هل ممكن نسيان الحب القديم؟

[SmSm]

سؤال يتبادر الى ذهن الكثيرين ولكن يخافون الاجابة عليه او التطرق اليه والهروب منه او اعطاء اجابات غامضه وغير حقيقية ..... الا وهو

هل المرأة اذا احبت شخص ما فترة طويله ( لنقل شهور او سنوات ) وتملك الحب منها ، ثم تفارق الحبيبين ولم يتم الزواج.... هل باستطاعة هذه المرأة ان تحب مرة اخرى شخص اخر ؟؟؟ ام انه يستحيل ذلك ؟؟؟ وهل لو تزوجت من رجل ما ... هل تستطيع ان تسعد زوجها وتنسى حبيبها السابق كانه لم يكن ؟؟ ام ان جسدها في مكان وقلبها في مكان اخر ... ويصبح الزوج هو ضحية ذلك الحب الذي لايعرف عنه شيئا .... ؟؟؟؟

وكذلك بالنسبة للرجل..فالبعض منهم لا يستطيع النسيان ويعيش على ذكرى ما مضى من أيامهما معا .. والبعض الآخر يصاب بعقدة نفسية وحتى لو تزوج بعد ذلك فانه يظل يتذكرها للأبد..

حابة أعرف آراءكوا بصراحة ولو حد لا قدر الله اتحط في الموقف ده ايه هيكون مصيره؟؟؟

[SHYMAA]

علشان كده بخاف من الحب
ما جربتش ومش عايزه
لكن الحكايه دى حسب ارادة الانسان
ولو مقدرش اكيد هيتقى ربنا فى شريك حياته
اللى المفروض انه هيكمل معاه عمره اللى جاى
ويحاول ما يحسسوش ان فيه حد غيره

ويا ريت يكون كلامى مقنع

وشكرا ليكى يا سلمى على الموضوع الجامد ده

[MaZeN]

اعتقد ان الموضوع بالنسبة للبنات بببقى اصعب شوية بس كل حاجة بتتنسى و الدليل على كده ان لو الشخص امه ماتت و دي امه يعني تخيلو كمية الحب بيزعل .. بيتأثر بيحس ان حياته هتقف .. ولكن الحياة بتستمر لأن ربنا رزقنا نعمة النسيان

[SmSm]

علشان كده بخاف من الحب
ما جربتش ومش عايزه
لكن الحكايه دى حسب ارادة الانسان
ولو مقدرش اكيد هيتقى ربنا فى شريك حياته
اللى المفروض انه هيكمل معاه عمره اللى جاى
ويحاول ما يحسسوش ان فيه حد غيره

ويا ريت يكون كلامى مقنع

وشكرا ليكى يا سلمى على الموضوع الجامد ده

شكرا لمرورك شيماء

أنا متفقة معاكي جدا

[a_elkamhawy]

والله انا بشوف ان الموضوع ملوش علاقه بالراجل أو بالبنت أد ما الموضوع له علاقه باستمرارية الحب دا ونموه ورعايته من ناحيتهم هم الاتنين بمعنى...ان لو الحب دا مش كمل وكانت هى السبب هو المفروض انه ميبكيش عليها لأنها مش كانت تستاهل حبه ولو العكس يبقى كدا برده ايه اللى يخليها تبكى على حد مكنش يستاهلها...الحب الحقيقى هو اللى بيعيش حتى لو كل الناس أرادت له الموت...الحب الحقيقى زى الشجرة بس لازم تتروى من طرفين مش من طرف واحد...وأى طرف هيرفض المشاركة فى رى الشجرة يبقى لايستاهل الشجرة ولا يستاهل الطرف التانى...الحب الحقيقى هو اللى بيكمل...هو اللى بيقوى مع كل لحظة بتمر على الحبيبين...الحب الحقيقى دايما دايما لو مش هو اللى استمر يبقى أكيد مكنش هو الحب الحقيقى...وميرسى ع التوبك

[ELANDALEEB]

