لا ..مش ممكن...وجهات نظر في التطوير.

[omima ramadan]

السلام عليكم

طبعاً لأننا في الكلية بنحاول نطور أسلوب التدريس

و فيه دعم من الادارة اللي كلنا بنحترمها جدا للطلبة انهم يقولوا مقترحاتهم للتطوير

فأنا هعرض موقف حصل امبارح مع عضوة هيئة تدريس بقسم الفارماكولوجي والسموم

احنا واقفين في مجموعة مع احدي المعيدات وطبعا أقدرها... كانت بتشرح لنا تأثير

cns stimulants on frogs and mice

وواقفة معانا ومش الكل شايف قوي التأثير ..المهم اقترحت عليها اقتراح ودار الحوار التالي:

أنا: بعد اذنك يا دكتور ممكن أصور تأثير الدواء علي الضفدعة والفأر؟(بغرض اني انزلهم علي المنتدي)

المعيدة: لا ...مش ممكن

والتفتت لبقية المجموعة قائلة: حد تاني عاوز حاجة عشان أقوله مش ممكن؟!!!!!!!!!

لن أعلق علي الأسلوب لكن لي تعليق عن سبب الرفض.. لن أقصره علي هذا الموقف..

أنا كنت اقترحت علي وحدة الضمان اننا ننشط التعليم الاليكتروني بمعني ان موقع الكلية

بجانب انه بيحتوي علي بعض المحاضرات يحتوي كمان علي كل ال animations in genetics مثلا أو في أي حاجة بندرسها ...أي حاجة بتوضحها ليه مش ننزلها علي الموقع ؟ وبالتالي مثلا ممكن نصور كل تجارب الأبلايد والمعايرات والسموم وننزلها مصورة ...بهدف اننا نحسن جودة التعليم.... يعني ايه اللي هيضر الكلية من كده؟ بالعكس ده هيسهل علينا كتير بما أن معظم الأقسام مش بتعمل سكاشن مراجعة.

ده رأيي .... وطبعا أكن لكل من علمني حرفا -وطبعا منهم المعيدين- كل التقدير ...واختلاف وجهات النظر لا يفسد للود قضية.

عرضت الموضوع لأني حبيت أبين وجهة نظري لادارة الكلية وأعضاء هيئة التدريس وعلي فكرة مواقع بعض الجامعات الأجنبية بها اللي طالبت به لأن الهدف أولا وأخيرا هو تحسين الخدمة التعليمية.

شكرا جزيلاً وأرجو أن أكون عبرت عن وجهة نظري دون أن أتخطي حدودي.

أميمة رمضان -الفرقة الرابعة

[dr_kimo]

هتفضل مشكلة كليتنا واعتقد مشكلة الجامعات الاقليمية بصفة عامة
فعشان نطور كليتنا لازم نطور عقليات staff هيئة التدريس والا فانا بقول لادارة الكلية من دلوقتى متكملش فى الموضوع

[omima ramadan]

شكرا لردك د.كيمو

بس بصراحة كليتنا من أهم ميزاتها هم أعضاء هيئة التدريس والادارة ودي مش مجاملة لحد وربنا يعلم انها

كلمة حق بس أحياناً ممكن نختلف في وجهة نظر معينة ومنها النقطة دي اللي عرضتها...عشان كده حاولت أعرضها ونناقشها بهدوء لكن ياريت في كل المناقشة مش نخطئ في حد من الأساتذة لانهم مهما حصل أساتذتنا.

شكرا مرة تانية لمرورك يا دكتور.

