ما هى صفات فتى أو فتاة أحلامك !!!!

احنا هنتكلم عن اهم مشكله وهيا فتى الاحلام وفتاه الاحلام



يعنى كل واحد بيحلم بفتاه احلامه وكل واحده لها فتى الاحلام اللى عاوزاه ييجى راكب جواد ابيض
وياخدها ويطير بها لاخر بلاد العالم


انا عن نفسى فتاه احلامى لازم تبقى متدينه ،روشه، جميله شكلاومضمونا,محترمه ، مثقفه جدا,فاهمه الدنيا ,ذكيه ,اهم حاجه انها تكون واثقه فى نفسها ودى اهم صفه

انا مستنى الرد من كل واحد عن فتاه احلامه ,ومن كل بنت مين هوا فتى احلامها

يارب كل واحد يلاقى البنت اللى بيتمناها ويحلم بيها

وكل بنت تلاقى اللى يسعدها وتعيش معاه فى تبات ونبات

وأنا مستنيكم


سلاااااام يا احسن صيادلة

اهم صفه انه يكون ذكى
مخه كبير ودى حاجه نادره
ويكون عارف انى اسمى مروة بيتهيالى انى دى بقت حاجه صعبه
ويكون دمه خفيف صفات غريبه شويه ونادره
ويكون متفاهم بس

انا اهم حاجة عندى الذكاء مش متخيل ارتبط بواحدة مش متفاهمة معايا
واكيد الجمال من روحها ومن شكلها
واستيل بصراحة انا بحب البنت الستايل جدا مش معنى كدة انها تبقى مستهترة
وتبقى اكيد متفاهمة معايا ويسلام لو برج العذراء like me
بس

:str: هاااااااي يادوك

طبعا اهم حاجة التدين لانه مفتاح الحياة السعيدة،
وتانى حاجة التفاهم يعنى اننا نكون فاهمين بعض كويس.
وكمان انا بحب البنت الهادئة قليلة الكلام مش اللى
بتتكلم عمال على بطال.

اهم واول حاجة متدين
بعد كده
اكيد اى بنت بتحب الولد الدونجوان
لكن انا فتى احلامى راسى شوية وروش وذكى مش مهم انه يكون خارق المهم انه يكون فىنفس المستوى من الذكاء بتاعى:hi:
نشيط مش تبت:str: واتمنى انه يكون رياضى
دمه خفيف مش لدرجة الرزالة
جاد الى حد ما فى عمله بس مش قفل
غيور بس مش لدرجة تزهق

دا انت ياريم عايزه واحد تفصيل


اما عن فتي احلامي
التدين شيء مطلوب والا مفيش حياه هتستمر
ثانيا التفاهم لازم نكون متفاهمين لدرجه ان احنا نبقي روح واحده لو قابلنا نفس المشكله في ظروف مختلفه هندي نفس الحل
طبعا لازم يكون في بينا احترام وادب
والذكاء دا شيء مطلوب جدا
واخيرا
يبقي اجتماعي وبيحب الخروج وروش مش كئيب
يعني نفسي الاقي حد زيي

انا رايى ان ماينفعش تلاقى كل الصفات اللى بتحبيها فى شخص واحد ..........لان ممكن بمنتهى البساطه تقعدى تعدى الصفات اللى انتى عايزها وفى الاخر الشخص اللى هترطبتى بيه هيجى بكل مافيهسواء حلو اووحش ................فى الاخر انا اؤمن بالقسمه والنصيب:qi:

بصراحه انا اهم حاجه عندى ان الانسان اللى هرتبط بيه يكون متدين وعارف ربنا بس ما يكونش يعنى لابسلى جبه وقفطان:confused: يبقى روش طبعا وشيك جدا وده مش معناه ان ماتكونش علاقته كويس بربنا فى رايى دى اهم حاجه لانه لو يعرف ربنا كويس يبقى هيتقى الله فى معاملته ليه وبعد كده يكون مقبول الشكل وخلاص كفايه كده:) :D

هههههههههههههههههههههههههه

بجد موضوع كويس جدا و الردود اللى فيه ممتازة جدا و مضحكة جدا جدا

كل واح او واحدة عايز شريك حياته يبقى زيه و الكلمة المشهورة " يبقى من نفس تفكيرى " طيب لو كان كدة يبقى ايه الحكمة من الزواج ؟؟؟؟؟؟؟؟؟

الحكمة ان الاتنين يكملو بعض - مش معنى كدة انهم يكونو مختلفين تماما - علشان الحياة تبقى حلوة و لونها بمبى

طب ييجى واحد يقولى : انت عمال تقولنا من الصبح و حكم و مواعظ و اشتغالات و مقولتلناش ايه رايك و الصفات اللى انت عايزها ؟؟؟؟؟؟؟؟؟؟؟؟

اقولك يا سيدى:-

بعد الدين و الاخلاق و الاحترام و التربية الصالحة و الاهل الكويسين تيجى شوية حاجات مهمة هى :-
1- انها تكون " صيدلانية " و ده مش تحيز للكلية بتاعتى انما علشان متقعدش تقولى عايزة اشتغل و الكلام دة كله ....... اخرتها عندنا فى البيت المحلات واسعة و كمان مترخصة صيدلية من دلوقت " يعنى ملهاش حجة " غير كده انا عمرى ما هاسمح لها انها تشتغل " أنا مش ناقص وجع دماغ "

2- تعرف تطبخ كويس جداجدا جدا جدا " يعنى ست بيت ممتازة " مش تتعلم الطبيخ فيا

3- تعرف تكوى !!!!!!!!!!!!!!!!1 ودى بالذات مهمة جدا لانى مبحبش اكوى

4- انها تكون اصغر منى بــ 3-5 سنين وده مطلوب جدا جدا

الباقى مقدور عليه

و دمتم