عرض للطباعة
http://www.picmool.com/images/555_0185uf7.gif
موضوع اثير من فتره فى ساحه حوار الفرقه الثانيه
بس مش عارف ايه حقيقته
بس ده لو هيحصل فعلا
اعتقد مينفعش يحصل
ولازم كلنا نقول لا
موضوع ان المنقبات هيمتحنوا بدون النقاب
ده لو فى لجانهم عادى
من وجهى نظرى
اعتقد لازم كلنا نقول لا
حتى لو وصل الامر
اننا نعمل اى حاجه
زى
.................
ماشى يمتحنوا بدون نقاب
لكن يجمعوهم فى لجان لواحدهم والمراقبين يبقوا زيهم برده
كده ماشى
لكن فى اللجان العاديه اعتقد ده مينفعش
رأيك ؟
وشايف الموضوع ازاى ؟
وممكن يتحل ازاى ؟
فعلا بقى شىء محزن جدااااااااااااااااا
يعنى دلوقتى لما البنت تلبس ضيق وتكون بشعرها أوحتى لابسة طرحة مالهاش لزمة ونص شعرها باين دة غير الميكب طبعا يبقى دة العادى
ولما تكون محترمة وصاينة نفسها تبقى دى المشكة
ولو على الامتحان ممكن ببساطه جداااااااا المراقبة تتأكد من شخصية البنت المنتقبة
أو زى ما حضرتك قولت يعملولهم لجان خاصة بيهم ويكون اللى بيراقب سيدات
لكن ما يفرضوش عليهم قلعة كدة عينى عينك
وزى ما فى بنات بيعتبروا أن التبرج حرية شخصية
يبقى من الأولى أن يكون النقاب حرية شخصية يجب أن تحترم
بصراحة دا اهانة لينا كلناااااااا قبل اي حاجة
انا مش هتكلم عن النقاب من الناحية الدينيه
ولا الاجتماعيه ولا اى حاجه
كمان مش هقارن المنقبه بواحده مسيبه شعرها (مع اعتراضي ع الاتنين) دينيا
بس دي حرية شخصيه ف الاول والاخر
وعلشان انا حر اروح الامتحان بكم او من غير
ب بادى او بقميص واسع
دى حريه شخصيه
برده المنقبه هى حريتها الشخصيه تحتم علينا احترامها
علشان كده المفروض يكون ليهم لجنه منفرده
والمراقبين سيدات فضليات
بس ارجع واقول احنا كده بنعاملهم زى المسجونين ليهم لجنه لوحدهم
الموضوع كبير كبير كبيييييييييييييييييييييييير
عموما ...الحكم صدر والقرار نهائي
وهو من الناحية الامنيه وانا موافق عليه
بس الطريقه ذات نفسها فيها اهانه لاخواتنا ...اللي من حقهم ف الزى الخاص بيهم
يعنى ممكن حد يستدعيهم بره م اللجنه ويكشفو وجههم وممكن حلول تانيه
بس هل من الناحية الامنيه ده صح
طيب سيبك من كلامى اللي فوق كله
ف الشفوى
الدكتور هيعرف منين ان اللي بيمتحنها دى فلانه
هتقوليلي تمتحنهم دكتوره
طيب اوك انا معاكم
المجموعه بتاعة المنقبات اكيد بيكون فيها زملاء وده الطبيعى
هتقولى خلاص
المنقبات كلهم هيدخلو لدكتوره واحده
طيب ده يبقى اسمه ايه ده
لجنه واحده وكمان شفوى لدكتوره واحده ..بصراحه ده كتير
وبجد ده فكرنى بمقولة الامام الطبري اعتقد
"ليس من المروءة ف شئ ان تخالف زى القوم فيكون ذلك بدافع الشهرة والتميز"
انا رايي انه مينفعش لجنه واحده ولا دكتور شفوي واحد
لان كده فعلا فيه تميز وبيحسسني انهم ف ناحية وباقى اخواتنا ف الكليه ف ناحية تانيه خالص
انا ببص لك زميلاتى نظره واحده ...سواء منقبه او العكس تمام
كلهم عندى واحد
فمينفعش نميز حد عن حد
لازم الكل يكون ف لجنه واحده ...دول زى دووول
ونشوف حل للتعرف غير كشف الوجه وده علشان الحالة النفسيه لاخواتنا مش اكتر من كده
ahmed kewan
القضاء يمنع النقاب في الامتحانات ويسمح به في غيرها-----
إحدى المنتقبات ترفض قرار الوزير ورئيس الجامعة بمنعهنَّ من دخول قاعات الامتحانات
كتبت- هند محسن:
رفضت محكمة القضاء الإداري (الدائرة السادسة- تعليم) برئاسة المستشار أنور إبراهيم طعون الطالبات المنتقبات بجامعتَيْ عين شمس والقاهرة ضد قرار منعهنَّ من أداء الامتحانات.
وشدَّدت في حيثياتها على أنه ليس معنى ذلك أن يتمَّ استغلال هذا الحكم في التضييق على الطالبات المنتقبات عند دخولهنَّ الجامعة أو المدن الجامعية؛ لأن من حقهنَّ ممارسة حريتهن الشخصية في أي مكان، والحكم خاص فقط بأداء الامتحانات.
وجاء في حيثيات الحكم أن المحكمة ارتأت أن مراقبة الطالبات أثناء الامتحانات يمثل عبئًا كبيرًا على المراقبين في اللجان أثناء أدائهم عملهم؛ حيث إمكانية ممارسة سلوك الغش من قِبَل الطالبة المنتقبة تكون سهلة جدًّا وبتقنية عالية؛ ما يخل بالعملية التعليمية، وقد تستغل هذا بعض الطالبات وليس كلهن.