[asmaa2001]

فعلا الموضوع ده لو اتفعل هيبقي له اثر كبير
فيها ايه لما الصور تتعرض علي المنتدي؟

[تابعة محمد]

بسم الله الرحمن الرحيم
انا مش معترضة على الفكرة الى حضرتك قولتيها يا دكتورة بس عايزة اقلك نقطة مهمه ............
احنا لو جينا شفنا عدد الناس الى بتروح المحاضرات هنلاقيه معدل قليل بالنسبة للدفعة ككل وده علشان اسباب كتير منها ورق المحاضرات الىبينزل فى المكتبة . و ده بعمله ساعات بس مش كتير لما بيبقى عندى محاضرة مش بفهمها او محاضرة متاخرة .
و اظن ان ده الى هيحصل المنتدى هيبقى هو المكتبة و احنا هنحمل من عليه التجارب و هنشوفها و ساعتها مش هيبقى ليه لزمة الشغل فى المعمل . و بعدين مش هيقدر يقول لكل واحد قوم اشتغل .
انا مش معترضة على الفكرة بس بقول الجانب السلبى الى فيها و اعتقد اننا مش محتاجين نغير عقلية اعضاء هيئة التدريس لانهم بيدعونا للتطور بس اعتقد اننا محتاجين نغير من نفسنا فى الاول بدل ما احنا مستسلمين لفقدان الامل و اللامبالاة ..................تقبلى مرورى .

[..::ciZar_Resala::..]

بسم الله الرحمن الرحيم
انا مش معترضة على الفكرة الى حضرتك قولتيها يا دكتورة بس عايزة اقلك نقطة مهمه ............
احنا لو جينا شفنا عدد الناس الى بتروح المحاضرات هنلاقيه معدل قليل بالنسبة للدفعة ككل وده علشان اسباب كتير منها ورق المحاضرات الىبينزل فى المكتبة . و ده بعمله ساعات بس مش كتير لما بيبقى عندى محاضرة مش بفهمها او محاضرة متاخرة .
و اظن ان ده الى هيحصل المنتدى هيبقى هو المكتبة و احنا هنحمل من عليه التجارب و هنشوفها و ساعتها مش هيبقى ليه لزمة الشغل فى المعمل . و بعدين مش هيقدر يقول لكل واحد قوم اشتغل .
انا مش معترضة على الفكرة بس بقول الجانب السلبى الى فيها و اعتقد اننا مش محتاجين نغير عقلية اعضاء هيئة التدريس لانهم بيدعونا للتطور بس اعتقد اننا محتاجين نغير من نفسنا فى الاول بدل ما احنا مستسلمين لفقدان الامل و اللامبالاة ..................تقبلى مرورى .

معتقدش إن فكرة تنزيل الصور أو الفيديو هيأثر على الشغل فى المعامل ..

الكلام ده غلط جداً ..

بالعكس .. دا لو نزل مثلاً قبل المعمل الناس هتبقى عارفة بتشتغل إيه .. و مش هتقعد تلبخ ..

فى اقتراحات كتيرة بيتم دراستها دلوقت على المعامل .. و فى تجديد إن شاء الله .. و التغييرات اللى هتحصل لو طبقنا المقترحات الموجودة هتبقى مفاجأة سارة للجميع

[تابعة محمد]

معتقدش إن فكرة تنزيل الصور أو الفيديو هيأثر على الشغل فى المعامل ..

الكلام ده غلط جداً ..

بالعكس .. دا لو نزل مثلاً قبل المعمل الناس هتبقى عارفة بتشتغل إيه .. و مش هتقعد تلبخ ..

فى اقتراحات كتيرة بيتم دراستها دلوقت على المعامل .. و فى تجديد إن شاء الله .. و التغييرات اللى هتحصل لو طبقنا المقترحات الموجودة هتبقى مفاجأة سارة للجميع

ممكن الله اعلم و على العموم الاختلاف فى وجهات النظر لا يفسد للود قضية .
اظن انكم دخلتم معامل مواد كتير و ادرى بالفائدة بس ان راى كان متجه ناحية الناس الى بتيجى العملى علشان الغياب و بس او بيشتغلوا غصب عنهم و اظن انهم مينفعش يتساوا مع الناس الى بتبذل كل مجهودها فى المعمل علشان تطلع الحاجة صح .
و لو كان موضوع الصور ضرورى فاحنا ممكن ننزلها لما امتحانات العملى تبدا .

