الدنيا دى صعبة علينا
نضحك بتبكى هيا علينا
ويوم مانجرى بعيد عنها
نلاقيها راكعة مابين ايدينا
************************
الدنيا دي الحزن ماليها
وماسبتش حد عايش عليها
يبعد ويفرح مرة إلا
ورجع تاني بحزنه ليها
***************************
الناس وعايشة وماشية في سبيلها
اليأس يبعد والبؤس يجيلها
ومهما تسعد برضه آخرها
نعش صغير والأكتاف تشيلها
***************************
منها خرجنا وليها نعود
ماهيا فيها جثث الجدود
لو أعيش وأفرح طول حياتى
ألاقى الفرح ده ليه حدود
*************************************
يادنيا بحالك حيرتينا
العيب ده فيكى ولا فينا
ومهما يادنيا تضحكيلي
أنا شايف السم جوا الزينة
*************************************
ناس نشتريها وهيا تبيعك
نجري عليها وهيا تسيبك
نقعد ندور ونحفر طريقنا
وملكش في الآخر غير نصيبك
************************************
ليه الوفاء مقابله جفاء
الناس تتعامل بإستهزاء
وكل لحظة غدر بتروح
بكلمة حلوة في لحظة صفاء
*************************************
الصدق ده هوا الصديق
دور عليه طول الطريق
لما تلاقيه في الدنيا أقولك
إنك ماعدتش فبها غريق
**************************************
دنيا ضياع وناس ورق
الفراق مابينهم اصبح سبق
نقعد ندور واحنا فى طريقنا
على حد مرة معانا صدق
وعجبى
