فيلم هندي ده ولا ايه.......

[Mahmoud_Seif]

فيلم هندي ده ولا ايه؟!


صحيت من نومي ع التليفون قلت اللهم اجعله خير

اللي طلبني قاللي بردون كلمة في جمله وميت تبرير

قال حلمت وحلم اكيد وطلبت منك التفسير

وبسرعه قلت يلا قول مامنهوش فايده كتر القول

قالي حلمت اني موظف بمرتب حلو فوق المعقول

اللي في نفسي ونفس عيالي تلاقيه قدامنا ..سحر تقول!!!

كل شيء تلاقيه في السوق والاسعار في المعقول

ابني اتخرج من اسبوع وجواب تعيينه جاله علي طول

مفيش وجود لدروس خصوصيه تعليم تمام ميه الميه

كل مكان مليان حنيه ونسينه خلاله الفاظ قسيه

رغيف العيش طعمه لذيذ تاكله تقول عليه دا فطير

وبسعاده سمعت واحد بيقول العيش كتير ومافيش طوابير

الدم غلي في عروقي وقلت ولا الف كتاب تفسير احلام

يفسر حلمك اللي اتقال وده فيلم هندي من الافلام



آخر نكته


سمعت اخر نكته عباره مشهوره

زمان كنا نسمعها بنفس مسروره

دلوقتي تلاقي الناس تكشيره علي القوره

والنكته راح زمانها واختفت من الصوره

والضحكه صبحت نادره تقدر تقول مغموره

سالت بعض الناس وسؤالي كان ضروره

الكل جاوب وقال اسعار مسعور

مطالب الحياة صعبه وعلينا منصوره

الضحكه تطلع ازاي دي في الزور محشوره


القبلة البيضاء


ياحلوتي ردي السلام فالقلب يقرئك السلام

عام تعيس قد مضي ولقد اتي عام الغرام

عام سعيد ليتنا سنكون فيه كما مايرام

لاتخدعيني بالسكوت وتاكليني بالكلام

فانا الرضيع وانا الذي في الحب ماعرف الفطام

فالقبلة البيضاء للشعراء ليست بالحرام

بس استريني والنبي وبلاش تقولي للمدام

بقلم :وائل انيس منصور

[Dr Deya]

[dr-aya]

جامديين جدا جدا
بس عى فكرة الحلم مش فيلم هندى إطلاقا أنا شوفته قبل كدا بس كان فيلم خيال علمى و إسمه
impossible in >>>>>>>>>
مشكور يا dr.m.s كتيييير على التوبيك

[Mahmoud_Seif]

شكرا لمروركم الكريم بس ماننساش ان كاتب الكلمات دي وائل انيس منصور ...... علي فكره وائل زميل بس مش معانا في الكليه .

[chocolata]

الموضوع جامد جدا يادكتور شكرا للكاتب على الكلمات الجميله الواقعيه اللذيذة وشكرا ليك يادكتور لانك انت اللى نقلتها لينا على المنتدى بجد جميله وبتوصف الحال تمام التمام وفعلا دا فيلم هندى مش حلم والواحد يقلق منه مش عايزين الناس تحلم كتير

[elmagnifico]

يا حوده يا جامد

[ELANDALEEB]

هذا الشبل من ذاك الأسد
قصدى يعنى ( وائل أنيس منصور )
فعلا مستقبله هيكون كبير اوى اوى فى الكتابة

شكرا ياسيف على الحاجات الحلوة دى
مع تحياتى
العندليب

[Mahmoud_Seif]

منور ياعندليـــــــــــــــــــــــــب

[SHYMAA]

ايه يا محمود الحاجات الجامده دى مش تقول
وما تنساش تشكرلى وائل
كفايه عليا ان اسمه منتسب لاكتر شخص انا مجنونه بيه
ما انت عارف انا اد ايه بعشق انيس منصور

[Nayroz]

حلوة اوى يا دكتور محمود ...وشكرا طبعا لوائل اللى كتب الكلام الواقعى ده .....بجد الف شكر ليه......بس مش عارفة ليه وانا بقرا الكلام الحلو ده حسيت انا ممكن يتغنى راب ....مش عارفة هتوافقنى فى رايى ولا لأ يا دكتور ...بس واللهى الكلام حلو اووووووووووووووووووووى