[شهد الحياة]

ديه مشكلة بنعانى منها من زمان
الدكاترة مش بيرضوا حد يصور الشرايح على الموبيلات م انى اعتقد دى حاجة هتسهل علينا قوى وبالنسبة لمعدل حضور المحاضرات مش هيتأثر اللى عاوز يحضر هو اللى بيحضر وهو اللى بيستفاد
وياريت الفكرة دى تطرح فى لجنة التطوير
وشكرا ليك يا دكتورة أميمة

[omima ramadan]

فعلا الموضوع ده لو اتفعل هيبقي له اثر كبير
فيها ايه لما الصور تتعرض علي المنتدي؟

مش عارفة.
شكرا لمرورك يا أسماء

[omima ramadan]

بسم الله الرحمن الرحيم
انا مش معترضة على الفكرة الى حضرتك قولتيها يا دكتورة بس عايزة اقلك نقطة مهمه ............
احنا لو جينا شفنا عدد الناس الى بتروح المحاضرات هنلاقيه معدل قليل بالنسبة للدفعة ككل وده علشان اسباب كتير منها ورق المحاضرات الىبينزل فى المكتبة . و ده بعمله ساعات بس مش كتير لما بيبقى عندى محاضرة مش بفهمها او محاضرة متاخرة .
و اظن ان ده الى هيحصل المنتدى هيبقى هو المكتبة و احنا هنحمل من عليه التجارب و هنشوفها و ساعتها مش هيبقى ليه لزمة الشغل فى المعمل . و بعدين مش هيقدر يقول لكل واحد قوم اشتغل .
انا مش معترضة على الفكرة بس بقول الجانب السلبى الى فيها و اعتقد اننا مش محتاجين نغير عقلية اعضاء هيئة التدريس لانهم بيدعونا للتطور بس اعتقد اننا محتاجين نغير من نفسنا فى الاول بدل ما احنا مستسلمين لفقدان الامل و اللامبالاة ..................تقبلى مرورى .

شكرا لك د.تابعة بس أحب أقول حاجة ...أنا عارفة ان وجهة نظر المعيدة هي اللي تفضلت انت وقلتيها
لكن اذا كنا عاوزين نطور فعلا لازم نتجاهل نقطة "أصل احنا لو عملنا كده هنفيد اللي مش بيحضروا المحاضرات والمعامل"

...أنا عاوزة أقولك ان دكاترة الدروس بيعملوا كل حاجة ...كل البودرة في عملي العقاقير مثلا بيجيبوها لطلبتهم وكل الشرائح بتتصور سواء المعيد وافق أو لا...وكمان بيعملوا التجارب عندهم... وكل المحاضرات بتوصلهم حتي لو مش نزلت hand out .

فبالتالي خلينا نتجاهل كل الطلبة اللي مش عاوزين يتعلموا ونفكر في اللي موجودين داخل الكلية ...ليه مش نحسن من خدماتنا التعليمية لهم؟ بجد دي وجهة نظري ...اذا كنا عاوزين نطور خلينا يكون قدامنا هدف واحد ...تحسين جودة التعلم حتي لو كان اللي هنعمله هيفيد اللي مش بيحضر.

وبعدين فيه نقطة....معامل السموم بالذات العدد فيها كبير وغالباً مش الكل بيعرف يشوف التأثيرات كويس حتي بعد التقسيم لمجموعات...
النقطة التانية ..اننا بناخد سكشن كل اسبوعين ...يعني المفروض اني أفتكر شكل الفأر والضفدعة بعد كل الفترة دي وأعرف الفرق في التأثير !!!!!!

لكن لو لقيته مصور...أكيد هيساعدني في المراجعة...وده في كل المواد.

شكرا مرة أخري د.تابعة لمرورك.