الكلمة كلمتك .. الرأى رأيك .. إنت الكبير .. و محدش بعدك

[..::ciZar_Resala::..]

بسم الله الرحمن الرحيم

موضوع لفت نظرى جداً ..

حوالينا ف كل مكان ..

من أول البيت .. لحد الشارع و الكلية و الأصحاب .. و حتى الأغراب ..

اللى نعرفه أو منعرفوش..

--------

سؤال: ليه بنزعل من كلمة الحق ؟ ؟ ليه بنحب اللى يضحك علينا و نحترمه ؟؟

--------

لاحظتها حتى عندنا ف الكلية ..

الناس اللى اعتبرتهم اخواتى .. عاملتهم كأنهم اخوات ليا ..

سمعت منهم ف يوم كلمة " عمرى ما أزعل من حد يقولى إنت عملت كذا غلط .. عشان أصلح من نفسى "

شفت الغلط بعينى .. و لاحظت .. من بعيد و من قريب ..

سمعت بودانى .. مش كلام منقول ..

و لما جيت قلت كلمة الحق .. و نصحت .. بقيت وحش ..

الكل زعل منى .. و غير معاملته .. و ده لأنى مقلتش غير الحق .. و دافعت عنه ..

-----------

ليه الشعب المصرى بيكره الحق ؟؟

ليه بنكره عيوبنا و مش بنشوفها ؟؟

ليه بنكره الإنسان اللى يوجهنا ؟؟

ليه بنكره الإنسان اللى نيته صافية معانا ؟؟

ليه بنقول كلام و مش بنعمل بيه ؟؟

ليه بنحب اللى يضحك علينا ؟؟

بنموت ف كلمة اسمها " التسنيج " .. بنموت ف حاجة اسمها " التثبيت " ..

ليه كده ؟؟

ليه بنحب اللى ينصب علينا .. و يضحك على عقولنا ؟؟

------------

يا ريت أعرف رأيكوا

[marooo]

بسم الله الرحمن الرحيم

موضوع لفت نظرى جداً ..

حوالينا ف كل مكان ..

من أول البيت .. لحد الشارع و الكلية و الأصحاب .. و حتى الأغراب ..

اللى نعرفه أو منعرفوش..

--------

سؤال: ليه بنزعل من كلمة الحق ؟ ؟ ليه بنحب اللى يضحك علينا و نحترمه ؟؟ مين قالك ان اللى ما يقولش الحق ان هو يحترم ما اعتقدش--------

لاحظتها حتى عندنا ف الكلية ..

الناس اللى اعتبرتهم اخواتى .. عاملتهم كأنهم اخوات ليا ..

سمعت منهم ف يوم كلمة " عمرى ما أزعل من حد يقولى إنت عملت كذا غلط .. عشان أصلح من نفسى "

شفت الغلط بعينى .. و لاحظت .. من بعيد و من قريب ..

سمعت بودانى .. مش كلام منقول ..

و لما جيت قلت كلمة الحق .. و نصحت .. بقيت وحش ..

الكل زعل منى .. و غير معاملته .. و ده لأنى مقلتش غير الحق .. و دافعت عنه ..

-----------

ليه الشعب المصرى بيكره الحق ؟؟

هوفعلا فى ناس بتكره الحق بس الحق سيف على رقبه كل الانسان

ليه بنكره عيوبنا و مش بنشوفها ؟؟

انا احب الانسان اللى يقولى على عيوبى عشان اصلح من نفسى مش يجى يمدح فى يافرحتى ومن وراى

ليه بنكره الإنسان اللى يوجهنا ؟؟

اناعن نفسى احب اصدقائى اللى يوجهونى للصح وهما دول اللى يستحقوا صداقتى غير كده يستحقوا

ليه بنكره الإنسان اللى نيته صافية معانا ؟؟

لالالالالالالالالالالالا احبه جدا ودايما بقول لاصحابى اللى زعلان منى فى حاجه يقول عشان ما ينفعش تتكلم مع حد نيته مش صافيه من ناحيتك

ليه بنقول كلام و مش بنعمل بيه ؟؟

على ما اقدر اللى بانصح اصحابى بى او اى حد لازم اكون باعمل بيه عشان عمره ما هيستجيب لو انت بتنصحه وما بتعملش باللى بتقولهوله

