عرض للطباعة
السلام عليكم ورحمة الله وبركاته
ايه العيوب اللي شايف إنها منتشرة من حواليك ؟
وتنصح الناس بإيه ؟
هل العيوب اللي هنناقشها دي فيك ؟
دي فرصة إنك تشوف مع نفسك العيوب دي فيك ولا لأ ولا انت متجاهلها أو واخد الموضوع عادي ؟
أكيد كل واحد فينا شايف حاجات كتيرة لازم تتغير فينا سواء في ثقافتنا أو سلوكياتنا أو جانب ديني إحنا مقصرين فيه دلوقتي هننصح بعض ونحاول نغير من نفسنا عشان نرتقي للأحسن أما اللي حاسس إنه كويس وراضي عن نفسه فياريت ما يستعجلش ويصارح نفسه هل السلبيات دي موجوده فيه ولا لأ ..
اقتباس:
السلام عليكم ورحمة الله وبركاته
وعليكم السلام ورحمة الله وبركاته
للأسف المجتمع بقي مليان عيوب كتيره صعباقتباس:
ايه العيوب اللي شايف إنها منتشرة من حواليك ؟
الواحد يحصيها..أنا عن نفسي معدتش قادره اتعايش ف مجتمع كله غش وخيانه بالشكل ده مفيش ضمير..مفيش مبادىء..مفيش صداقه..مفيش وفاء..مفيش تسامح..مفيش..مفيش..مفيش حاجه خالص
مش عارفه بصراحه..بس بجد كل واحد يقف مع نفسهاقتباس:
وتنصح الناس بإيه ؟
يشوف هو يه بيظلم اللى قدامه..ليه مابيراعيش ربنا ف تعاملاته
ليه مابيمشيش بمبالحديث القائل "افعل ماشئت فكما تدين تدان"؟؟!!
أنا مقدرش أقول ان مفياش عيوب طبعاً ..ابقي بكدب على نفسياقتباس:
هل العيوب اللي هنناقشها دي فيك ؟
احنا مش ملايكه..لاننا على الارض!
بس ع الاقل انا مظنش انى ممكن اخدع حد او اغشه ف يوم من الايام
يمكن أنا مبقدرش اسامح بسهوله..ولا انسي
ودى مشكلتى فعلا
موضوع جميل يادكتور/ه :) :)
شكرا د ندى للمشاركة جميل إن كل واحد يفكر هل بيظم حد ولا لأ لأن لو بيظلم حد واستمر في ظلمه من غير ما يحاسب نفسه أو يرد مظلمة اللي ظالمه فهيخسر خسارة كبيرة ...
أنا هتكلم دلوقتي عن عيب بشوفه بين الأصحاب وهو إن الصاحب ما ينصحش صاحبه في واحد عارف عيوب أصحابه أو حاسس إن صاحبه ممكن يقع في مشكله من إهماله لشيء أو عمله شيء معين لكن بيسيبه من غير أي نصيحة ..
مع عيب آخر هو عدم الوفاء .. في ناس كتير بيكون سهل إنها تنسى أي حاجة حلوة عملتها ليها
وعيب منتشر في الكلية كتير جدا هو الغيبة حاجة عجيبة لما تلاقي حد بيتكلم عن الثاني كده مع إنهم مع بعض يبانو كويسين
والعيب اللي بيحصل حتى بين الأصحاب هو سوء الظن بالآخرين في ناس بتفسر المواقف تفسيرات وتفسيرات وما بتحسنش الظن
وعيب في أولاد كتير انهم يفضلوا يتكلموا عن البنات ويتناقشوا مع بعض عن فلانة . وسؤال إيه رد فعلك لو لقيت اللي بيتكلموا عنها دي أختك ؟