انا شايف ان لو الرجل حب بجد يبقى مستحيل هيقدر ينسى الحب ده ابدا ابدا ابدا .... وده هيظهر ان لو شاء القدر وتقابل مع من يحب مرة اخرى بعد زمن طويل .... كل المشاعر هتستيقظ مرة اخرى وده هياثر على علاقته مع زوجته ..... ممكن الرجل يحاول يقنع نفسه انه خلاص نسى حبه القديم .... بس ده مستحيل

انا بقى اتمنى انى لما احب ... احب بجد وكمان الانسانة اللى احبها تحبنى وتسعدنى .... اتمنى ان المرة اللى احب فيها تكون هى الأولى والاخيرة ..... اتمنى ان ربنا يقدرنى ويجمعنى مع من احب وميفرقش بينا ابدا ابدا

الموضوع فعلا اكثر من رائع
مع خالص تحياتى
العندليب

[Amira]

انا شايفه ان البنت او الولد (بس البنت اكتر شويه) صعب حد فيهم ينسى اللى كان بيحبه

ولو جه يحب حد تانى هيدور على واحده زى البنت اللى كان بيحبها بالظبط فى كل صفاتها

والبنت كده برده(هتدور على شخصيه الولد _اللى كانت بتحبه _)

[ELANDALEEB]

ولو جه يحب حد تانى هيدور على واحده زى البنت اللى كان بيحبها بالظبط فى كل صفاتها

والبنت كده برده(هتدور على شخصيه الولد _اللى كانت بتحبه _)

بلاش كان واخواتها علشان خاطرى يادكتورة اميرة

اصل بتعب اوى لما الاقى اتنين بيحبوا بعض ويتفرقوا
نفسى اى حد بيحب حد ربنا يكرمهم ويعيشوا فى سعادة وآمان
ومحدش يخسر حبيبه ابدا ابدا
ولو بيحبه فعلا
يتمسك بيه وميفرطش فيه بسهولة

معلش ياأميرة بقى ... طبع فيا عاوز الدنيا تكون حلوة بس
مع خالص تحياتى
العندليب

[Amira]

بلاش كان واخواتها علشان خاطرى يادكتورة اميرة
اصل بتعب اوى لما الاقى اتنين بيحبوا بعض ويتفرقوا
نفسى اى حد بيحب حد ربنل يكرمهم ويعيشوا فى سعادة وآمان
ومحدش يخسر حبيبه ابدا ابدا
ولو بيحبه فعلا
يتمسك بيه وميفرطش فيه بسهولة

معلش ياأميرة بقى ... طبع فيا عاوز الدنيا تكون حلوة بس
مع خالص تحياتى

العندليب

اصل الموضوع عن الحب القديم

وياااااااااارب محدش يخسر اى حد بيحبه ابدا يارب ولاتزعل يا دكتور

[Dr.N.Samy]

موضوع جميل وسؤال حلو بردو
انا شايفة ياجماعة ان زي مالحب له مميزات في وقته سواء مشاعر بنحسها او مواقف بنتعرض ليها وحجات كويسة جدا مع الى بنحبه يعني
بس في عيب جاااااااااامد جدا الذكريات الى بتفتضل موجودة والمقارنة مثلا يعني لو اتنين كانو بيحبو بعض ومحصلش نصيب ايا كان السبب بقا بنلاقي كدا في مقارنة للشخص الى هيجي بعد كدا ودي حاجة وحشة جدا جدا والذكريات واننا ممكن نربط المواقف الى بتحصل مع الانسان الى حبيناه قبل كدا فيبقى عذاب جامد جدا ربنا ادانا نعمة النسيان ودي حاجة جميلة جدا بس بعد وقت طويل لان اكيد مش اوتوماتك بننسا دا حتى لو قابلتنا اساءة من الشخص بردو بنفضل فاكرين حاجات كويسة كتيرة يعني
والغالب بيعيش الواحد فترة كدا محتار تعبان بس مع الوقت الموضوع بيقل والمشاعر سبحان الله بتتغير
مش بنبقا عاملين حساب اي حاجة ونلاقي القدر هو الى بيحكمنا
وفي أي لحظة كل واحد منا هياخد نصيبه ان شاء الله مهما كان بقا ومهما حب او اي حاجة
( انت تريد وانا أريد والله يفعل مايريد)