أسئلة الطلاب في عملي التحليلية (الفصل الدراسي الثاني)

[:HOPE:]

بسم الله الرحمن الرحيم
الحمد لله والصلاة والسلام على رسول الله ()

يسعدني أن أتلقى أسئلتكم واستفساراتكم حول عملي التحليلية في هذه الصفحة

أسأل الله أن تكون مفيدة ونافعة لكل الطلاب


د. محمد العوضي

[mousa_2010]

برحب بحضرتك بمناسبة الترم التانى وشكرااااااااااااااااااااااااا جدا عاى مجهوداتك الجميله

[telfast]

ربنا يجعل مجهوداتك الكبيرة فى ميزان حسانتك إن شاء الله
وأدعوه أن يوفقك الى ما تتمناه............

[دقة قلب]

ربنا يكرمك يا دكتور انا عمري ماشفت دكتور بشرح بخلاص زي حضرتك
سؤالي هو الورق هينزل امتى ~~~؟؟
وفي حاجة كمان يا دكتور احنا عندنا السكشين الساعه 4.30 وبنخلص محاضرتنا تقريبا الساعه 1.15 وينفعش المعاد يتغير!!لان بيبقى في فرق كتير بين المحاضرة والسكشين وفي مننا كتير بيسافر

[تابعة محمد]

بسم الله الرحمن الرحيم
عودة الى زمن العلم و التعلم الجميل ............................... شكرا لحضرتك و اتمنى اننا نستحق انك تتعب عشاننا و ربنا يجعله فى ميزان حسناتك و يرزقك الاخلاص .

[kamato]

بصراحه يا د انا بشكرك وهذه الشكر ليس مني فقط ولكن من كل الدفعه ويارت تعتبرني اخوك الصغير

[MoRsY]

ألف شكر يا دكتور على تعبك معانا
وكان عندي سؤال : هو إحنا هنشتغل كام تجربة السكشن الجاي؟

[:HOPE:]

أولا متشكر جدا وجزاكم الله خيرا على الكلام الجميل ده وأتمنى أن أكون مستحقا لذلك عند الله
و أستعير قول الامام علي (رضي الله عنه):
اللهم لاتؤاخذني بما يقولون واجعلني خيرا مما يظنون و اغفر لي ما لا يعلمون

سؤالي هو الورق هينزل امتى ~~~؟؟

وفي حاجة كمان يا دكتور احنا عندنا السكشين الساعه 4.30 وبنخلص محاضرتنا تقريبا الساعه 1.15 وينفعش المعاد يتغير!!لان بيبقى في فرق كتير بين المحاضرة والسكشين وفي مننا كتير بيسافر

الورق نزل فعلا و موجود منه نسخة على المنتدى بقسم المحاضرات وكمان موجود صور الألوان في ملف powerpoint بقسم المحاضرات أيضا

بالنسبة لمواعيد السكاشن: زي ما هو واضح ليكم أن السكاشن شغالة متصل من الساعة 9ص-7م ولذلك مش هنقدر نغير في أي ميعاد وكمان بعد انتهاء محاضرات مجموعة (أ) فيه معمل بيبدأ هو الأرقام من 1-250 وده مش اختيارنا ولكن ده حسب جدول الكلية
على العموم لو عندك مشكلة كبيرة في السفر ممكن تيجي للدكتورة منال وتوضحي لها البلد اللي بتسافري لها وظروف المواصلات ولو كانت هناك مشكلة ممكن تسمح ليكي بالحضور في مجموعة أخرى يكون بها مكان فاضي والأحسن لو قدرتي تتـفقي مع حد من زمايلك من المجموعات البدري بحيث تبدلوا أماكنكم في المعامل باذن من الدكتورة منال.

بصراحه يا د انا بشكرك وهذه الشكر ليس مني فقط ولكن من كل الدفعه ويارت تعتبرني اخوك الصغير

فعلا أنا باشعر أن كلكم اخواتي وده هو الاحساس اللي بيحركني دايما

وكان عندي سؤال : هو إحنا هنشتغل كام تجربة السكشن الجاي؟

هنشتغل تجربتين
Determination of NaCl by Mohr' method & Determination of NaBr by Mohr's method
وهناك تجربتين Fajan هتكون demonstration

Best Wishes

[basma 90]

جزاك الله خيرا يا دكتور

بجد احنا مهما قولنا مش كفاية على المجهود اللى حضرتك بتبذله وعلى اخلاصك معانا

ربنا يجعله فى ميزان حسناتك

[MoRsY]

ألف شكر لحضرتك يا دكتور على تفاعلك معانا و ربنا يجعله فى ميزان حسناتك