مش في إني أشارك و لا لأ .. كل الموضوع عايز أعرف بس هل لو شاركت هقدر اعمل حاجة من خلال الحزب ده .. يعني بمشاركتي يبقى أنا كده بخدم بلدي و لا لسه بدري على الكلام ده ..

المهم نقرأ الكلام الجاي ده و اسمع رأيكو و نصايحكم ..

===================================
خلق حزب سياسى ديموقراطى جديد يجمع حركه الشباب من قاموا بحركه 25 يناير و اغتنموا مكاسب كثيره و يريدون الحوار و التفاوض مع الحكومه المؤقته برئاسه الفريق احمد شفيق للتحضير لانتخابات 25 يناير و المساهمه و المشاركه فى التعديلات الدستوريه المرتقبه ..

نحن بصدد الاعلان عن اهداف الحزب و مباديء و برامج و سياساته فى غضون ايام قليله حتى الوصول للصوره النهائيه مع العلم اننا فتحنا باب المشاركه للمحاميين و القانونيين فى المساعده للوصول للصوره النهائيه قبل العرض عليكم
كما اننا بصدد البحث عن مقر دائم لنا مع العلم ان كل مصادر التمويل حتى الان هى اموالنا الخاصه و هى محدوده
ارجوا ارسال ايميل لنا
اذا كنت قانونى باى اقتراح بعد كتابه كلمه محامى فى موضوع الايميل لاننا نستقبل اكثر من 12000 ايميل يوميا لسهوله البحث

ايضا نريد مصممى جرافيك للمساعده فى بعض الاعمال المطلوبه و نريد متطوعين
مع العلم تم تحديد ميعاد مبدئى يوم 3 مارس لاول اجتماع لكل المهتمين بتأسيس الحزب و العمل سويا على اطلاق اول حزب حر ديموقراطى فى مصر
شكرا

===================================
ده الكلام اللي مكتوب في الصفحة بتاعة الحزب ..

المهم نتكلم مع بعض و نفهم كده الأول الدنيا فيها إيه .. و بلاش نعمل حاجة من غير ما نفهم مغزاها و هدفها إيه .. أنا جيت طالب النصيحة و متأكد إني هلاقيها هنا .. مش عيب الواحد يسأل عن حاجة ميعرفهاش العيب إنه يفضل ساكت و يكبر دماغه ..

نقطة كمان يا جماعة .. يا ريت اللي عنده نصيحة بخصوص أي حاجة نقدر نعملها لبلدنا و نساعد يا ريت نشارك بعض و نصوت على الفكرة دي .. اهتداء بهدي القرآن : " و أمرهم شورى بينهم " .. و بعدين ما نتفق عليها .. ننفذها مع بعض .. عشان زي ما إنتم عارفين " يد الله مع الجماعة " ..

شكرا جزيلا لحضراتكم .. و يا رب عمار مصر و تطهيرها يكون على إيدينا زي ما كان تحريرها كده ..

اللهم آمين ..

دمتم بخير ..

تحياتي ..

السلام عليكم ..
مبدئيا انا لسة مشتركتش على الفيس لانى كنت من الناس
اللى مش مقتنعين بيه بس اتضحلى الايام دى انه مهم ..
و هو على حسب استخدامك الشخصى ليه زى اى شىء فى الدنيا

قولت كدة ليه الكلام ده دلوقتى .. لان اللى هقوله مشفتوش بنفسى بس اتحكالى
النهاردة من واحدة صاحبتى .. ( للامانة ..)

دلوقت حضرتك بتقول ان تقريبا كلنا خالد سعيد عليه هما اللى عملوه
و ده عكس اللى صاحبتى قالتلى عليه .. ليه ..؟؟
انا سمعت امبارح ان ال adm بتاع الجروب ده هو وائل غنيم و هو كان
فى العاشرة مساءا امبارح و معاه جروب من الشباب .. و سالتهم منى الشاذلى ان كانوا بياسسوا حزب او عملوه
او كدة فقالها ان لسة مش عملوا حاجة ...
كمان صاحبتى قالتلى انه دخل على الفيس و عارض ان اسم الحزب ده يبقى 25 يناير
لانه مينفعش اصلا 25 يناير ده شىء بتاعنا كلنا فمينفعش يطلق على اسم حزب
ده اللى فهمته من كلامها ...

الفكرة نفسها حلوة ان يبقى لينا صوت بيمثلنا و نقدر نسلمه مقترحاتنا و طلبتنا باستمرار
بس ده الكومنت اللى سمعته منها .. لو غلط برده حد يصححلى .. لان انا مشوفتش بنفسى

بشكر حضرتك يا دكتور على فكرة الموضوع اولا لان فعلا المفروض نسال فى اللى منعرفوش مش عيب .. العيب اننا منسالش او نطنش
ثانيا ..انا كمان حاسة انى نفسى يبقى ليا دور فى اى عمل ينفع بلدنا ..
بس بصراحة معنديش افكار حاليا انا ممكن اعمل ايه او ايه ممكن اقدمه ...

فياريت فعلا نفكر مع بعض فى حاجات مفيدة .. ننقاشها و نتفق عليها .. و ربنا يعينا و ننفذها ..