طلب عاجل للكتور/محمود بكر

[M.GOM3A]

بسم الله الرحمن الرحيم

الاستاذالدكتور/محمود بكر

السلام عليكم ورحمة الله وبركاته

في الحقيقه كان في طلب وتقريبا للنسبه الاكبر من الدفعه وكان ممكن يقدم لحضرتك بشكل فردي بس حبيت يكون الموضوع عام عشان يكون في فرصه لكل واحد انه يقول رايه
بالنسبه لمادة الصحه العامه ان شاء الله هتكون اخر ماده ودي حاجه عامله عبء وقلق لكل الطلبه تقريبا خصوصا انها من اتقل المواد وكمان من اكتر المواد اللي درجاتها مش تمام الترم الاول .........
لو ممكن انها تتقدم في الجدول شويه فده هيكون اريح كتير لينا وان شاء الله في مصلحة الجميع ولو مكنش في فرصه انها تتغير فياريت بس نعرف الاسباب عشان نتقبل الموضوع
وطبعا كلنا عارفين ان حضرتك مش هتتاخر عن حاجة فيها مصلحه لينا
كمان بنشكر حضرتك علي اهتمامك ومتابعتك لينا من خلال لمنتدي


وفي النهايه اوجه دعوه للجميع انه يقول رايه لان ده هيكون مقياس لادارة الكليه علي اجماع الطلبه علي التغير المقترح

[M.3esawy]

شكرا يا دكتور على الموضوع .. فعلا كلنا كنا بنفكر في كده ..
البابلك الى حد ما ماده مقلقه ويا ريت انها تتقدم شويه مكان ماده الصيدلانيات او التكسو مثلا ..

بوجه الشكر الجزيل للدكتور محمود على اهتمامه بينا وعلى متابعته للمنتدى رغم المشاغل الكتير.. ومعلش يا دكتور بنشغلك معانا بزياده .. بس هيا كلها كام وشهر وهترتاح مننا خالص


m.3esawy-

[Alaa_Resala]

انا رأيي من رأيك يا دكتور

يا ريت فعلا المادة تتقدم شوية

بس ميجيش مكانها مادة صعبة برده

ومادة زي الصيدلانيات او التوكسو اعتقد تبقى كويسة فعلا لو اتحطت مكانها زي ما بتقول يا د/محمد

احنا عارفين ان د/محمود بيراعي ظروف الطلبة و بيلبي رغباتهم طول ما كانت في المصلحة العامة

[Dr Mahmoud]

و بيلبي رغباتهم طول ما كانت في المصلحة العامة

ياريت حد منكم يمر على

[Alaa_Resala]

كل الشكر لحضرتك يا دكتور محمود

على الاستجابة لطلبنا

واهتمام حضرتك بآراءنا

وآسفين اننا بنزعج حضرتك وبنشغلك عن أمور أهم

[snowhite]

ياريت فعلا الكلام ده يحصل
يعنى مثلا تتبدل مع الصيدلانيات
انمااخر مادة كدا
احنا عقبال مانوصلها هنكون مجهدين ومش قادرين نذاكر
والمادة صعبة ودرجاتها وحشة الترم الاول

[ms_treka]

ياريت والله يا د \ محمود اصل اخر مادة هنكون خلاص تعبنا ومش قادرين
وانا بتمنى تحقيق الطلب ده

[mohager_87]

فية حد راح للدكتورر محمود واية نتيجة المقابلة طمنونا اية الاخبار

[real love]

لو عاوزين تغيروا ..تبقى الصناعية اول مادة ..لاننا بنكون مذاكرين نصها او اكتر فى الشيت
بصراحة الجدول كدة مثالى

[real love]

بسم اللة الرحمن الرحيم
مع احترامى لكل الناس اللى ادت رايها فى الموضوع ..انا مش موافق على التغير لانى شايف الجدول بالصورة دى يعتبر مثالى..ومش محتاج اى تغير
والناس اللى معترضة على مادة الصحة العامة..يكفى انها جاية بعد مادة التوكسو..ممكن تسيب لها يومين من التوكسو.دة طبعا لان درجات الدفعة بالكامل حلوة فى المادة دى بعكس اى مادة تانية ...يعنى لو اتغيرت لازم تغير التوكسو كمان وتفضل قبلها ..ومحدش يقنعنى انة لو زاكرها قبل الامتحانات هيفضل فاكر منها حاجة ...يا جماعة اهم حاجة ايام الامتحانات...بالتوفيق للجميع