وقال محامي الطالبات إنه سيقيم دعوى أمام المحكمة الأعلى للفصل في القضية.
والكلام ده على لسان طالبه من كليتنا
اللى عرفته النهاردة
ان المنتقبات فى جامعة القاهرة اتبهدلوا واتشتموا وخلعوه
بينما فى جامعة طنطا
ما قالوش ليهم حاجة
بيقولوا رئيس الجامعة هناك محترم
اما بالنسبة لجامعتنا المحترمة
ربنا يستر
بس اخت منتقبة قالت لى
انهم كانوا سالوا د /حسن الكاشف عن الموضوع ده
بعد اصدار القرار ده
قالهم
هتدخلوا عادى
جايز الكلام يتغير بعد الحكم ده
اعتقد مقوله لسيت في محلهااقتباس:
المشاركة الأصلية كتبت بواسطة ahmed kewan
احنا بتكلم بخصوص النقاب شهرة ايه اللي عوزاها المنتقبه لما ترتدي الزي الشرعي
اما بخصوص التميز
ايوه مضبوط فالمنتقبه بتبقي مميزه غير كل المنتشر حولها
اقتباس:
المشاركة الأصلية كتبت بواسطة احمدلطفى
دكتور احمد رأيك يحترم اكيد
زى ما اكيد انت بتحترم رايي
بس المنقبه مش مميزه ومبتبقاش غير كل المنتشر حولها
والمسألة اللي بين العبد وربه دي احنا مندخلش فيها
الاخت المنقبه مش افضل من اخواتها غير المنتقبات خالص
انت شايف كده دي حريتك
انما متفرضش عليا رايك
انا الكل عندى واحد ....
طبعا قرار خاطئ من جميع النواحى
فهو من ناحيه تقييد فى الحريه الشخصيه للمنتقبه وحرمانها من حقوق المواطنه
ومن ناحيه اخرى (نهى عن المعروف) فبدلا من ان ننهى عن المنكر ..ننهى عن المعروف ونضيق على الملتزمين
فالنقاب -ان لم يكن فريضه- فهو سنه او فضيله..ولا خلاف فى هذا الا من قله قليله لا يعتد بقولهم
واذا كانت الحجه هى الامن فهناك الف طريقه للتحقق من الشخصيه قبل دخول اللجنه او فى أثنائها
وكلها حجج ضعيفه واهيه لا تقنع احدا..
ده الكلام اللى المفتى قاله عند حديثه عن النقاب ..ومعروف طبعا المقصود بهذااقتباس:
ليس من المروءة ف شئ ان تخالف زى القوم فيكون ذلك بدافع الشهرة والتميز
المقصود من يخالف زى القوم اى يتعمد ارتداء الثياب الغاليه جدا ليتميز عمن حوله
او الرخيصه جدا ليعرف بالزهد
اوثياب غير اهل بلده ليعرف بها..فيقال (فلان اللى لابس كذا)
اما النقاب فلن يقول احد انها (فلانه المنقبه)..لانه لن يعرف احد انها فلانه اولا
وثانيا لان النقاب ليس شيئا شاذا لهذه الدر جه لكى يصبح مخالف لزى القوم
كما انه حتى لو لم يكن ثياب قومنا فهو امر الهى حتى لو كان منفذوه قليل ..(وان تطع اكثر من فى الارض يضلوك)
انا لست منتقبه..لكن كل ذى عقل لا يملك الا ان يدين قرار مثل هذا مهما كانت اتجاهاته
اقتباس:
المشاركة الأصلية كتبت بواسطة مهداه
ههههههههههههههههههههههههه
بجد مش هعلق غير بضحكه
بس
ان كان على واحده لابسه نقاب وتسمح لنفسها تخش
او
ان كان ده يخل بالعمليه التعليميه
بالنسبة للتحقق من الشخصية فالعادي عندنا ان المنتقبة بيتحققوا من شخصيتها في النظري وأحيانا في الشفوي
لما بيكون في سيدة بتراقب هي اللي بتتحقق من هوية البنت المنتقبة ولما بيكون المراقبين رجال بتيجي دكتورة مشرفة على اللجان تتحقق بنفسها
بالنسبة للغش فلا تعليق طبعا، ربنا يشفي!!
أما بالنسبة للمحكمة، فمحكمة المنصورة أصدرت القرار ده
http://media.way2allah.com/pappers/qdya.rar
وملخصه ان البنات المنتقبات من حقهن دخول لجان الامتحان بالنقاب والجامعة ملزمة بتوفير سيدات للتحقق من شخصياتهن
وانا طبعا مش مع ان المنتقبات يبقى لهن لجان خاصة أو الهبل ده، ما احنا عايشين عادي ايه اللي استجد السنة دي غير شوية اللبخ الاعلامي
أما بقى نعمل ايه، أنا شايفة انها إهانة للبنات في كل كلية، يعني لما كلية صيدلة يتقال لها خلي بناتك تخلع النقاب علشان بيغشوا، تبقى اهانة ولازم يترد عليها رسميا من ادارة الكلية و يكون في وقفة من الجميع مش من الطلبة بس
وعموما دي كلها أسباب، لكن ربنا مع الحق دائما ولا يضيع أجر المحسنين، وطالما النقاب ده بنبغي به وجه الله فأكيد لن يضيعنا أبدا،، والحمد لله
شكرا د/سامح على الموضوع و على اهتمام حضرتك بموضوع زي ده