السلام عليكم ورحمة الله وبركاته وعيد سعيد علينا جميعا
ندخل فى الموضوع علطول
وعايزة اعرف من كل بنت.هل تقبلى أن تتخطبى اثناء الدراسة؟؟
أو حتى تقبلى أن تتزوجى قبل انتهاء الدراسة؟؟؟
بجد ما تستهونوش بالموضوع لان ممكن يحصل فبجد رأيكم أيه يابنات هتوافقوا لو اتاكم من ترضون دينه ولا لأ؟؟
بس بصراحه
وأنا طرحت الموضوع لانى وجدت بالفعل بنات مخطوبة ومعانا فى اعدادى؟
اتمنى ان اجد تفاعل وارائكم الصادقة كما عودتونا;)
الموضوع جميل وفعلا محتاج مناقشه خصوصا بين البنات
انا راي ان الوقت الصحيح للخطوبه يبقي بعد الكليه لان سبب النجاح في اي حاجه انك تدي كل عمل حقه
فلو حصل خطوبه في الكليه اكيد هيحصل مشاكل كتير خصوصا لو كانت الكليه علميه زي بتاعتنا ومحتاجه مجهود وتركيز
اما الجواز فدا من وجه نظري مرفوض تماما في الكليه
لان البيت له احتباجات والزوج كمان له احتياجات فاكيد برده هيحصل مشااااااااااكل كتير جدا بسبب تقصير الزوجه واهمالها لزوجها
بس في النهايه
كل شيء قسمه ونصيب
وكل سنه وانتي بالف خير
مشكووووووره
مشكوووووورة على مرورك الطيب
وعيد سعيد
انا من راى ان ممكن لو خطوبة فى الدراسة ماشى بس طبعا ده حسب شخصية كل واحدة
اللى تقدر تجمع بين الاتنين من غير ما تقصر فى حق مذاكرتها ونجاحها وحق خطيبها
فدى ماشى لكن ممكن شخصية واحدة تانية ما تقدرش توفق بين الاتنين
فكل واحدة اكيد عارفة شخصيتها كويس وتقدر تحكم
اما الجواز فدى اعتقد صعبة جدا جدا جدا ومش موافقة على كده خالص لان من المستحيل من وجهة نظرى التوفيق بين الاتنين لان فى النهاية فى حاجة هتيجى على حساب حاجة تانية
ودى هى وجهة نظرى واللى مقتنعة بيها
ومستنية باقى الاراء
صح يا لمياء انا معاكى فى لاايك
لانه ده رأيى انا كمان
ممكن تحصل خطوبة فى الدراسة بس برده مش من اعدادى زى ما الدكتورة hanoda
بتقول
لكن ممكن يبقى فى خطوبة
ولكن الجواز مرفوض تماما فى الدراسة وفى وجهة نظرى مش فى كليتنا بس لا فى اى كليه تانية
لان طبعا مستحيل الواحدة لو اتجوزت فى الدراسة تقدر تفوق بين الاتنين
علشان كدة فكرة الجواز صعبة اوى زر ما الدكتزرة لمياء اشارت وقالت
وبرده هنستنى راى الدكاترة البنات
عيد سعيد على الجميع
ومشكورررررين على الرد و الرأى
بس فعلا والله فيه بنات معايا ومخطوبين
طب اقولكم حاجة أغرب كنت بتصل ببنت معاكم فى أولى
علشان أعيد عليها
تعرفوا كان الرد ايه؟
أنها أتجوزت بجد أنا ذهلت!!!
بس فعلا ده يرجع للشخصية والقدرة على التوفيق
وكمان يرجع للشخص اللى هتتخطب له هل هيقدر الدراسة ويساعدها أم لا
ولو ماقدرش يبقى ليه أخد الخطوة دى!
بجد أحنا عايزين تفاعل وآرئكم تهمنى مين عالم
مش جايز ننخطب كلنا قريب
أتمنى لكم السعاده والتوفيق:slam:
احب اقول ياجماعة ان ممكن البنت تتخطب فى الكلية وده شىء عادى بس فعلا هى بترجع لشخصية البنت والمفروض ان اى بنت تتخطب وهى فى الكلية تكون قد المسئولية وتحافظ على مستواها ونجاحها والمفروض ان خاطيبها يدفعها للنجاح ويشجعها وانا فعلا كنت مخطوبة قبل ما خلص كلية لمدة سنة وهى مدة رابعة كلها وكان اتفاقنا ان الجواز بعد ماخلص والحمد لله تقديرى التراكمى كان جيدجدا ارجو انى مكونش طولت عليكم وربنا يوفقكوا ويكرمكوا ويكتبلكوا الخيرفى الدراسة وانتقاء الزوج ان شاء الله
أنا فى رأى ممكن البنت تتخطب وهيه فى الكلية بس مش من إعدادى يعنى
وهيه فى تالتة رابعه أوكى
ولما تتتخرج ممكن تجوز
من المعروف إن كل إنسان وله قدرته
فأى بنت مش هتقدر تجمع بين مسئوليات الجواز وبين الدراسة والمذاكرة
وإلا تبقى إنسانه خااااااااااااااااااارقه جدا
معلش أنا دخلت فى الموضوع وأزعجتكم بكلامى
السلام عليكم ورحمة الله وبركاته,
انا برأيى مش مشكلة كبيرة جدآ حكاية الزواج أو الخطوبة أثناء الدراسة,
مثلآ فى ولاد بيلعبوا رياضة فى الدراسة وبيعرفوا يوفقوا بين الرياضة والدراسة, وفى ولاد تانيين مش بيلعبوا حاجة ومش عارفين يذاكروا بس حتى.
لكن الزواج أو الخطوبة أكيد ليهم فوائد للى يعرف يوفق بينهم زى الولاد الرياضيين كده.
تحياتى;
بجد موضوع مهم جدا وده واضح من أختلاف الأراء .....علي فكرة الأختلاف ده لازم يكون موجود عشان كلنا نستفيد من آراء وخبرات بعض
بالنسبه لرأيي أنا شايفه أن الخطوبه في الدراسه ده شئ وارد ومش بعيد ...........يعني بالعكس ممكن تكون دافع للتفوق ,لما يكون جمبك حد بيخاف عليكي ويشجعك ده هيكون له أثر كبير في نجاحك وتفوقك
وأكيد هو هيبقي عارف من الأول ومقدر لظروف دراستك وهيكون متفهم لظروفك
وبعدين ممكن كمان يساعدك ولو بكلمة تشجيع صغيره أكيد هتفرق معاكي كتير
أما بالنسبة لموضوع الجواز ده ................أعتقد أن ما فيش بنت ممكن تأثر في حق جوزها وألا هو يبقي أختار غلط وهو المسئول عن سوء أختياره
يعني هي لو عارفه ربنا صح وعارفه حقوق جوزها لا يمكن هتقصر ولو ده كان علي حساب راحتها ونفسها ............وأكيد ده لازم يكون حد يستاهل التضحيه ويستاهل أنها تتعب عشانه والا تكون هي أختارت برده الشخص الغلط يعني أي أتنين بيرتبطوا لازم يكونوا بيكملوا بعض ويساعدوا بعض علي الحياه مش يوقفوا في مستقبل بعض .....................وربنا يرزق كل واحده فينا بالزوج الصالح ;)