------------

يا ريت أعرف رأيكوا

الموضوع حلو جدا ياcizar بس انا نفسى اللى يشوف حد بيعمل حاجه غلط ينصحه عشان ده بقى نادر جدا وميرسى على التوبيك

[ELANDALEEB]

الموضوع بجد هااااااااام جدا يادكتور .... وميرسى كتير على طرحه للمناقشة .... فعلا كتير من الكلام اللى حضرتك قولته بيحصل مش مش على الكل يادكتور .... فيه ناس لسه كويسين كتير وبلاش نرمى اى حاجة وحشة ونقول السبب هو الشعب المصرى لاننا الشعب .... واللى يقول عن الشعب حاجة وحشة تبقى الحاجة دى جواه هو وده عيب لازم نصلحه ....
كل اللى حصل ده يادكتور يخليك تتمسك بالحق اكتر لانك انت اللى صح .... واللى يزعل منك علشان خاطر كلمة الحق بجد ابعد عنه وهو يحس بالندم وهيرجع يقرب منك اكتر وهيحترمك كتير اوى اوى .....
ياجماعة الانسان بطبيعته طيب جدا وحساس وكله مشاعر نبيلة حاول تطلعها من الشخص اللى امامك وبايدك تخليه حاجة جميلة اوى اوى وتجبره انه يكون محترم امامك ....
وبرده لما تحاول تنصح حد حاول تنصحه بطريقة لطيفة ماتضايقوش .... ناغشه فى الأول كدة ووصله اللى جواك بطريقة تبينله انه فعلا غلطان ..... وبلاش الصرامة علطول رغم ان فى اوقات الصرامة لابد منها بس مش كلها ....
كفاية عليا كدة واترك باب المناقشة لباقى الاعضاء ومرة تانية ميرسى كتير كتير على التوبيك اللذيذ
تقبل تحياتى
العندليب

[Mohamed Al Gohary]

انا شايف ان ده بيرجع لسببين .. السبب الاول : ان ممكن اللى بيتنصح ده متكبر شويه او شايف ان اللى بينصحوا ده مش احسن منه عشان يعلق على حاجه فيه ..
السبب التانى : اننا مش بنقتنع بسهوله اننا غلطانين .. الخصهلكم فى جمله : احنا بنشوف اننا صح فى غلطنا ..

شكرا على الموضوع

[dr moory]

السبب ان محدش بيقتنع انه غلطان ابدا مهما حصل وبينظر للى نصحه على انه هو الغلطان

شكرا يا دكتور على الموضوع

[SHYMAA]

حاسه بالموضوع قوى يمكن اكتر من اى حد
نصحت صاحبتى وللاسف فهمتنى غلط
ومش عايزه تسمع غير صوتها هيه وبس
وغعلا الانسان دايما بيكون شايف نفسه حتى وهو غلطان محتاج مرايه لكن للاسف حتى لو المرايا قالت انه غلطان برده اللى فى دماغه فى دماغه صعب قوى يتغير
وشكرا على الموضوع اللذيذ ده

[black]

فى قول للامام على رضى الله عنه (اكرمنى من اهدانى عيوبى)

[BoNbOoNa]

السلام عليكم و رحمة الله و بركاته
من خلال معرفتي المتواضعة بالبشر ..قابلت من يقبل النقد بصدر رحب ...و من يمتلك شخصية دفاعية جدا فلا يقبله ابدا و يعتبره اهانة له ... و لكن لا بد من اقتلاع المشكلة من جذورها ..و المشكلة من وجهة نظري هي ان اغلب الناس لا يعرف كيف ينتقد .. فاما يقوم بذلك في وقت او مكان غير مناسب او يستخدم لغة الاستخفاف و نبرة الاستعلاء و التوبيخ ......
ما اردت قوله هو "عامل الناس كما تحب ان يعاملوك" و " انتقد الناس كما تحب ان ينتقدوك!".. لا تجعل النقد هوايتك المفضلة ! و لا تتركه كليةً .. انتقد و تقبل النقد "بذكــــاء"... كن ناقدًا بنّاءًَ و منقودًا متواضعًا !!
اشكرك د\ ياسر .. وانتظر نقدك لكلامي !!
تحياتي

[BoNbOoNa]

ليه الشعب المصرى بيكره الحق ؟؟

يمكن لأن الباطل سهل و الحق صعب فأقنع نفسه بأنه يكرهه ليسكت ضميره .. و طبعا مش كل الشعب المصري بيكره الحق .. انا عن نفسي بحبه أد عنيّا بس يكون حقيقي " الحق" !

