-
يوم جميل.....
المكان: مدرج الفرقة الأولى
التاريخ: الخميس 4 أكتوبر / 22 رمضان
الحدث: إفطار جماعي
طب ايه الجديد في ده؟؟؟
لا المرة دي افطار جماعي مختلف عن أي افطار تاني
ده إفطار جماعي للطلبة مع العمال
عمال كليتنا اللي بيتعبوا معانا من اول يوم في الدراسة لحد آخر يوم في الامتحانات
حبينا نعملهم حاجة بسيطة ونفطر معاهم في يوم واحنا اللي نخدمهم في اليوم ده زي ما هم بيساعدونا طول السنة
اليوم بجد كان أجمل مما كنت متصوراه الحمد لله
الناس كنت حاسة انها فرحت باليوم والطلبة هم اللي بيقدموا ليهم الفطار
دول صورتين اللي لحقت اصورهم قبل الفطار
http://img2.7m7.org/imgOct2007/dg4tf...f_22596129.jpg
http://img2.7m7.org/imgOct2007/dg4tf...f_29205916.jpg
طبعا اليوم عمره ما كان هينجح من غير الطلبة اللي تعبوا معانا في التجهيز
شكر خاص لكل من شارك في اليوم بالحضور او ساعد في تكلفة الافطار
شكر خاص ل:
- أسرة فيرونيكا
-أسرة في الكلية
-أسرة صيدلي المستقبل
-أسرة صناع الحياة
دي الأسر اللي حضرت الافطار معانا
وكمان شكر للي شارك بس محضرش معانا للأسف وهم:
-الجمعية العلمية
-أسرة يوتوبيا
-أسرة مستقبلنا
طبعا في ناس هتسألني احنا ليه معملناش اعلان عن الموضوع بس ده لأن الموافقة احنا أخدناها متأخر جدا وكمان لأننا أول مرة نعمل الفكرة دي فكنا قلقانين شوية من نجاحها بس الحمد لله عدت على خير
وانا كمان بعتذر للأسر الجديدة اني معرفتهاش بالموضوع ده بس لنفس السبب اللي فات وكمان لأن في أسر لسه معرفش حد فيها أعرف أوصله لو في حاجة زي كده بس ان شاء الله الأسر تتعرف على بعض علشان لما أسرة تكون عايزة تعمل حاجة مشتركة تعرف توصل لباقي الأسر
ويا رب كلنا ناخد ثواب اليوم ده ويكون في ميزان حسناتنا كلنا
-
جزاكم الله خيرا يا دعاء :) .... و جزى الله خيرا كل فريق العمل .... ربنا يكرمكم جميعا و يجعله الله فى ميزان حسناتكم ... و أنا مبسوطة بجد أن معظم الأسر شاركت فى هذا العمل الرائع و يارب تتكرر دايما ...... اللهم آميـــــــــــــــــــــــــــــــــــــــــــــــ ـــــن
-
جزاكى الله خير يا دعاء
وفعلا اليوم ده حسيت ان العمال مبسوطين
واحنا كمان اتبسطنا اوى
كفاية اننا سمعنا دعاهم لينا كان طالع من قلبهم قد ايه
وان شاء الله السنة الجاية يبقى الحدث اكبر من كده والناس كلها تعرفه وتشارك فيه
وبجد فى ناس تعبت معانا كتير اليوم ده وشاركو بفلوس ومجهود وعربيات وحاجات غريبة كده:d
كل سنة وانتو طيبين
وربنا يتقبل منا ومنكم
-
-
جزاكم الله خيرا
وان شاء الله المرة الجايه تبقى أكبر وتشترك كل أسر الكليه
-
جزاكم الله مثله
ان شاء الله السنة اللي جاية الناس كلها تشارك فيه ويكون اكبر من كده بكتير ونرتب له من بدري علشان بطلع احسن من كده كمان
-