فيه حد من بتوع النص الأول بدأ يجهز ورق الجيش؟؟؟

السلام عليكم لو سمحتوا يا جماعة فيه حد من بتوع النص الأول بدا يجهز ورق الجيش سواء الفيش او الحاجات التانية ؟؟؟ و لا كله مستنى بعد النتيجة ؟؟ اصل اللى أعرفه ان الفيش بيعد 10 أيام مثلا عما يطلع و الورق معاد تقديمه قرب فيه ناس بيقولوا 25 -7 فكده هنلحق و لا ايه النظام ؟؟؟

لسه بدري يا دكتور متستعجلش

النتيجة تظهر بس و هنعرف بالظبط هنعمل ايه و هنقدم امته ..

متشغلش بالك ..

ياجماعه لو حد يعرف بس او حد راح وسال يقلنا
وياريت لو نعرف الورق المطلوب بس عشان نجهزه
انا عرفت ان في ناس عملت الاول وبدات في التاني

ما تستعجلوش يا جماعه .. لما النتيجه تبان الاول
محدش عارف ايه الي في النتيجه لا قدر الله .. ان شاء الله خير

M.3esawy-

الورق المطلوب يا دكتور :أصل شهادة الميلاد أو مستخرج رسمى منها

الورقة بتاعة 6 جند

قيد عائلى

شهادة بفصيلة الدم

صورة من البطاقة الشخصية

4 صور شخصية

الفيش (فيه باين 2 فيش أو تلاتة مش عارف بس نعمل الفيش الأولانى و نسأل بعد كده)

شهادة التخرج أو افادة رسمية من الكلية بالتخرج أو الشهادة المؤقتة على حسب ما يدونا عشان فيه كليات ساعات الشهادة بتتأخر على ما اظن


المهم ان شاء الله بعد النتيجة أول حاجة تعملها الفيش و عما يطلع تجهز باقى الورق