اجراءات الالتحاق بالصيدلة الأكلينيكية
1) روح شباك الشؤون بتاع اعدادي وقلهم عاوز أسجل في الصيدلة الأكلينيكية
2) هتاخد استمارة منهم تكتب فيها بعض بيناتك ( ورقم بطاقة الوالد لازم تكون معاك )
3) تروح تدفع في الخزنة 50 جنيه كرسوم تحويل من النظام العادي الى النظام الاكلينيكي طبعا بتاخد بيهم وصل وترجع تاني للشؤون .
4) عند الشؤون تاخد منهم استمارة تانية هما بيملوا فيها بياناتك .
5) تاخد الاستمارة ديه وترجع الخزنة للمرة التانية وتدفع 5200 جنيه بتاخد بيها وصل ومعاها الاستمارة الى معمولة بالكربون
6) خليك ناصح متطلعش على الشؤون أمال تعمل ايه أقولك أنا . خد وصل الدفع بتاع ال5200 جنيه ومعاه الاستمارة وأطلع على السنتر أعمل صورة منهم وجيب فيل هما هيطلبوه منك عشان يحطولك فيه ورقك
7) اذا كنت دفعت مصاريف الكلية العادية 162.75 جنيه هما أكيد معاهم الوصل بتاع دفعهم واذا مكنتش دفعتهم لازم تدفعهم . يعني وأنت عند الشؤون قولهم أنا عاوز أدفع مصاريف الكلية العادية ( طبعا هما مش هيسبوك متدفعهمش ) هيدوك استمارة خدها وأطلع بيها على الخزنة وادفعلهم وخد وصلك وارجع على الشؤون وارفق الوصل بورقك الى في الملف بتاعك
يعني كده لازم يكون معاك 3 وصولات أبو 50 وابو 162.75 وابو 5200
طبعا اللفة ديه كلها حصلتلي على يومين . ممكن يظبطوك هما ويخلوك تروح الخزنة مرة واحدة بس هيبقى معاك ورق كتير وممكن تتلخبط فيستحسن تعمل الاجراءات على يومين عشان ميحصلش اخطاء .
(ملحوظة هامة ): بالنسبة للناس الى عيدين السنة مبيدفعوش خمسين جنيه على المواد الي شيلنها ده اذا دخلوا النظام الأكلينيكي .
وأي استفسار أنا تحت امركم .