ليه بنكره عيوبنا و مش بنشوفها ؟؟

طبيعي اننا مش بنحب عيوبنا ..و الكمال لله وحده .... و لكن الشاطر اللي يركز علي عيوبه و يحاول يصلح نفسه و يطورها بدلا من ان ينشغل بعيوب الناس

ليه بنكره الإنسان اللى يوجهنا ؟؟

ليه بنكره الإنسان اللى نيته صافية معانا ؟؟

من يكره ذلك الانسان؟؟؟ لا احد... الوحيد الذي يكره هذا الانسان هو من لا يعلم ان تلك النية صافية ..او الجاحد الحقود لانه لا يملك قلبا ابيضا نقيا ولم يجرب يوما معني " الصداقة" او الاخوة في الله و لله ...

ليه بنقول كلام و مش بنعمل بيه ؟؟

يحاول الانسان علي قدر الامكان ان يعمل ما يقول و انه يكون قد كلمته ليكسب احترام نفسه اولا و احترام الاخرين ثانيا و لكن احيانا تأتي الرياح بما لا تشتهي السفن كما يقال !

[quote]ليه بنحب اللى يضحك علينا ؟؟

بنموت ف كلمة اسمها " التسنيج " .. بنموت ف حاجة اسمها " التثبيت " ..

ليه كده ؟؟

ليه بنحب اللى ينصب علينا .. و يضحك على عقولنا ؟؟ [/QUOTE
محدش بيحب اللي بيضحك عليه و الدليل ان كل الشعب بيكره الحكومة و اللي معيِّنها !!..باستثناء من لا يقدر قيمة عقله و لا يملك مبدأ او رؤية واضحة للحياة..و ده ممكن يؤدي ان كل الناس تضحك عليه حتي نفسه !
... لم افهم ما المقصود ب "التسنيج" و "التثبيت" ..

نأسف علي الاطالة ....في امان الله

[The Best Pharmacist]

السلام عليكم ورحمة الله وبركاته؛؛

بسم الله الرحمن الرحيم

سؤال: ليه بنزعل من كلمة الحق ؟ ؟ ليه بنحب اللى يضحك علينا و نحترمه ؟؟
للاسف سؤال محيرني جدا ونفسي الاقي له اجابة ؛بس انا اعتقد ان الناس دي بتبقى معتقدة انها ملايكة وما بتغلطش ابدا ؛لذلك الكلام ده بيرضي غرورها
--------

لاحظتها حتى عندنا ف الكلية ..
والله يا دكتور مش ف الكلية بس ..لا ده بقى ف كل مكان ..الناس اصبحت بتتعامل بالمنطق ده

-----------

ليه الشعب المصرى بيكره الحق ؟؟
مفيش حد مؤمن بجد بيكره الحق لأن هو ده ديننا اللي لو طبقناه بالحرف كل انسان هيلاقي راحة البال..لكن للأسف الناسدلوقتي ابتدت تبعد عن دينها وهو ده الزمن الذي أخبرنا عنه الرسول عليه الصلاة والسلام :"يأتي على الناس زمان القابض على دينه كالقابض على الجمر"وفعلا هو ده اللي بيحصل دلوقتي ..اللي يقول الحق ف زماننا ده بيبقى غريب وسط الناس ..ومش بعيد وحش ومكروه
ليه بنكره عيوبنا و مش بنشوفها ؟؟
لأن زي ما قلت لحضرتك في ناس بتبقى شايفة انها مش بتغلط ابدا ..وانها هي بس اللي من حقها تحكم ده صح اوغلط بس ما تحبش ان حد ينقضها
ليه بنكره الإنسان اللى يوجهنا ؟؟

ليه بنكره الإنسان اللى نيته صافية معانا ؟؟
هو فين بس الانسان ده ..دول ماعادوش موجودين الا من رحم ربي !!
ليه بنقول كلام و مش بنعمل بيه ؟؟
يقول الله سبحانه وتعالى: "يا أيها الذين آمنوا لم تقولون مالا تفعلون *كبر مقتا عند الله أن تقولوا ما لا تفعلون"
ليه بنحب اللى يضحك علينا ؟؟
ما بحبش الانسان ده ابدا ..ولا بحب اتعامل معاه

------------

شكرا يا دكتور ..الموضوع جميل وحيوي جدا