رسالة الى د/محمود عميد الكلية

[موظفه طموحه]

بسم الله الرحمن الرحيم

السلام عليكم ورحمة الله وبركاته

اتقدم لسيادتكم بجزيل الشكر والتقدير والاحترام لما يحدث فى كليتنا من تطور واهنىء سيادتكم
ونفسى بهذا التطور الرائع فى كل شىء واتمنى لسيادكم مزيد من التقدم والاذدهار واعانكم الله
فيما تقومون به من مجهود شاق ولسيادتكم منى كل التقدير والاحترام
ممكن اطلب طلب ويارب حضرتك توافق .
فيه اجتماع يوم الخميس القادم لجميع موظفى الكليه للنقاش فى بعض المشكلات وعرض حلول لها
ممكن بعد اذن حضرتك يكون فيه اجتماع للفنيين بمفردهم والاداريين بمفردهم
عشان بس المواضيع تكون واحده ومشاكل وحلول موحده لكل فئه عشان بس نعرف نركز فى عرض
المشاكل والحلول لكل فئه منهم ممكن ياسيادة العميد؟

والف شكر لحضرتك

[Dr Mahmoud]

وعليكم السلام
تابعت بعض مداخلاتك وشكرا لك
ياريت تلتقى بالدكتور سرى لتنظيم لقائين بدلا من واحد .. ومفيش مانع عندى.. وشكرا

[موظفه طموحه]

وعليكم السلام
تابعت بعض مداخلاتك وشكرا لك
ياريت تلتقى بالدكتور سرى لتنظيم لقائين بدلا من واحد .. ومفيش مانع عندى.. وشكرا

بسم الله الرحمن الرحيم

شكرا لك سيادة العميد وارجو من حضرتك تشجيع ارائى ومقترحاتى اللتى تقدمت بها للدكتور سرى ولدى القدره لمزيد من الاقتراحات وتفادى السلبيات الموجوده داخل المعامل وقد تقدمت بها كتابيا للدكتور سرى.
واتقدم لحضرتك بجزيل الشكر على الاهتمام وهذا ليس بجديد على سيادتكم ربنا يخليك لينا يارب.

[موظفه طموحه]

شكرا لسيادتكم سيادة العميد اليوم كان الاجتماع ممتع
بصراحه فتحت لنا صدرك وسمعتنا ويارب تتحقق امالنا على ايد حضرتك
على فكره يادكتور انا صاحبة اقتراح مركزية الماء المقطر ولى اقتراحات
كتير مكتوبه مع د/سرى
يارب تكون عرفتنى

[pharmacistina]

دكتور محمود كليتنا كل يوم شايفينها بتتقدم بوجود حضرتك و الله العظيم مش مجرد كلام ..

عشان كدة الناس بدأت تقدم مقترحاتها عشان ادارة الكلية مع حضرتك حاجة تانية ..

ندين لحضرتك بالكثير ..

محدش من الطلبة دلوقت بقى خايف من أي مشكلة لأن دلوقت عندنا حاكم ديموقراطي و عادل و بيعدل الخطأ من الطالب أو غير الطالب ..


يا بخت الناس اللي جايين لسة الكلية هتكون اتطورت أكتر من دلوقت كمان ..

احنا خلاص بقى لحقنا سنتين ..


شكرا جزيلا لحضرتك ..

[موظفه طموحه]

فعلا والله احنا كلنا حسين ان فيه ديمقراطيه حلوه اوى
فى كليتنا كل واحد فينا اذا كان عضو هيئة تدريس او طالب
او فنى او ادارى او عامل يقول رايه ومقترحاته بمنتهى
الثقه وبدون اى تردد حقيقى تحية شديده من القلب
لسيادتكم سيادة العميد
اريد ان اقترح على حضترك اقتراح
ياريت حضرتك تقوم بتكليف فنى من قسم الطبيه
وفنى من قسم التحليليه
وفنى من قسم العضويه للاشراف الادارى على مبنى الكيمياء
من حيث اى سلبيات او اى طلبات تيسر وتسل وتطور العمل داخل المعامل
ويكون هذا تكليف من سيادتكم ويصل الى رئيس كل قسم منهم
ويكون ذلك فى من تجده سيادكم جدير بهذا العمل ويستطيع ان يقوم
به بمنتهى النشاط ومن لديهم القدره على التجديد والابتكار
وهذا يكون بالاضافه الى عملهم الاساسى .
وشكرا لك سيادة العميد وارجو ان تجعل لى نصيبا فى مرور حضرتك على المنتدى
يكون لى جزيل الشكر.

[موظفه طموحه]

بسم الله الرحمن الرحيم
ايوه ياسيادة العميد والله انا بعمل على اد مابقدر ومش بس فى معملى
والله فى القسم كله ويمكن وصل حضرتك هذا الكلام بس بصراحه شديده
محتاجه مساعده ممن حولى وعشات كده طلبت من حضرتك تكليف رسمى
اعتقد انه هيعطى نتيجه احسن ان شاء الله .
ولولا حرصى واصرارى على ان نكون احسن وافضل مابحثت عن وسيلة
اتصال دائم بحضرتك مثل هذا المنتدى الرائع اللى دائما منور بمرور حضرتك عليه
شكرا لك سيادة العميد

[موظفه طموحه]

بسم الله الرحمن الرحيم
السيد الستاذ الدكتور /محمود بكر عميد الكليه
سلام الله عليكم ورحمته وبركاته
كل سنه وحضرتك طيب بمناسبة اقتراب انتهاء العام الدراسى
حضرتك بالنسبه للصيدله الاكلينيكيه طبعا حضرتك عارف ان المعمل الخاص بها فى الدور الارضى ارجو من حضرتك دراسة ان يكون فيه معمل تحضير خاص بالصيدله الاكلينيكيه ويكون قريب الى حد ما من المعمل الخاص بها وذلك هيكون خاص بقصم الكيمياء كله لان والله ياسيادة العميد عدم وجود معمل تحضير قريب منها متعب جدا فانا مثلا مسكه اولى اكلينيكى فريش وثانيه تخلفات ومعادهم يوم الخميس من الساعة 11 الى الساعه 5مساءا لانهم ورا بعض بفضل واقفه فى مدخل الكليه كل هذا الوقت من 11 صباحا حتى 5 مساءولايوجد مكان حتى اجلس فيه ومعمل التحضير طبعا فى الدور الخامس يعنى بجد تعب شديد جدا حتى على العامل وانا اعرف جيدا ان حضرتك بتحب تريح الناس كلها ارجو من حضرتك وضع هذ ا الاقتراح تحت الدراسه وهو تخصيص معمل تحضير للاكلينيكيه ومنه هيتواجد فيه اى حد ماسك الاكلينيكى وفى نفس الوقت نحضر فيه ويكون الى حد ما قريب من معامل الطلبه طبعا انا اسفه جدا على الاطاله بس انا تعودت من حضرتك ان تسمع لنا كل اقتراحتنا وجميله اوى الديموقراطيه الموجوده فى عصر حضرتك لحضرتك منى جزيل الشكر والتقدير والاحترام شكرا لك سيادة العميد

[موظفه طموحه]

رسالة شكر وتقدير الى
د/ محمود ربنا يخليك لينا يارب
اليوم والحمد لله بدا العمل فى تنفيذ تركيب الاسانسيربجد انا لما شوفت العمال بدات شغل كنت هطير من الفرحه بس خفت اقع من الدور الخامس هههههه
شكرا شكرا سيادة العميد .

[Mohamed Al Gohary]

كده تحرقي المفاجاه يا استاذه منى