ليه دايما محبطين ومكتئبين
علطول بنشكى م الايام و من السنين
بننعى ليه حظنا كل يوم وكل حين
ايه يعنى عندنا ازمات ولحلها مش قادرين
ياما فى بلاد اهاليها متشردين
فين احنا من طفل فلسطينى مكسور الجبين
ماسك سلاحه حجر فى ايده يتحدى بيه المعتدين
يقول عمرى ما استسلم ولا يوم استكين
وفين احنا من هايتى ياما فيها ناس مترميين
من وباء الكوليرا ماتوا مقهورين
بعد زلزال مر عليهم سابهم متدمرين
فين احنا من السودان وياما فيها من انين
حروب اهليه ومجاعات ومظلومين
ولا اليمن والعراق اقول ايه ماانتوا عارفين
واحنا عشان حبة ازمات بسيطه متالمين
وبدل ما نحمد ربنا نلعن ابو خاش السنين
عاوزيين دايما نكون متفائلين متجددين
نحاول نغير حياتنا وننفض عن اكتافنا كسل السنين
دحنا شباب المستقبل حلفنا لنملاها رياحيين
فالغرقى يتعلقون بقشة وهم من الغرق متيقنيين
واخيرا لازم نكون متاكدين
ان لا العيب فينا ولا مصرنا بل المتحكمين
فالله ولينا وهو ارحم الراحمين
