السلام عليكم ياكبار المنتدى(او عواجيز المنتدى:bj: )
خلاص محدش يزعل انا هرد على سؤالكم وهو ايه اللى دخل واحد زيى فى القسم الخاص بيكم:fop6:
الصراحة الموضوع اللى هكلمكوا فيه كنت عاوز اعمله السنة اللى جاية بصفة خاصة لكن بجد لقيت انه هيبقى احلى لما الناس كلها تشارك فيه:fop (18):
الموضوع ده هيبقى مشاركتك فيه هدفها الاول انك انت تقرأها باذن الله بعد 20 او 25 سنة وانتوا عواجيز برده:fopl00l:
خلاص هبطل تريقة الموضوع من الاخر او الاول براحتكوا انتوا اصحاب المكان:rec: (محدش حتى عزمنى على حاجة ساقعة)
كل واحد فيكوا بقاله اربع سنين وتيرم فى الكلية
اكيد ليه ذكريات مع الكليةوالمنتدى واصحابه والجامعة
ذكريات جميلة(معظمها عند البنات):queenfop:
وذكريات مش لطيفة(زيى وزى معظم الولاد):fop (39):
المطلوب ان الموضوع يكون ان كل واحد يكتب اهم الاحداث اللى عاشها فى الكلية من احداث جميلة او احداث رخمة (محدش يتكلم عن الامتحانات)
المهم تكون المشاركة رأيك الحقيقى واصحابك اللى كسبتهم من الكلية والمنتدى :hi:
واحلامك اللى اتحققت فى الكلية :co: .......الخ من الاحداث:fop (36):
لو الفكرة عجبتكم فيه فوق استفتاء هعمله
عبارة عن انشاء قسم جديد فى المنتدى
يكون زى
البوم المنتدى(عشان يبقى اسهل فى البحث عن الموضوع):290:
ويتحط فيه موضوع كل سنة خاص بالفرقة الرابعة زى الموضوع ده يكون بأسم مشرفى الفرقة عشان نفتكرهم لما نتخرج
(تكريما ليهم)
ولمانحب نقرأ ذكرياتنا فى المنتدى تانى ورأينا عن الكلية وهل بقينا مفتقدين ايامها:slam:
ولا.....:fop2:
ياريت كل واحد ياخد وقته فى الكتابة لان الهدف من كتابتك انت قبل اى حد تانى
صدقونى الكلام اللى هتكتبه لما ترجع وتلاقيه هتشوف شعورالذكريات وتأثيرها عليك اد ايه
واصحابك اللى ممكن تكون نسيتهم او مأثر فى حقهم:fop0:
ترجع تسأل عنهم تانى
يلا كلها 11 اسبوع وتتخرجوا ومش عاوزين نشوفكوا فى الكلية تانى الا لو عشان دراسات عليا
بالتوفيق للجميع:fop (29):
اقتباس:
تحذير الموضوع للفرقة الرابعة بس وباقى الفرق عليها المشاهدة او المشاركة فى الردود من غير كتابت تجاربهم
كل واحد يستنى لما ييجى دوره ويدخل رابعة:fop (28):
